Juan 12:23 - Marahay na Bareta Biblia

²³ Nagsabi si Jesus, “Nag-abot na an oras na papamurawayon an Aki nin Tawo.

Juan 12:23 Iomraidhean Croise

Isaias 55:5

Ngunyan aapodon nindo an dayuhan na mga nasyon; dai ninda kamo midbid kaidtong panahon alagad ngunyan magdadalagan na mapasiring sinda saindo nganing makiapil! Ako, an Kagurangnan na saindong Dios, an banal na Dios nin Israel, iyo an magibo nin paagi tanganing mangyari ini; itatao ko saindo an kaomawan asin kamurawayan.”

Isaias 60:9

An mga sakayan na ini harale sa harayong mga daga; nakalunad diyan an banwaan nin Dios. May dara sindang plata saka bulawan tanganing omawon an ngaran nin Kagurangnan, an banal na Dios nin Israel, na nagpamuraway kan saiyang banwaan sa mata kan gabos na nasyon.

Mateo 25:31

“Pag-abot kan Aki nin Tawo sa saiyang kamurawayan, kaiba an gabos na anghel, matukaw siya sa saiyang mamuraway na trono.

Mateo 26:45

Dangan binalikan niya an mga disipulo asin sinabihan, “Torog pa giraray kamo? Nagpapahingalo pa kamo? Hilinga, an oras dumatong na, asin an Aki nin Tawo itatao sa kamot nin mga parakasala.

Markos 14:35

Nag-oroenotan siya, nagdapa sa daga saka namibi, na kun mahihimo, palihison saiya an oras nin kasakitan.

Markos 14:41

Sa ikatolong beses binalikan sinda ni Jesus dangan sinabihan, “Torog pa giraray kamo? Nagpapahingalo pa kamo? Tama na iyan! Oras na; an Aki nin Tawo itatao sa kamot nin mga parakasala.

Juan 12:16

An mga bagay na ini dai nasabotan kan saiyang mga disipulo kaidto; alagad kan si Jesus pinagmuraway na, naromdoman ninda na an gabos na ini sinurat dapit saiya asin ini ginibo sa saiya.

Juan 12:27

“Ngunyan napupurisaw an sakong kalag. Ano an sasabihon ko? Masabi daw ako, ‘Ama, ligtasan ako sa oras na ini’? Dai! Huli ta ini an dahelan kun tadaw ta nagdigdi ako—tanganing agihan ko an oras na ini nin kasakitan.

Juan 13:1

Bisperas na kan Pyesta nin Paskwa. Aram ni Jesus na nag-abot na an oras na mahale siya digdi sa kinaban tanganing magbalik sa Ama. Namomotan niyang danay an saiyang mga pinili na uya sa kinaban; namotan niya sinda sagkod sa kataposan.

Juan 7:39

Sinabi niya ini manongod sa Espiritu na aakoon kan mga minatubod saiya. Sa panahon na idto dai pa itinatao an Espiritu, huli ta dai pa pinagmuraway si Jesus.