Juan 12:32 - Marahay na Bareta Biblia

³² Kun ako iitaas na hale sa daga, titiponon ko sa sako an gabos na tawo.” (

Juan 12:32 Iomraidhean Croise

2 Samuel 18:9

Nasabat ni Absalom an nagkapirang tawohan ni David. Nakalunad siya sa sarong mula asin kan magsurok an mula sa irarom kan mahibog na mga sanga kan hamurawon na kahoy, nakasabit an saiyang payo sa mga sanga. Nagpadagos an mula sa pagdalagan kaya nawalat na nakabitay si Absalom.

Awit nin mga Awit 1:4

Ibahan ako, asin madulag kita; ika an sakong magigin hade asin daraha ako sa saimong kwarto. Magigin maogma kitang duwa, mainom nin dakul, asin mag-oogma sa satong pagkamoot. Kaya bakong makangangalas na namomotan ka kan gabos na babae!

Isaias 11:10

Sa aldaw na iyan, an gamot ni Jesse matindog bilang sarong tanda para sa mga banwaan; hahanapon siya nin mga nasyon, asin magigin mamuraway an saiyang erokan.

Isaias 49:6

Sinabihan ako nin Kagurangnan, “Igwa ako nin mas mahalagang trabaho para saimo, sakong sorogoon. Bako sanang ibabalik mo an kadakulaan kan natadang mga Israelita, kundi gigibohon takang sarong ilaw para sa mga nasyon— tanganing makaligtas an bilog na kinaban.”

Oseas 11:4

Dinagka ko sinda sa sako huli sa pakikipagkatood asin pagkamoot. Initaas ko sinda dangan idinuta sa sakong pisngi; nagduko ako sainda asin pinakakan ko sinda.

Mga Bilang 21:9

Kaya naggibo si Moises nin sarong halas na bronse asin ibinugtak sa sarong palo. An siisay man na nasingot minahiling sa halas na bronse asin naoomayan.

Juan 1:7

Nagdigdi siya sa pagsaksi dapit sa ilaw, tanganing huli kan pagsaksi niya magtubod an gabos.

Juan 12:34

Nagsimbag an mga tawo, “Sinasabi sa Katogonan na an Cristo magdadanay sagkod pa man. Tadaw ta sinasabi mong dapat iitaas an Aki nin Tawo? Siisay ining Aki nin Tawo?”

Juan 18:32

Nangyari ini tanganing maotob an sinabi ni Jesus dapit sa paagi kan saiyang pagkagadan.)

Juan 19:17

Nagluwas siya, pasan an saiyang krus pasiring sa lugar na inaapod “Lugar nin Bungo,” (sa tataramon na Hebreyo, “Golgota.”)

Juan 3:14

Siring na initaas ni Moises an bronseng halas sa sarong palo duman sa kalangtadan, siring man kaipuhan na iitaas an Aki nin Tawo,

Juan 6:44

Mayong makakadolok sako apwera na sana kun irani siya sako kan Ama na nagsugo sako; asin bubuhayon ko siya liwat sa huring aldaw.

Juan 8:28

Kaya sinabihan sinda ni Jesus, “Kun iitaas na nindo an Aki nin Tawo, maaaraman nindo na ‘Ako Iyo Ako’; maaaraman man nindo na mayo akong ginigibo sa sadiri kong kabotan; kundi sinasabi ko sana an itinukdo sako kan Ama.

Galacia 3:13

Ilinigtas kita ni Cristo sa maldisyon na dara kan Katogonan. Siya an minaldisyon embes na kita, huli ta nasusurat, “An siisay man na binitay sa kahoy minaldisyon.”

1 Timoteo 2:6

Idinusay niya an saiyang buhay sa pagtubos kan gabos na tawo, na patunay nin Dios sa tamang panahon.

Hebreyo 2:9

Alagad nahihiling ta si Jesus, na sa dikit na panahon ginibong mas hababa ki sa mga anghel, tanganing sa paagi kan biyaya nin Dios, magadan siya para sa gabos na tawo. Ngunyan nahihiling ta siyang nakokoronahan nin kamurawayan asin kaomawan huli kan kagadanan na tinios niya.

1 Pedro 2:24

Dinara ni Cristo an satong mga kasalan sa saiyang hawak duman sa krus tanganing magadan kita sa satong kasalan asin mabuhay sa katanosan. Naomayan kamo huli kan saiyang mga lugad.

1 Pedro 3:18

Huli ta si Cristo nagadan dahel sa mga kasalan sarong beses sana nanggad. Matanos siyang tawo alagad nagadan siya para sa mga makasalan, tanganing madara niya kita sa Dios. Ginadan siya sa hawak alagad binuhay siya sa espiritu.

1 Juan 2:2

Si Cristo an kabayadan para sa satong mga kasalan, bako sanang an satong mga kasalan kundi an kasalan kan gabos na tawo.

Kapahayagan 5:9

Dangan inawit ninda an bagong awit na ini: “Ika an maninigong magkua kan libro, asin magtangkas kan mga selyo kaiyan. Huli ta ika ginadan dangan tinubos mo para sa Dios an mga tawo sa paagi kan saimong dugo, mga tawong hale sa manlaen-laen na tribu, lengwahe, rasa saka nasyon.