Juan 14:1 - Marahay na Bareta Biblia

¹ Sinabihan sinda ni Jesus, “Dai kamo maghadit. Magtubod kamo sa Dios, magtubod man kamo sako.

Juan 14:1 Iomraidhean Croise

Salmo 43:5

Tadaw ta mamondo ka, O kalag ko? Tadaw ta napupurisaw ka? Maglaom ka sa Dios; huli ta oomawon ko siya giraray, sakuyang tabang asin sakuyang Dios.

Salmo 77:10

Dangan nagsabi ako, “An nakakakulog kan sakong boot iyo ini— na an Dios bako nang mapangyari.”

Isaias 26:3

Ika, Kagurangnan, an nagtatao nin katoninongan sa mga tawong danay na pusog an katuyohan asin nananarig sa saimo.

Jeremias 8:18

An sakong kamondoan dai mabobolong, an kulog sa sakong puso sakong namamatean.

Juan 11:33

Natanyog an puso ni Jesus kan mahiling niyang nagtatangis si Maria pati an mga tawong kaiba niya; namatean niya an labi-labing kamondoan.

Juan 12:27

“Ngunyan napupurisaw an sakong kalag. Ano an sasabihon ko? Masabi daw ako, ‘Ama, ligtasan ako sa oras na ini’? Dai! Huli ta ini an dahelan kun tadaw ta nagdigdi ako—tanganing agihan ko an oras na ini nin kasakitan.

Juan 12:44

Nagtaram si Jesus sa makosog na tingog, “An minatubod sako, minatubod bako sana sako kundi sa nagsugo man sako.

Juan 13:19

Sinasabi ko na ini saindo ngunyan, tanganing kun mangyari na ini, magtubod kamo na talagang ‘Ako Iyo Ako’.

Juan 16:24

Sagkod ngunyan mayo pa kamong hinagad saiya sa ngaran ko. Humagad kamo ta maako kamo, tanganing magsupay an saindong kaogmahan.

Juan 16:3

An mga bagay na ini gigibohon saindo kan mga tawo huli ta dai ninda namidbid an Ama o ako.

Juan 16:6

Ngunyan ta sinabi ko na ini saindo, napano nin kamondoan an saindong mga puso.

Juan 5:23

tanganing galangan kan gabos an Aki, arog kan paggalang ninda sa Ama. An dai minagalang sa Aki dai man minagalang sa Ama na nagsugo saiya.

Juan 6:40

Boot kan Ama na an gabos na nakakahiling asin nagtutubod sa Aki magkamit kan buhay na daing kataposan; bubuhayon ko sinda sa huring aldaw.”

2 Corinto 2:7

Kaya ngunyan, dapat patawadon na nindo siya saka rangahon, tanganing dai siya magmondo nin makuri, asin mawaraan nin paglaom.

Efeso 1:15

Huli kaini, kan madangog ko an dapit sa saindong pagtubod ki Jesus na Kagurangnan, dangan an saindong pagkamoot sa gabos na banal,

2 Tesalonica 2:2

na dai tolos kamo maribong o mahandal huli kan osipon na nag-abot na an Aldaw nin Kagurangnan, sa paghona na ipinagpropesiya mi iyan, ipinaghulit, o sinurat.

1 Pedro 1:21

Huli saiya nagtutubod kamo sa Dios, na iyo an nagbuhay liwat saiya asin nagtao saiya nin kamurawayan, tanganing magtubod kamo saka maglaom sa Dios.