Juan 13:13 - Marahay na Bareta Biblia

¹³ “Inaapod ako nindong Maestro asin Kagurangnan. Tama kamo, huli ta iyo mananggad ako.

Juan 13:13 Iomraidhean Croise

Jeremias 1:12

“Tama ka”, an sabi nin Kagurangnan “asin nagbabantay ako huli ta boot kong magkatotoo an sakong mga tataramon.”

Mateo 20:28

arog kan Aki nin Tawo, na dai nagdigdi tanganing paglingkodan kundi tanganing maglingkod, asin idusay an buhay niya tanganing matubos an dakul na tawo.”

Lukas 10:28

“Tama an simbag mo,” an sabi ni Jesus. “Giboha iyan asin mabubuhay ka.”

Lukas 6:46

“Tadaw ta inaapod ako nindong ‘Kagurangnan, Kagurangnan,’ alagad dai man nindo ginigibo an sinasabi ko?

Lukas 7:43

Nagsimbag si Simon, “Sa paghona ko sana, idtong pinatawad na dakul an utang.” “Tama ka!” an sabi ni Jesus.

Juan 11:2

(Ini an Maria na nagbubo nin pahamot sa mga bitis kan Kagurangnan dangan pinahidan niya kan saiyang buhok; tugang niya si Lazaro na naghelang.)

Juan 11:28

Pakasabi kaini ni Marta, nagpuli siya. Inapod niya si Maria saka hininghingan, “Nag-abot na an Maestro asin hinahanap ka.”

Juan 11:3

Kaya pinatogonan si Jesus kan magtugang na babae, “Kagurangnan, an padangat mong katood naghehelang.”

1 Corinto 12:3

Kaya boot kong maaraman nindo na mayo nin siisay man na nagtataram sa kapangyarihan kan Espiritu Santo na makakasabi, “Maldisyonon si Jesus!” Mayo man nin makakasabi, “Si Jesus an Kagurangnan!” kun dai siya ginigiyahan kan Espiritu Santo.

1 Corinto 8:6

alagad para sato saro sana an Dios, na iyo an Ama na Kaglalang kan gabos na bagay asin para saiya kita gabos nabubuhay. Siring man may saro sanang Kagurangnan, si Jesu-Cristo, na sa paagi niya linalang an gabos na bagay asin sa paagi niya nabubuhay kita.

Efeso 6:9

Mga kagurangnan, siring man an gibohon nindo sa saindong mga oripon; dai nindo sinda pagpatakoton. Giromdomon nindo na kamo saka an saindong mga oripon sakop kan saro sanang Kagurangnan na yaon sa langit. Mayo siyang pinapalaen na tawo.

Filipos 2:11

tanganing an gabos magpahayag na si Jesu-Cristo iyo an Kagurangnan, sa kamurawayan nin Dios Ama.

Filipos 3:8

Sa katotoohan an gabos na bagay ibinibilang kong mayo nin halaga, huli kan bagay na pinakamahalaga—an pakamidbid ki Cristo Jesus na sakong Kagurangnan. Huli saiya itinapok ko an gabos na garo basura, tanganing makamtan ko si Cristo,

Santiago 2:19

Minatubod ka na igwa nin saro sanang Dios? Marahay! An mga demonyo minatubod man—pinagtatakigan pa sa takot.