Juan 15:10 - Marahay na Bareta Biblia

¹⁰ Kun kinukuyog nindo an sakong mga togon, magdadanay kamo sa pagkamoot ko, siring na kinukuyog ko an mga togon kan sakong Ama asin nagdadanay ako sa saiyang pagkamoot.

Juan 15:10 Iomraidhean Croise

2 Samuel 22:22

Kinuyog ko an mga togon nin Kagurangnan; an sakuyang Dios dai ko tinalikodan.

2 Mga Hade 18:6

Nagin maimbod siya sa Kagurangnan asin dai nagsuhay saiya. Kinuyog niya an mga pagboot na itinao nin Kagurangnan ki Moises.

Exodo 7:6

Ginibo ni Moises asin ni Aaron an gabos na ipinagboot sainda nin Kagurangnan.

Isaias 50:5

An Kagurangnan Dios an nagtao sako nin pakasabot, asin dai ako nagrerebelde o nagtalikod sa saiya.

Juan 10:18

Mayo nin siisay man na makakakua kan sakuyang buhay. Idinudusay ko iyan sa sadiri kong kagustohan. Igwa ako nin deretso na magdusay kan sakong buhay asin sa pagbawi giraray kaiyan. Ini an pagboot sako kan sakuyang Ama.”

Juan 12:49

Huli ta dai ako nagtaram sa sadiri kong kabotan; an Ama na nagsugo sako iyo an nagboot kun ano an dapat kong itaram saka itukdo.

Juan 14:15

“Kun namomotan nindo ako, kukuyogon nindo an sakong mga togon.

Juan 14:21

“An mag-ako kan sakong mga togon asin magkuyog kaiyan, namomoot sako. An namomoot sako mamomotan kan sakong Ama; mamomotan ko man siya asin mapamidbid ako saiya.”

Juan 14:23

Nagsimbag si Jesus, “An namomoot sako, makuyog kan sakong itinukdo. Mamomotan siya kan sakong Ama; an Ama asin ako maduman saka maerok sa kaibahan niya.

Juan 14:31

alagad dapat maaraman kan kinaban na namomotan ko an Ama; iyan an dahelan kun tadaw ta ginigibo ko an ipinagboboot niya sako. “Madya, magduman na kita!”

Juan 17:4

Pinamuraway taka digdi sa kinaban; tinapos ko na an ipinagibo mo sako.

Juan 4:34

Sinabihan sinda ni Jesus, “An kakanon ko iyo an pag-otob kan kabotan kan nagsugo sako, asin an paghaman kan ipinagibo niya.

Juan 8:29

Kaiba ko an nagsugo sako; dai niya ako pinapabayaan; huli ta danay na ginigibo ko an ikinakaogma niya.”

Juan 8:55

Dai nindo siya midbid, alagad midbid ko siya. Kun magsabi akong dai ko siya midbid, magigin akong putikon arog saindo. Alagad midbid ko siya; inootob ko an saiyang tataramon.

1 Corinto 7:19

Mayong halaga kun an tawo pagkaniserkomsisyonado o bako; an mahalaga iyo an pagkuyog kan mga katogonan nin Dios.

1 Tesalonica 4:1

Sa kataposan, mga tugang, nakikimaherak kami saindo asin sinasadol mi kamo sa ngaran ni Jesus na Kagurangnan, na mamuhay kamo nin orog pa kan pamumuhay nindo ngunyan—pamumuhay na sosog sa nanodan nindo samo—nganing mapaogma nindo an Dios.

Hebreyo 7:26

Kaya si Jesus iyo an Halangkaw na Padi na makakasimbag kan satong mga pangangaipo. Banal siya, mayo nin digta o karatan; dai kabilang sa mga parakasala, ilinangkaw siya sa itaas pa kan kalangitan.

2 Pedro 2:21

Mas marahay pa logod kun dai siya nakaaram kan dalan nin katanosan ki kan pakatapos na maaraman niya iyan, magtalikod siya sa banal na togon na itinao saiya.

1 Juan 2:3

Kun magkuyog kita kan mga togon nin Dios, iyan an patotoo na midbid ta siya.

1 Juan 2:5

Alagad an nagkukuyog kan tataramon nin Dios, sa saiya yaon nanggad an kapanoan kan pagkamoot sa Dios. Sa paaging ini maaaraman ta na kita talagang nasa Dios;

1 Juan 2:6

an nagsasabi na siya nasa Dios, dapat mamuhay arog kan pamumuhay ni Jesu-Cristo.

1 Juan 5:3

Huli ta an namomoot sa Dios nagkukuyog kan saiyang mga togon. An saiyang mga togon bako man masakit na pag-otobon,

Kapahayagan 22:14

Paladan an mga naglinig kan saindang mga gubing, huli ta tatawan sinda nin deretsong magkakan kan bunga kan kahoy nin buhay, saka maglaog sa mga trangkahan kan syudad.