Juan 16:25 - Marahay na Bareta Biblia

²⁵ “Sinabi ko saindo an mga bagay na ini sa paagi nin mga parabola. Alagad maabot an panahon na dai na ako magamit nin mga parabola, kundi hayag na mataram ako saindo dapit sa Ama.

Juan 16:25 Iomraidhean Croise

Salmo 49:4

Dadangogon ko an mga talinhaga asin ipapahayag an saindang kahulogan mantang nagtutugtog ako sa lira.

Salmo 78:2

Bubuksan ko an sakong ngoso sa parabola, asin ipapahayag ko an mga kasuanoy na kasabihan,

Mga Talinhaga 1:6

tanganing masabotan ninda an mga natatagong kahulogan kan mga talinhaga asin mga problemang ipinapahayag kan madodonong.

Ezekiel 20:49

Alagad nagsabi ako, “Kagurangnan Dios, hare ako pagpagiboha kaiyan! Nagrereklamo na sako an lambang saro na danay akong nagtataram sa mga talinhaga.”

Markos 4:13

Dangan hinapot sinda ni Jesus, “Dai nindo nasasabotan an parabolang ini? Kun siring, paano nindong masabotan an iba pang parabola?

Markos 4:34

Dai siya nagtukdo sainda kun bakong sa paagi nin mga parabola, alagad kun an mga disipulo sana an yaon, ipinaliwanag niya sainda an gabos.

Markos 8:32

Ipinaliwanag ni Jesus nin marahay an bagay na ini sa mga disipulo. Isiniblag siya ni Pedro sa iba saka tinuyaw.

Juan 10:24

Pinalibotan siya kan mga tawo saka hinapot, “Nuarin mo kami sasabihan kun ika mananggad an Cristo? Sabihan samo an totoo.”

Juan 10:6

Inosipon sainda ni Jesus an parabolang ini, alagad dai ninda nasabotan an boot niyang sabihon.

Juan 16:12

“Dakul pa an sasabihon ko saindo, alagad dai pa nindo masasabotan ngunyan.

Juan 16:2

Papahaleon kamo sa mga sinagoga; maabot nanggad an panahon na an siisay man na maggadan saindo maghohona na an gibong iyan sarong paglingkod sa Dios.

Juan 16:32

Maabot an panahon—asin uya na ngunyan—na magkakasiriblag kamo, mapuruli kamo sa saindong mga harong, dangan babayaan nindo akong nagsosolo. Alagad dai ako nagsosolo, huli ta kaiba ko an Ama.

2 Corinto 4:2

Isinikwal mi an gabos na hilom saka makasosopog na gibo; dai kami nandadaya. Dai mi man riniribayan an tataramon nin Dios kundi sinasabi ming hayag an katotoohan. Bahala na an konsyensya nin mga tawo na maghukom samo sa atubang nin Dios.