Juan 12:44 - Marahay na Bareta Biblia

⁴⁴ Nagtaram si Jesus sa makosog na tingog, “An minatubod sako, minatubod bako sana sako kundi sa nagsugo man sako.

Juan 12:44 Iomraidhean Croise

Mga Talinhaga 1:20

An kadonongan makosog na nag-aapod sa tinampo asin sa mga saodan;

Mga Talinhaga 8:1

Hinanyoga an pag-apod kan kadonongan asin an pagkurahaw kan pakasabot.

Mateo 10:40

“An minaako saindo, minaako man sako; an minaako sako, minaako sa nagsugo sako.

Markos 9:23

Nagsabi si Jesus, “Tadaw ta nagsasabi kang kun may mahihimo ako? An gabos na bagay posible sa tawong nagtutubod.”

Markos 9:37

“An siisay man na minaako sa arog kaining aki sa ngaran ko, minaako sako; an siisay man na minaako sako, bakong ako an inaako kundi an nagsugo sako.”

Juan 11:43

Pakasabi niya kaini, kuminurahaw siya, “Lazaro, lumuwas ka!”

Juan 13:20

Sa katotoohan sinasabihan ko kamo, an minaako sa sinugo ko, minaako sako; asin an minaako sako, minaako sa nagsugo sako.”

Juan 5:24

“Sa katotoohan sinasabihan ko kamo, an nagdadangog kan mga tataramon ko, asin nagtutubod sa nagsugo sako, igwa nin buhay na daing kataposan. Dai na siya huhukoman kundi nahale na siya sa kagadanan pasiring sa buhay.

Juan 7:28

Kaya makosog an tingog ni Jesus kan magtukdo siya sa Templo, “Midbid daw nindo ako? Aram daw talaga nindo kun saen ako hale? Dai ako nagdigdi sa sadiri kong kabotan. An nagsugo sako totoo, asin dai nindo siya midbid.

1 Pedro 1:21

Huli saiya nagtutubod kamo sa Dios, na iyo an nagbuhay liwat saiya asin nagtao saiya nin kamurawayan, tanganing magtubod kamo saka maglaom sa Dios.