Juan 13:34 - Marahay na Bareta Biblia

³⁴ Tinatawan ko kamo nin bagong togon: magkaminorootan kamo. Magkaminorootan kamo arog kan pagkamoot ko saindo.

Juan 13:34 Iomraidhean Croise

Salmo 119:63

Katood ako kan gabos na natatakot saimo, kan mga nag-ootob kan saimong mga katogonan.

Salmo 16:3

Gurano karahay an mga maimbod sa Kagurangnan! Dakula kong kaogmahan na sinda makaibahan.

Levitico 19:18

Dai kamo magbalos o magrimpos nin maraot na boot sa kiisay man, kundi kamotan nindo an saindong kapwa siring kan pagkamoot nindo sa saindo man sana. Ako an Kagurangnan.

Levitico 19:34

Gibohon nindo sainda an ginigibo nindo sa kapwa nindo Israelita. Kamotan nindo sinda siring kan pagkamoot nindo sa saindo man sana. Giromdomon nindo na kamo nagin mga dayuhan man sa Egipto. Ako an Kagurangnan na saindong Dios.

Mateo 5:44

Alagad ngunyan sinasabihan ko kamo: kamotan nindo an saindong kaiwal, asin ipamibi nindo an mga nagpapasakit saindo,

Juan 15:17

Kaya an togon ko saindo iyo ini: magkaminorootan kamo.

Juan 17:21

Ipinapamibi kong magkasararo logod sinda gabos; siring na ika, Ama, yaon sako asin ako yaon saimo, asin sinda man magin saro sa satuya, tanganing magtubod an kinaban na sinugo mo ako.

Roma 12:10

Magkaminorootan kamo bilang mga magturugang ki Cristo; danay kamong mangenot sa pagtaong galang sa gabos.

Roma 13:10

An namomoot sa kapwa, dai magibo nin maraot sa saiyang kapwa. Kaya an pagkamoot iyo an kaotoban kan Katogonan.

Roma 13:8

Dai kamo dapat magkautang sa kiisay man—an maninigong utang nindo iyo sana an pagkaminorootmootan. An siisay man na namomoot sa saiyang kapwa nakaotob na kan Katogonan.

Galacia 5:22

Alagad an bunga kan Espiritu pagkamoot, kaogmahan, katoninongan, pakatios, kabootan, karahayan, kaimbodan;

Galacia 5:6

Huli sa pakisumaro ta ki Cristo Jesus, mayong kalaenan kun pagkaniserkomsisyonado man o bako an tawo; an mahalaga iyo na igwa siya nin pagtubod dahel sa pagkamoot.

Galacia 6:10

Kaya sa lambang oportunidad na itao sato, maggibo kita nin marahay sa gabos, orog nang gayo sa kapwa nyato paratubod.

Galacia 6:2

Magpatarabang-tabang kamo sa pagdara kan saindong mga pasan; sa siring na paagi, kinukuyog nindo an katogonan ni Cristo.

Efeso 5:2

Maglakaw kamo sa pagkamoot, siring na si Cristo namoot sato. Idinusay niya an saiyang buhay para sato, bilang mahamot na dolot asin sakripisyo sa Dios.

Colosas 1:4

huli ta nabaretaan mi an saindong pagtubod ki Cristo Jesus, saka an saindong pagkamoot sa gabos na banal.

1 Tesalonica 3:12

Gibohon logod nin Kagurangnan na magdagdag saka magsupay an saindong pagkaminorootan asin an saindong pagkamoot sa gabos na tawo, siring kan samong dakulang pagkamoot saindo.

2 Tesalonica 1:3

Mga tugang, dapat nyamong pasalamatan an Dios sa gabos na oras para saindo. Maninigong gibohon mi ini, huli ta orog na nagkokosog an saindong pagtubod asin nag-oorog an pagkaminootan nindo.

Hebreyo 13:1

Magdanay kamo sa pagkaminorootan siring sa magturugang.

Santiago 2:8

Tama an saindong gibo kun inootob nindo an katogonan nin Dios na nasa kasuratan, “Kamotan mo an saimong kapwa siring sa sadiri mo.”

1 Pedro 1:22

Ngunyan na malinig na an saindong buhay huli sa pagkuyog kan katotoohan, dangan igwa na kamo nin tunay na pagkamoot sa kapwa nindo mga paratubod, magkaminorootan kamo nin tudok sa puso.

2 Pedro 1:7

sa kabanalan, an pagmakulog sa mga tugang; dangan sa pagmakulog sa mga tugang, idagdag an pagkamoot.

1 Juan 3:11

An katukdoan na nadangog nindo poon pa kan magtubod kamo iyo ini: magkaminorootan kita.

1 Juan 3:23

An togon niya iyo ini: dapat kitang magtubod sa saiyang Aking si Jesu-Cristo asin magkaminorootan kita, siring sa ipinagboot sato ni Cristo.

1 Juan 4:21

Ini an togon na itinao sato ni Cristo: an siisay man na namomoot sa Dios dapat na mamoot man sa saiyang tugang.

2 Juan 1:5

Kaya ipinapakiolay ko saimo, namomotan na Babae, na magkaminorootan kita gabos. Bako ining bagong togon, kundi dating togon na yaon na sato poon pa kan kita magtubod.