Juan 15:21 - Marahay na Bareta Biblia

²¹ Alagad gigibohon ninda ini gabos saindo dahel sako, huli ta dai ninda midbid an nagsugo sako.

Juan 15:21 Iomraidhean Croise

Salmo 69:7

Huli saimo, an mga pagduhagi tinitios ko, napano nin kasopogan an lalawogon ko.

Isaias 66:5

Dangoga nindo kun ano an sinasabi nin Kagurangnan, kamo na may pagkatakot asin nagkukuyog saiya: “Huli ta maimbod kamo sako, naoongisan kamo kan saindong mga kahimanwa asin isinisikwal. Pinag-oolog-olog kamo asin nagsasabi sinda, ‘Ipahiling logod nin Kagurangnan an saiyang kadakulaan asin iligtas kamo, tanganing mahiling mi kamo na nag-oogma.’ Alagad sinda man sana an mapapasopog!

Mateo 10:18

Iaatubang kamo sa mga gobernador asin sa mga hade dahel sako; sa paaging ini makakapagpatotoo kamo dapit kan Marahay na Bareta sa atubang ninda asin kan mga pagano.

Mateo 10:22

Ikakaongis kamo kan gabos dahel sako. Alagad an magdanay sagkod sa kataposan makakaligtas.

Mateo 10:39

An nagpapahalaga sa saiyang buhay, mawawaraan kaiyan; an nawawaran nin buhay huli sako, magkakamit kaiyan.

Mateo 24:9

“Dangan dadakopon kamo, papadusahan asin ipapagadan. An gabos na tawo maoongis saindo huli sako.

Mateo 5:11

“Paladan kamo kun minumuda kamo, pinapasakitan asin pinapakaraot kan mga tawo dahel sako.

Markos 13:13

Ikakaongis kamo kan gabos na tawo dahel sako. Alagad an makatagal sagkod sa kataposan makakaligtas.

Lukas 21:12

Alagad bago mangyari ini gabos, dadakopon asin papasakitan kamo; dadarahon kamo sa mga sinagoga, saka sa mga bibilanggoan; iaatubang kamo sa mga hade asin sa mga kagsakop dahel sako.

Lukas 21:17

Ikakaongis kamo kan gabos na tawo dahel sako.

Lukas 6:22

“Paladan kamo kun ikinakaongis kamo, isinisikwal, o minumuda nin mga tawo, asin pinapakaraot an ngaran nindo huli sa Aki nin Tawo!

Juan 15:24

Dai kutana sinda nagkasala kun dai ko ginibo sainda an mga bagay na dai pa naginibo nin siisay man. Alagad nahiling ninda an mga ginibo ko asin ikinakaongis ninda ako saka an sakong Ama.

Juan 16:3

An mga bagay na ini gigibohon saindo kan mga tawo huli ta dai ninda namidbid an Ama o ako.

Juan 17:25

O Amang matanos, dai ka midbid kan kinaban, alagad midbid taka; aram kan mga ini na sinugo mo ako.

Juan 8:19

Kaya hinapot siya ninda, “Haen an saimong ama?” Nagsimbag si Jesus, “Dai ako nindo midbid, ni an sakong Ama. Kun midbid nindo ako, midbid man kutana nindo an sakong Ama.”

Juan 8:54

Nagsimbag si Jesus, “Kun hinahanap ko an sadiri kong kaomawan, mayo nin halaga an kaomawan na iyan. An nag-oomaw sako iyo an sakong Ama, na sinasabi nindo na saindong Dios.

Juan 8:55

Dai nindo siya midbid, alagad midbid ko siya. Kun magsabi akong dai ko siya midbid, magigin akong putikon arog saindo. Alagad midbid ko siya; inootob ko an saiyang tataramon.

Mga Gibo 17:23

Huli ta sa paglakaw-lakaw ko, namasdan ko an mga lugar na pinagsasambahan nindo asin nahiling ko man an sarong altar na may nasusurat nin siring, ‘Sa Dios na Dai Midbid.’ An Dios na ini na sinasamba nindo maski dai nindo midbid, iyo an Dios na irinurukyaw ko saindo.

Mga Gibo 26:9

“Ako man kaidto naghona na dapat kong gibohon an gabos na makakaya ko tumang sa ngaran ni Jesus na taga Nazaret.

Mga Gibo 3:17

“Ngunyan, mga tugang, aram kong dai nindo nasabotan an ginibo nindo ki Jesus, siring kan mga lider nindo.

Mga Gibo 4:17

Alagad nganing dai na makalakop sa mga tawo an bagay na ini, patanidan ta sinda na dai na nanggad magtaram sa kiisay man sa ngaran ni Jesus.”

Mga Gibo 5:41

Naghale sa Konseho an mga apostol na pano nin kaogmahan huli ta pinapagkanigo sinda nin Dios na magtios nin kasopogan sa ngaran ni Jesus.

Mga Gibo 9:14

Nagdigdi siya sa Damasco na igwa nin kapangyarihan hale sa mga poon na padi sa pagdakop kan gabos na nag-aapod kan saimong ngaran.”

Mga Gibo 9:16

Ipapahiling ko saiya kun gurano an saiyang titioson huli sa sakong ngaran.”

Roma 1:28

Huli ta habo sindang magmidbid sa Dios, pinabayaan na niya sinda sa mga maaati nindang kaisipan, saka sa mga sala nindang gibo.

1 Corinto 15:34

Magtoltol kamo saka dai na magkasala. An iba saindo dai nakakamidbid sa Dios. Sinasabi ko ini nganing masopog kamo.

1 Corinto 2:8

Mayo maski saro sa mga namamayo kan panahon na ini an nakasabot kan kadonongan na iyan; ta kun aram ninda iyan, dai kutana ninda ipinako sa krus an Kagurangnan nin kamurawayan.

2 Tesalonica 1:8

nganing padusahan an mga habong magmidbid sa Dios saka an mga dai nagkukuyog kan Marahay na Bareta ni Jesus na Kagurangnan.

1 Juan 3:1

Hilingon nindo kun gurano kadakula an pagkamoot nin Dios sa sato, kun kaya inapod kitang mga aki nin Dios, asin iyan totoo. Dai kita midbid kan kinaban nin huli ta bakong midbid kaiyan an Dios.

3 Juan 1:7

Huli ta nagbiyahe sinda dahel ki Cristo asin dai sinda nag-ako nin anoman na tabang hale sa mga pagano.

Kapahayagan 2:3

Aram ko na matinios ka asin huli sako nagtios ka na mayo nin kapagalan.