Juan 13:17 - Marahay na Bareta Biblia

¹⁷ Kun nasasabotan na nindo an mga bagay na ini, paladan kamo kun saindong gibohon.

Juan 13:17 Iomraidhean Croise

Genesis 6:22

Ginibo ni Noe an gabos na ipinagboot saiya nin Dios.

Salmo 19:11

Huli kan saimong mga pagboot, an saimong sorogoon napapatanidan; igwa nin dakulang balos an pagkuyog kan mga iyan.

Exodo 40:16

Ginibo ni Moises an gabos siring sa ipinagboot nin Kagurangnan.

Mga Talinhaga 29:18

An nasyon na mayo kan pangenot nin Dios, sarong nasyon na mayo nin katoninongan. Paladan an tawo na nag-ootob kan katogonan!

Jeremias 11:6

Dangan tinaraman ako nin Kagurangnan, “Magduman ka sa mga syudad nin Juda asin sa mga tinampo nin Jerusalem. Irukyaw mo duman an sakong mensahe saka sabihan mo an mga tawo na hinanyogon an kahagadan kan tipan saka otobon iyan.

Ezekiel 36:27

Ibubugtak ko saindo an sakong espiritu asin gigibohon ko nanggad na magkuyog kamo sa sakong mga togon saka mag-otob kan mga pagboot na itinao ko saindo.

Mateo 12:50

Huli ta an siisay man na nag-ootob kan kabotan kan sakong Ama sa langit, iyo an sakong mga tugang asin an sakong ina.”

Lukas 11:28

Alagad nagsimbag si Jesus, “Orog na paladan an mga nagdadangog kan tataramon nin Dios asin nag-ootob kaiyan!”

Juan 15:14

Mga katood ko kamo kun gibohon nindo an mga ipinagboboot ko saindo.

Roma 2:13

Huli ta bakong sa pagdangog kan Katogonan ginigibong matanos nin Dios an tawo, kundi huli sa pag-otob kan ipinagboboot kaiyan.

Galacia 5:6

Huli sa pakisumaro ta ki Cristo Jesus, mayong kalaenan kun pagkaniserkomsisyonado man o bako an tawo; an mahalaga iyo na igwa siya nin pagtubod dahel sa pagkamoot.

Santiago 1:25

Alagad an tawong nagsisiyasat kan totoong katogonan, na iyo an nagtatao nin katalingkasan, dangan danay na inaadalan iyan—na bako sanang paradangog na malilingawon kundi paragibo man—an siring na tawo bebendisyonan nin Dios sa saiyang gibo.

Santiago 4:17

An siisay man na tataong maggibo nin marahay alagad dai minagibo kaiyan, nagkakasala.

Kapahayagan 22:14

Paladan an mga naglinig kan saindang mga gubing, huli ta tatawan sinda nin deretsong magkakan kan bunga kan kahoy nin buhay, saka maglaog sa mga trangkahan kan syudad.