Juan 12:26 - Marahay na Bareta Biblia

²⁶ An boot maglingkod sako dapat magsunod sako, tanganing kun saen ako, duman man an naglilingkod sako. Oomawon kan Ama ko an siisay man na naglilingkod sako.”

Juan 12:26 Iomraidhean Croise

Salmo 17:15

Para sako, mahihiling ko sa katanosan an saimong lalawogon; pagmata ko dangan mahiling ka, mayo na akong ibang mamawoton.

Salmo 91:15

Kun apodon niya ako, sisimbagon ko siya; iibahan ko siya sa kasakitan. Ililigtas ko siya asin oomawon.

Mga Talinhaga 27:18

An nag-aataman nin higera magkakakan kan bunga kaiyan, asin an oripon na nagbabantay kan saiyang kagurangnan oomawon.

Mga Bilang 14:24

Alagad nalalaen sainda an sorogoon kong si Caleb; nagin maimbod siya sako. Huli kaini, dadarahon ko siya sa dagang siniyasat niya asin masasadirihan iyan kan saiyang mga kapagarakian.

Mga Bilang 32:11

‘Huli ta dai sinda nagin maimbod sako, mayo nin siisay man sa mga lalaking naghale sa Egipto na an edad beynte paitaas an makakalaog sa dagang ipinanuga ko ki Abraham, ki Isaac, asin ki Jacob.’

Mateo 16:24

Dangan sinabihan ni Jesus an saiyang mga disipulo, “An siisay man na boot sumunod sako, kaipuhan lingawan niya an sadiri niyang buhay, magpasan kan saiyang krus asin magsunod sako.

Mateo 25:21

Nagsabi an kagurangnan, ‘Tama an ginibo mo, marahay asin maimbod na sorogoon! Nagin maimbod ka sa kadikit, kaya gigibohon takang parapamahala nin dakul. Madya asin makisumaro ka sa kaogmahan ko!’

Markos 8:34

Dangan inapod ni Jesus an mga tawo saka an saiyang mga disipulo asin sinabihan, “An siisay man na boot magsunod sako, kaipuhan lingawan niya an sadiri niyang buhay, magpasan kan saiyang krus, asin magsunod sako.

Lukas 12:37

Paladan an mga sorogoon na maabotan kan saindang kagurangnan na bakong torog! Sa katotoohan sinasabihan ko kamo, maandam an kagurangnan nin kakanon, papatukawon sinda saka paglilingkodan.

Lukas 6:46

“Tadaw ta inaapod ako nindong ‘Kagurangnan, Kagurangnan,’ alagad dai man nindo ginigibo an sinasabi ko?

Lukas 9:23

Dangan sinabihan niya an gabos, “An siisay man na boot magsunod sako, kaipuhan lingawan niya an sadiri niyang buhay, magpasan kan saiyang krus aroaldaw asin magsunod sako.

Juan 10:27

Nagdadangog sako an mga karnero ko; midbid ko sinda asin sinusunod ninda ako.

Juan 13:16

Sa katotoohan sinasabihan ko kamo, mayong oripon na mas dakula ki sa saiyang kagurangnan; mayong sinugo na mas dakula ki sa nagsugo saiya.

Juan 14:15

“Kun namomotan nindo ako, kukuyogon nindo an sakong mga togon.

Juan 14:3

Pakaduman ko saka pakaandam ko nin lugar para saindo, mabalik ako dangan ipag-iiba ko na kamo, nganing kun saen ako, duman man kamo.

Juan 15:20

Giromdoma an itinaram ko saindo: ‘Mayong oripon na mas dakula pa ki sa saiyang kagurangnan.’ Kun pinasakitan ninda ako, papasakitan man ninda kamo; kun kinuyog ninda an sakong mga katukdoan, kukuyogon man ninda an mga katukdoan nindo.

Juan 17:24

“Ama, mawot ko na sinda man na itinao mo sako makaiba ko kun saen ako, nganing mahiling ninda an kamurawayan na itinao mo sako; huli ta namotan mo ako bago lalangon an kinaban.

Juan 21:22

Sinimbag siya ni Jesus, “Ano an labot mo kun boot kong mabuhay siya sagkod na magdigdi ako liwat? Sumunod ka sana sako!”

Roma 1:1

Surat na hale ki Pablo na sorogoon ni Cristo Jesus, pinili asin inapod nin Dios na magin apostol tanganing maghulit kan Marahay na Bareta niya.

Roma 14:18

An naglilingkod ki Cristo nin siring kaini, ikinakaogma nin Dios asin naooyonan kan mga tawo.

2 Corinto 4:5

An ipinaghuhulit mi bakong an sadiri mi kundi si Jesu-Cristo bilang Kagurangnan; ipinapahayag mi na kami mga sorogoon nindo dahel ki Jesus.

2 Corinto 5:8

Makosog an samuyang boot; asin mas boot mi pang maghale sa hawak na ini nganing masa kaibahan nin Kagurangnan.

Galacia 1:10

Nangangahulogan daw iyan na hinahanap ko an omaw nin mga tawo? Bako nanggad! An talagang boot ko, Dios an mag-omaw sako. Kun nagmamawot akong omawon nin mga tawo, dai kutana ako nagin sorogoon ni Cristo.

Filipos 1:23

Masakit para sako an pagpili sa duwang bagay na ini. Mawot ko nang bayaan an buhay na ini asin makaiba ki Cristo, ta iyan an pinakamarahay.

Colosas 3:24

Giromdoman nindong aakoon nindo sa Kagurangnan an pamana na tagama niya sa saiyang banwaan. Huli ta si Cristo iyo an tunay na Kagurangnan na pinaglilingkodan nindo.

Colosas 4:12

Kinokomusta kamo ni Epafras, na saro pang kaayon kan grupo nindo, asin sorogoon ni Cristo Jesus. Danay niyang ipinapamibi nin maigot na kamo magin masarig, mayo nin pagduwa-duwa sa pagtubod asin andam na magkuyog sa kabotan nin Dios.

2 Pedro 1:1

Surat hale ki Simon Pedro na sorogoon saka apostol ni Jesu-Cristo. Para sa mga tinawan nin pagtubod na arog kahalaga kan samong pagtubod huli sa katanosan nin satong Dios asin ni Jesu-Cristo na satong Paraligtas.

1 Juan 5:3

Huli ta an namomoot sa Dios nagkukuyog kan saiyang mga togon. An saiyang mga togon bako man masakit na pag-otobon,

Judas 1:1

Surat na hale ki Judas na sorogoon ni Jesu-Cristo, asin tugang ni Santiago. Para sa mga tawong inapod, namomotan nin Dios Ama asin iniingatan ni Jesu-Cristo:

Kapahayagan 14:4

Ini an mga lalaking dai nadigtaan nin mga babae, huli ta mga mabini sinda; sinda an nagsusunod sa Kordero saen man siya magduman. Sinda an mga tinubos hale sa gabos na katawohan bilang enot na mga bunga para sa Dios saka sa Kordero.

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.