Juan 19:7 - Marahay na Bareta Biblia

⁷ Nagsimbag an mga tawo, “Sosog sa samong katogonan, dapat siyang magadan, huli ta nagsabi siyang Aki siya nin Dios.”

Juan 19:7 Iomraidhean Croise

Isaias 53:4

“Alagad tinios niya an sakit na kuta para sato, an kulog na kita kuta an nagtios. Naghona kita na an saiyang pagtios sarong padusa na hale sa Dios.

Levitico 24:16

An siisay man na Israelita o dayuhan na nag-eerok sa Israel, na maglanghad sa Kagurangnan, gagadanon kan bilog na komunidad sa paagi nin paggapo.

Markos 15:39

Nakatindog sa atubangan kan krus an kapitan kan mga soldados asin nahiling niya kun paanong nagadan si Jesus, kaya nakapagsabi siya, “Totoo mananggad na Aki nin Dios an tawong ini!”

Juan 19:8

Kan madangog ini ni Pilato, orog siyang natakot.

Juan 5:18

Orog na pinaghumotan siyang gadanon kan mga Judio huli ta bako sanang linapas niya an katogonan dapit sa Sabbath, kundi huli ta nagsabi pa siya na an Dios iyo an saiyang Ama; kaya ipinapahiling niyang kapantay siya nin Dios.

Mga Gibo 18:13

saka sinabihan ninda an gobernador, “An tawong ini namimirit sa mga tawo na magsamba sa Dios sa paagi na tumang sa katogonan!”

Roma 1:4

asin ipinahayag siya bilang Aki nin Dios sa kapangyarihan kan Espiritu nin kabanalan, huli kan saiyang pagkabuhay liwat sa mga gadan.

Deuteronomio 18:20

Alagad kun igwa nin sarong propeta na mangahas magpahayag nin mensahe sa ngaran ko, na dai ko man ipinagboot na gibohon, magagadan siya huli kaiyan. Siring man, magagadan an siisay man na propeta na magtaram sa ngaran nin ibang dios.’