Juan 11:54 - Marahay na Bareta Biblia

⁵⁴ Kaya dai na naglakaw na hayag si Jesus sa Judea. Naghale siya duman dangan nagpasiring sa Efraim, sarong banwaan na harani sa kalangtadan. Nag-erok siya duman kaiba an saiyang mga disipulo.

Juan 11:54 Iomraidhean Croise

2 Samuel 13:23

Pakalihis nin duwang taon, kan pinapaguntingan ni Absalom an saiyang mga karnero sa Baal-hazor, harani sa banwa nin Efraim, an gabos na aking lalaki kan hade inalok ni Absalom na magduman.

2 Mga Cronica 13:19

Linamag ni Abias an hukbo ni Jeroboam asin sinakop an nagkapirang syudad kaini: an Betel, an Jesana saka an Efron sagkod an mga baryo kan mga ini.

Juan 10:40

Nagbalik giraray si Jesus duman sa ibong kan Salog nin Jordan, sa lugar na pinagbunyagan ni Juan kaidto asin duman siya nag-ontok.

Juan 18:20

Nagsimbag si Jesus, “Hayag akong nagtaram sa gabos; danay akong nagtutukdo sa laog kan mga sinagoga asin sa laog kan Templo na pinagtitiponan kan gabos na Judio. Mayo akong itinaram sa hilom.

Juan 7:1

Pakatapos kaini, linibot ni Jesus an Galilea; habo siyang maglibot sa Judea, huli ta pinaghuhumotan siyang gadanon kan mga Judio duman.

Juan 7:10

Pakahale kan mga tugang ni Jesus pasiring sa pyesta, nagduman man siya, alagad sa hilom sana.

Juan 7:13

Alagad mayo saindang nakapagtaram nin hayag dapit saiya, huli ta takot sinda sa mga Judio.

Juan 7:4

Dai tinatago kan tawo an mga ginigibo niya kun boot niyang mabantog. Ginigibo mo man sana an mga bagay na ini, magpamidbid ka na logod sa bilog na kinaban!”