Juan 2:5 - Marahay na Bareta Biblia

⁵ Alagad sinabihan kan ina ni Jesus an mga sorogoon, “Giboha nindo an anoman na sabihon niya.”

Juan 2:5 Iomraidhean Croise

Genesis 41:55

Kan magpoon nang magutom an mga Egipcio, naghagad sinda nin pagkakan sa hade. Pinagbotan niya sinda na magduman ki Jose asin magsunod sa sasabihon kaini.

Genesis 6:22

Ginibo ni Noe an gabos na ipinagboot saiya nin Dios.

Ezekiel 12:7

Ginibo ko an itinaram sako nin Kagurangnan. Kan aldaw na idto inandam ko an kagamitan nin sarong itinapok asin pagkabanggi, guminibo ako nin labot sa kudal, na an ginamit ko mga kamot ko sana, dangan nagluwas ako pasiring sa diklom, pasan an sakong kagamitan, mantang naghihiling sinda.

Mateo 12:46

Nagtataram pa si Jesus sa mga tawo kan umabot an saiyang ina asin mga tugang. Idtoon sinda sa luwas asin boot na makaolay si Jesus.

Juan 15:14

Mga katood ko kamo kun gibohon nindo an mga ipinagboboot ko saindo.

Mga Gibo 9:6

Tumindog ka, magduman ka sa syudad, asin sasabihan ka duman kan dapat mong gibohon.”

Hebreyo 11:8

Huli sa pagtubod, nagkuyog si Abraham kan apodon siya nin Dios; nagduman siya sa daga na ipinanuga nin Dios saiya bilang pamana. Binayaan niya an sadiri niyang daga maski dai niya aram kun saen siya maduman.

Hebreyo 5:9

Kan maotob na niya ini, siya nagin burabod nin kaligtasan na daing kataposan para sa gabos na nagkukuyog saiya.

Hukom 13:14

Dai siya dapat magkakan kan ano man na hale sa balagon nin ubas. Dai siya dapat mag-inom nin arak o maisog na inomon, ni magkakan kan arin man sa mga ipinapangalad na pagkakan. Kaipuhan otobon niya an gabos na sinabi ko.”

Ruth 3:6

Kaya nagduman si Ruth sa ginikan asin ginibo an mga sinabi kan saiyang panugangan na babae.