Juan 12:34 - Marahay na Bareta Biblia

³⁴ Nagsimbag an mga tawo, “Sinasabi sa Katogonan na an Cristo magdadanay sagkod pa man. Tadaw ta sinasabi mong dapat iitaas an Aki nin Tawo? Siisay ining Aki nin Tawo?”

Juan 12:34 Iomraidhean Croise

2 Samuel 7:13

Siya an matugdok nin Templo para sako, asin gigibohon kong magdanay an saiyang trono sagkod pa man.

Salmo 110:4

An Kagurangnan nagsumpa asin dai niya ini babawion: “Ika padi sagkod pa man sosog sa orden ni Melkizedek.”

Salmo 72:7

Magburak logod an katanosan sa saiyang kapanahonan, asin magsupay logod an katoninongan, sagkod na nagliliwanag an bulan.

Isaias 53:8

Dinakop siya asin sinentensyahan dangan dinara tanganing gadanon, asin mayong nagmakulog kun ano an mangyayari saiya. Ginadan siya para sa kasalan kan satong banwaan.

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Daniel 2:44

Sa panahon kan mga pamayong idto, matugdok an Dios nin langit nin sarong kahadean na daing kataposan. Dai nanggad iyan masasakop, alagad pupuhoon kaiyan an gabos na imperyo, asin magdadanay iyan sagkod lamang.

Daniel 7:14

Tinawan siya nin awtoridad, onra saka kapangyarihan na maghade, tanganing paglingkodan siya kan mga tawo sa gabos na nasyon, rasa asin lengwahe. Magdadanay an saiyang awtoridad, asin mayo nin kataposan an saiyang kahadean.

Daniel 7:27

An kapangyarihan saka kadakulaan kan gabos na kahadean sa daga itatao sa mga banal kan Kahorohalangkaweng Dios asin magigin mayong tapos an saindang kapangyarihan sa paghade, patin paglilingkodan saka kukuyogon sinda kan gabos na pamayo.”

Mikas 4:7

Pilay na sinda asin harayo sa sadiri nindang daga, alagad magibo ako nin bagong kapinonan sa mga natada, asin magigin sarong dakulang nasyon sinda. Ako an mamamayo sainda sa Bukid nin Sion magpoon sa panahon na iyan asin sagkod pa man.”

Mateo 16:13

Nagduman si Jesus sa distrito nin Cesarea Filipos, saen hinapot niya an saiyang mga disipulo, “Ano an sabi kan mga tawo, siisay daa an Aki nin Tawo?”

Mateo 21:10

Paglaog ni Jesus sa Jerusalem, naribok an bilog na syudad. Dakul na tawo an naghapot, “Siisay siya?”

Mateo 8:20

Sinabihan siya ni Jesus, “An mga amid may mga kalot asin an mga gamgam may mga salagan, alagad an Aki nin Tawo mayo nin mahihigdaan.”

Juan 10:34

Nagsimbag si Jesus, “Bakong nasusurat sa Katogonan nindo, ‘Mga dios kamo?’

Juan 12:32

Kun ako iitaas na hale sa daga, titiponon ko sa sako an gabos na tawo.” (

Juan 15:25

Nangyayari ini tanganing maotob an nasusurat sa saindang Katogonan, ‘Ikinaongis ako ninda na mayo nin anoman na dahelan.’

Juan 8:28

Kaya sinabihan sinda ni Jesus, “Kun iitaas na nindo an Aki nin Tawo, maaaraman nindo na ‘Ako Iyo Ako’; maaaraman man nindo na mayo akong ginigibo sa sadiri kong kabotan; kundi sinasabi ko sana an itinukdo sako kan Ama.

Roma 3:19

Ngunyan aram tang an nasasabi sa Katogonan gabos ipinapanongod sa mga tawong nasasakopan kan Katogonan, tanganing mayo nanggad nin dahelan an siisay man, asin tanganing an bilog na kinaban iatubang sa paghukom nin Dios.

Roma 5:18

Kaya siring na huli sa kasalan nin sarong tawo sinilotan an gabos, dahel man sa matanos na gibo nin sarong tawo, an gabos kinalda sa kasalan dangan nagkaigwa nin buhay.

Hebreyo 7:24

Alagad huli ta si Jesus nabubuhay sagkod lamang, an saiyang pagkapadi yaon saiya sagkod pa man.