Juan 17:8 - Marahay na Bareta Biblia

⁸ Itinukdo ko sainda an gabos na nanodan ko saimo, asin inako ninda. Aram man ninda na ako totoong gikan saimo, saka nagtutubod sinda na sinugo mo ako.

Juan 17:8 Iomraidhean Croise

Mga Talinhaga 1:23

Kun hinanyogon nindo an sakong pagsagwe, itatao ko saindo an marahay na hatol asin ihihiras ko saindo an sakong naaaraman.

Mga Talinhaga 1:3

Tutukdoan kamo kaini kan matanos na paagi nin pamumuhay, pagigin onesto, matanos, asin mayong pagpapalaen sa kapwa.

Mga Talinhaga 2:1

Aki ko, akoon mo an gabos na itinukdo ko asin ingatan mo an mga pagboot ko.

Mga Talinhaga 4:10

Magdangog ka, aki ko, asin akoa an sakong mga tataramon, tanganing mabuhay ka sa halawig na panahon.

Mga Talinhaga 8:10

Pilion nindo an sakong katukdoan embes na plata; an pakasabot ki sa pinong bulawan.

Mateo 13:11

Nagsimbag si Jesus, “Saindo ipinapasabot an mga hilom kan Kahadean nin langit, alagad sainda dai.

Juan 12:49

Huli ta dai ako nagtaram sa sadiri kong kabotan; an Ama na nagsugo sako iyo an nagboot kun ano an dapat kong itaram saka itukdo.

Juan 14:10

Dai ka minatubod na ako nasa Ama asin an Ama nasa sako? An mga sinasabi ko saindo, dai ko sinasabi sa sadiri kong kabotan. An Ama, na nasa sako iyo an naggigibo kan saiyang mga gibo.

Juan 15:15

Dai ko na kamo aapodon na mga sorogoon, huli ta an sorogoon dai nakakaaram kan ginigibo kan saiyang kagurangnan. Aapodon ko kamong mga katood, huli ta sinabi ko saindo an gabos kong nadangog sa sakong Ama.

Juan 16:27

huli ta namomotan kamo kan Ama. Namomotan niya kamo huli ta namomotan nindo ako asin minatubod kamo na gikan ako sa Ama.

Juan 16:30

Nasasabotan na nyamo ngunyan na aram mo an gabos na bagay; dai na kaipuhan na hapoton ka pa nin siisay man. Huli kaini minatubod kami na gikan ka sa Dios.”

Juan 17:14

Itinukdo ko sainda an saimong tataramon, alagad ikinaongis sinda kan kinaban, huli ta bako sindang taga kinaban, siring na ako bakong taga kinaban.

Juan 17:18

Sinusugo ko sinda sa kinaban arog kan pagsugo mo sako sa kinaban.

Juan 17:21

Ipinapamibi kong magkasararo logod sinda gabos; siring na ika, Ama, yaon sako asin ako yaon saimo, asin sinda man magin saro sa satuya, tanganing magtubod an kinaban na sinugo mo ako.

Juan 17:23

ako yaon sainda, ika yaon sako, nganing sinda magin saro nanggad. Sa paaging ini maaaraman kan kinaban na sinugo mo ako asin namomotan mo sinda siring kan pagkamoot mo sako.

Juan 17:3

An buhay na daing kataposan iyo ini: na mamidbidan ka ninda, an iyo sanang tunay na Dios, saka si Jesu-Cristo na sinugo mo.

Juan 3:17

Huli ta dai sinugo nin Dios sa kinaban an saiyang Aki tanganing hukoman an kinaban, kundi tanganing ikaligtas ini sa paagi niya.

Juan 3:33

An minaako kan saiyang patotoo minapahayag na totoo an sinasabi nin Dios.

Juan 6:68

Nagsimbag si Simon Pedro, “Kagurangnan, kiisay kami maduman? Yaon saimo an mga tataramon nin buhay na daing kataposan.

Juan 8:42

Nagsimbag si Jesus, “Kun an Dios an saindong Ama, mamomoot kamo sako, huli ta gikan ako sa Dios. Dai ako nagdigdi sa sadiri kong kabotan; sinugo niya ako.

1 Corinto 11:23

Huli ta an itinukdo ko saindo iyo an katukdoan na inako ko sa Kagurangnan: na kan bangging pinasaluiban si Jesus na Kagurangnan, nagkua siya nin tinapay,

1 Corinto 15:1

Ngunyan, mga tugang, boot kong ipagiromdom saindo an Marahay na Bareta na ipinaghulit ko saindo, na inako nindo saka pinatugmadan kan saindong pagtubod.

Deuteronomio 18:18

Papadarahan ko sinda nin sarong propeta na arog saimo hale sa saindang banwaan; tataraman ko siya kun ano an saiyang sasabihon, asin ipapahayag niya sa mga tawo an gabos kong ipinagboboot.

1 Tesalonica 2:13

Igwa pang sarong dahelan kun tadaw ta danay ming pinapasalamatan an Dios; kan ipaghulit mi saindo an mensahe nin Dios, nagdangog kamo saka nagtubod, bakong dahel ta idto hale sa tawo kundi sa Dios, na iyo mananggad an totoo. An bunga kan mensahe nin Dios nahihiling saindo na mga paratubod.

1 Tesalonica 4:1

Sa kataposan, mga tugang, nakikimaherak kami saindo asin sinasadol mi kamo sa ngaran ni Jesus na Kagurangnan, na mamuhay kamo nin orog pa kan pamumuhay nindo ngunyan—pamumuhay na sosog sa nanodan nindo samo—nganing mapaogma nindo an Dios.

1 Juan 4:14

Nahiling mi saka ibinabareta mi sa iba na sinugo kan Ama an saiyang Aki tanganing magin Paraligtas kan gabos na tawo sa kinaban.

Kapahayagan 1:1

Nasusurat sa librong ini an kapahayagan hale ki Jesu-Cristo. Ipinahayag ini nin Dios saiya tanganing ikapahiling niya sa saiyang mga sorogoon an mga bagay na mangyayari na. Sinugo ni Cristo an saiyang anghel na sabihan si Juan kan kapahayagan.