Juan 15:18 - Marahay na Bareta Biblia

¹⁸ “Kun ikinakaongis kamo kan kinaban, dapat nindong giromdomon na ako an enot na ikinaongis kaiyan.

Juan 15:18 Iomraidhean Croise

1 Mga Hade 22:8

Nagsimbag si Ahab, “Igwa pa nin saro, si Micaias na aking lalaki ni Imla. Alagad kinakaongisan ko siya, huli ta mayo lamang siya nin marahay na propesiya manongod sako; danay na maraot na bagay an saiyang propesiya.” “Dai ka magsabi kaiyan!” an simbag ni Jehosafat.

Mga Talinhaga 29:27

An tampalasan ikinakaongis kan matanos, asin an matanos ikinakaongis kan tampalasan.

Isaias 49:7

An banal na Dios nin Israel asin paraligtas nagsasabi sa pinagduhagi nin makuri, sa naoongisan kan mga nasyon asin sorogoon kan gabos na namamayo. “Talingkas kang mahihiling kan mga hade asin matindog sinda sa pagtaong galang saimo; mahihiling man iyan kan mga prinsipe asin maduruko sinda sa pag-omaw saimo.” Mangyayari iyan huli ta an Kagurangnan iyo an nagpili kan saiyang sorogoon; inootob kan banal na Dios nin Israel an saiyang mga panuga.

Isaias 53:3

Pinag-olog-olog asin isinikwal ta siya; tinios niya an sakit saka kulog. Mayo man lamang nin boot na maghiling saiya— pinag-olog-olog ta siya asin dai ginalangan.

Isaias 66:5

Dangoga nindo kun ano an sinasabi nin Kagurangnan, kamo na may pagkatakot asin nagkukuyog saiya: “Huli ta maimbod kamo sako, naoongisan kamo kan saindong mga kahimanwa asin isinisikwal. Pinag-oolog-olog kamo asin nagsasabi sinda, ‘Ipahiling logod nin Kagurangnan an saiyang kadakulaan asin iligtas kamo, tanganing mahiling mi kamo na nag-oogma.’ Alagad sinda man sana an mapapasopog!

Zacarias 11:8

Nauyam ako sa tolo pang pastor, na naoongis sako, asin ginadan ko sinda sa laog nin saro sanang bulan.

Mateo 10:22

Ikakaongis kamo kan gabos dahel sako. Alagad an magdanay sagkod sa kataposan makakaligtas.

Mateo 24:9

“Dangan dadakopon kamo, papadusahan asin ipapagadan. An gabos na tawo maoongis saindo huli sako.

Mateo 5:11

“Paladan kamo kun minumuda kamo, pinapasakitan asin pinapakaraot kan mga tawo dahel sako.

Markos 13:13

Ikakaongis kamo kan gabos na tawo dahel sako. Alagad an makatagal sagkod sa kataposan makakaligtas.

Lukas 6:22

“Paladan kamo kun ikinakaongis kamo, isinisikwal, o minumuda nin mga tawo, asin pinapakaraot an ngaran nindo huli sa Aki nin Tawo!

Juan 16:1

“Sinasabi ko ini saindo tanganing dai kamo mawaraan nin pagtubod.

Juan 16:33

Sinabi ko ini saindo tanganing magkaigwa kamo nin katoninongan huli kan saindong pakikisumaro sako. Magkakaigwa kamo nin kasakitan digdi sa kinaban; alagad pakosoga an saindong boot, huli ta nadaog ko an kinaban!”

Juan 3:20

An siisay man na naggigibo nin maraot naoongis sa ilaw. Dai siya minadolok sa liwanag tanganing dai mailawan an mga maraot niyang gibo.

Juan 7:7

Dai kamo ikakaongis kan kinaban, alagad ikinakaongis ako, huli ta pinapatotoohan ko an mga maraot na gibo kan kinaban.

Mga Gibo 14:22

Pinakosog ninda an boot kan mga paratubod asin sinadol na magdanay sa pagtubod. Sinabihan pa ninda an mga parasunod, “Kaipuhan mag-agi kita nin dakul na kasakitan bago makalaog sa Kahadean nin Dios.”

Hebreyo 12:2

Danay na hilingon ta si Jesus, na iyo an sinasarigan kan satong pagtubod poon sa kapinonan sagkod sa kataposan. Tinios niya an krus asin dai pinahalagahan an kasosopgan kaiyan huli kan kaogmahan na naghahalat saiya; ngunyan nagtutukaw siya sa too kan trono nin Dios.

Santiago 4:4

Mga bakong maimbod! Bakong aram nindo na an pakikatood sa kinaban, pakiiwal sa Dios? Kaya an siisay man na boot makipagkatood sa kinaban, kaiwal nin Dios.

1 Juan 3:1

Hilingon nindo kun gurano kadakula an pagkamoot nin Dios sa sato, kun kaya inapod kitang mga aki nin Dios, asin iyan totoo. Dai kita midbid kan kinaban nin huli ta bakong midbid kaiyan an Dios.

1 Juan 3:13

Kaya, mga tugang, dai nindo ipagngalas kun ikaongis kamo kan kinaban.

1 Juan 3:3

An siisay man na igwa kan paglaom na ini ki Cristo nagdadanay na malinig, arog ki Cristo.