Juan 17:22 - Marahay na Bareta Biblia

²² Itinao ko sainda an kamurawayan na itinao mo sako, tanganing sinda magin saro siring na kita saro;

Juan 17:22 Iomraidhean Croise

Markos 6:7

Inapod niya an doseng disipulo asin sinugo niyang manduwa-duwa. Tinawan niya sinda nin kapangyarihan sa pagpaluwas nin mga maraot na espiritu.

Lukas 22:30

makakan saka mainom kamong kasabay ko sa Kahadean ko. Matukaw kamo sa mga trono sa paghukom sa doseng tribu nin Israel.”

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

Juan 1:16

Hale sa nagsusupay niyang pagkamoot, tinawan niya kita nin sunod-sunod na biyaya.

Juan 14:20

Pag-abot kan aldaw na iyan, maaaraman nindo na ako nasa sakong Ama, kamo nasa sako, asin ako nasa saindo.

Juan 17:24

“Ama, mawot ko na sinda man na itinao mo sako makaiba ko kun saen ako, nganing mahiling ninda an kamurawayan na itinao mo sako; huli ta namotan mo ako bago lalangon an kinaban.

Mga Gibo 5:41

Naghale sa Konseho an mga apostol na pano nin kaogmahan huli ta pinapagkanigo sinda nin Dios na magtios nin kasopogan sa ngaran ni Jesus.

Roma 8:30

Kaya an mga linaen nin Dios poon pa sa kapinonan, saiyang inapod; an mga inapod niya pinangagin niyang matanos sa saiya saka hinirasan niya kan saiyang kamurawayan.

2 Corinto 3:18

Kaya sa sato gabos na mayong tahob an lalawogon masasalming an kamurawayan nin Kagurangnan; an mismong kamurawayan na iyan na gikan sa Kagurangnan na iyo an Espiritu Santo, iyo an minaliwat sato na magin kabaing niya sa orog kadakula pang kamurawayan.

2 Corinto 5:20

Kaya, nagtataram kami ngunyan para ki Cristo na garo an Dios mismo an nakikiolay saindo sa paagi mi. Nakikimaherak kami saindo sa ngaran ni Cristo na makipag-olian na kamo sa Dios.

2 Corinto 6:1

Kaya bilang mga kaiba sa paglingkod sa Dios, nakikimaherak kami saindo, na mga nag-ako kan biyaya nin Dios na dai nindo iyan pagsayangon.

Efeso 2:20

Kamo man pinatindog sa pundasyon na ibinugtak kan mga apostol saka kan mga propeta, na an gapong patugmadan iyo si Cristo Jesus mismo.

Filipos 1:29

Huli ta pinapagkanigo kamong maglingkod ki Cristo, bako sana huli sa pagtubod saiya, kundi huli man sa pagtios para saiya.

Colosas 1:24

Maogma ako ngunyan dapit sa sakong mga kasakitan dahel saindo, huli ta sa paaging ini pinapadagos ko an mga kasakitan na tinitios ni Cristo, asin sakong tinitios para sa simbahan na iyo an hawak ni Cristo.

1 Juan 1:3

Kun ano an nahiling mi saka nadangog sinasabi mi saindo, tanganing kamo man magin kasaro mi sa pakisumaro sa Ama saka sa Aki niyang si Jesu-Cristo.

1 Juan 3:24

An siisay man na nag-ootob kan mga togon nin Dios, yaon sa Dios, asin an Dios yaon saiya. Aram nyato na yaon sato an Dios huli kan Espiritu Santo na itinao niya sato.

1 Juan 4:17

Sa paaging ini naootob sato an kapanoan kan pagkamoot tanganing magkaigwa kita nin kosog nin boot sa Aldaw nin Paghukom, huli ta an satong buhay sa kinaban na ini pareho kan buhay ni Cristo.

Kapahayagan 21:14

An kudal kan syudad napapatugmad sa doseng gapo na sa ibabaw kaiyan nakasurat an mga ngaran kan doseng apostol kan Kordero.