Juan 15:6 - Marahay na Bareta Biblia

⁶ An dai magdanay sako iaapon saka naaalang arog kan sanga. An siring na mga sanga tinitipon dangan isinusugba sa kalayo.

Juan 15:6 Iomraidhean Croise

2 Samuel 23:7

Sinda nadodotdot sana kan mga tawong may gamit na lansang asin tugod nin garod, asin natututong sinda sa kalayo.

An Libro ni Job 15:30

asin dai siya makakadulag sa kadikloman. Makakaagid siya sa sarong kahoy na nagkasurulo an mga sanga, na an mga burak ipinapalid kan doros.

Salmo 80:15

an banwaan na itinanom kan saimong kamot, pinatalubo sagkod na pumusog.

Isaias 14:19

alagad mayo ka nin lulubngan, asin itinapok sana an saimong bangkay tanganing maglapa. Natahoban iyan kan mga bangkay kan mga soldados na nagkagaradan sa gera, na itinapok kaiba kan mga iyan sa sarong kalot, dangan pinagtimaktimakan.

Isaias 27:10

Gaba na an pinapusog na syudad. Mayo na nin nag-eerok diyan siring sa mayong laog na kalangtadan. Nagin iyan sarong pasabsaban nin mga hayop—sarong lugar na mapapahingaloan ninda.

Ezekiel 17:9

“Kaya ako, an Kagurangnan Dios, naghahapot: Mabubuhay daw asin magtatalubo an balagon na ini? Dai daw iyan gagaboton kan enot na agila, puputolon an mga sanga dangan papabayaan na maalang? Dai na kaipuhan an sarong makosog na kamot o sarong mapangyaring nasyon tanganing gaboton iyan.

Mateo 13:41

susugoon kan Aki nin Tawo an saiyang mga anghel nganing tiponon saka paluwason sa saiyang Kahadean an gabos na nagin dahelan nin kasalan asin an gabos na paragibo nin maraot.

Mateo 27:5

Inapon ni Judas sa Templo an kwarta saka naghale siya dangan nagbitay.

Mateo 3:10

Dawa ngunyan, andam na an patok sa pagputol kan gamot kan mga kahoy; an lambang kahoy na dai nagtatao nin marahay na bunga papalodon saka isusugba sa kalayo.

Mateo 7:19

An lambang kahoy na dai nagbubunga nin marahay, pinapalod asin isinusugba sa kalayo.

Juan 15:2

Pinuputol niya sa sako an lambang sanga na dai nagbubunga; tinatakrasan niya an lambang sanga na nagbubunga tanganing orog na magdakul an bunga.

Hebreyo 10:27

Kaya an dapat na sana nyatong gibohon iyo an maghalat sa takot kan paghukom saka kan naglalaad na kalayo na matunaw kan mga nagtutumang sa Dios!

2 Pedro 2:20

Kun an sarong tawo nakadulag na sa karatan kaining kinaban, huli sa pakaaram niya dapit ki Jesu-Cristo na satong Kagurangnan saka Paraligtas, dangan magpadakop giraray asin magpadaog sa mga karatan na iyan, an siring na tawo mahuhulog sa mas maraot na kamugtakan ki kan enot.

1 Juan 2:19

An mga tawong ini hale sato, alagad bakong kabilang sato; huli ta kun kabilang ta sinda, nagdanay kutana sinda sa kaibahan ta. Alagad huminale sinda tanganing magin maliwanag nanggad na bako sindang kabilang ta.

Kapahayagan 20:15

An siisay man na an ngaran dai nasusurat sa libro nin buhay itinapok sa danaw nin kalayo.

Kapahayagan 21:8

Alagad an mga matalaw, an mga parapasaluib, an mga maati an gibo, mga paragadan, mga marigsok, mga salamangkero, mga parasamba sa dios-dios, saka an gabos na putikon—sinda gabos ihuhulog sa danaw nin kalayo saka asupre, na iyo an ikaduwang kagadanan.”