Juan 11:19 - Marahay na Bareta Biblia

¹⁹ kaya dakul na mga Judio an nagdalaw sa magtugang na Marta asin Maria sa pagranga sainda.

Juan 11:19 Iomraidhean Croise

Genesis 37:35

Dinalaw si Jacob kan gabos niyang aking lalaki asin babae tanganing rangahon, alagad padagos siyang nagmondo. Olay niya, “Magagadan akong nagmomondo para sa sakong aki.” Siring kaiyan an pagmondo ni Jacob para ki Jose.

2 Samuel 10:2

Nagsabi si David, “Makikipagkatood ako ki Hanun, siring kan ginibo sako kan saiyang ama.” Kaya nagpadara si David nin mga sugo sa pagpahiling nin pakidumamay. Pag-abot ninda sa Ammon,

1 Mga Cronica 10:12

nagduruman an mga maiisog na lalaki, kinua ninda an bangkay ni Saul asin kan saiyang mga aking lalaki dangan dinara sa Jabez. Ilinubong ninda an mga tolang sa irarom kan sarong hamurawon na kahoy duman sa Jabez. Pagkatapos, nag-ayuno sinda sa laog nin pitong aldaw.

An Libro ni Job 2:11

Kan maaraman kan tolong katood ni Job an gabos na karatan na nag-abot saiya, dinalaw ninda siya. An tolong ini iyo si Elifaz na hale sa syudad nin Teman, si Bildad na hale sa daga nin Sua, asin si Zofar na hale sa daga nin Naama. Nagkaoroyon sindang magdalaw ki Job tanganing rangahon ini.

An Libro ni Job 42:11

Dinalaw si Job kan gabos niyang tugang na lalaki saka babae asin mga dating katood; ipinahiling ninda an saindang pakidumamay saiya asin rinanga ninda siya sa gabos na kasakitan na dinara nin Kagurangnan saiya. An lambang saro nagtao saiya nin kwarta asin bulawan na singsing.

Parahulit 7:2

Mas marahay an magduman sa harong na igwa nin pagmondo ki sa harong na igwa nin bangkete, huli ta an nabubuhay dapat na magromdom na naghahalat sato gabos an kagadanan.

Isaias 51:19

Duwang bagay an nag-abot saimo: naraot an saimong daga huli kan gera asin nagutom an saimong namamanwaan. Mayo nin saro man na madamay saimo.

Mga Panambitan 1:16

“Huli kaini ako naghihibi; mga mata ko nagbubulos nin luha. Mayo nin minaranga sako; mayo nin pwedeng magpakosog kan boot ko. Nagmomondo an sakong kaakian huli ta nadaog ako kan kaiwal.

Mga Panambitan 1:2

Naghihibi siya bilog na banggi, mga luha nagbubulos sa saiyang pisngi. Sa kadakul na namomoot saiya, mayo na ni sarong minaranga; mga katood niya nagpasaluib saiya asin gabos nagin kaiwal niya.

Mga Panambitan 1:21

“Dangoga an sakong inagrangay; mayo nin nagraranga sako. Naoogma an mga kaiwal ko kan madangog an mga kasakitan na ipinadara mo sako. Paabota na an aldaw na saimong panuga, asin arog sako pasakitan mo man an mga kaiwal ko.

Mga Panambitan 1:9

An saiyang ati madaling nahiling; alagad dai niya pinahalagahan an saiyang kataposan. Mangirhat an saiyang pagkarumpag; mayo nin pwedeng magranga saiya. Nanggana an saiyang mga kaiwal, asin naghahagad siya nin pagkaherak sa Kagurangnan.

Mga Panambitan 2:13

O Jerusalem, ano an masasabi ko para saimo? Saen taka ikakabaing, tanganing ika sakuyang maranga? An pagkarumpag mo arog kahiwas kan kadagatan; siisay an makakahirahay saimo?

Lukas 10:39

Ini si Marta may tugang na babae na an ngaran Maria. Nagtukaw si Maria sa may pamitisan kan Kagurangnan dangan nagdangog kan saiyang katukdoan.

Lukas 10:42

alagad saro sanang bagay an kaipuhan. Napili ni Maria an mas marahay, asin dai iyan hahaleon saiya.”

Juan 1:19

Sinugo kan mga Judiong nasa Jerusalem an mga padi asin mga Levita tanganing hapoton si Juan, “Siisay ka?”

Juan 11:1

May sarong lalaking naghelang, si Lazaro na taga Betania, lugar na pinag-eerokan ni Maria asin kan saiyang tugang na si Marta.

Juan 11:31

An mga tawo duman sa harong na nakikidumamay ki Maria, nagsunod kan mahiling ninda siyang hidaling nagluwas. An paghona ninda maduman siya sa lulubngan nganing magtangis.

Juan 11:33

Natanyog an puso ni Jesus kan mahiling niyang nagtatangis si Maria pati an mga tawong kaiba niya; namatean niya an labi-labing kamondoan.

Juan 11:36

Kaya nagsabi an mga tawo, “Totoong padangat niya si Lazaro!”

Juan 11:45

Dakul sa mga tawong nagdalaw ki Maria an nakahiling kan ginibo ni Jesus, kaya nagtubod sinda saiya.

Juan 11:8

Nagsimbag an saiyang mga disipulo, “Rabbi, bakong dai pa nahahaloy boot kang gapoon kan mga tawo duman? Tadaw ta boot mong magbalik duman?”

Roma 12:15

Mag-ogma kamo kaiba kan mga nag-oogma; maghibi kamo kaiba kan mga naghihibi.

2 Corinto 1:4

Rinaranga niya kami sa gabos ming kasakitan, tanganing an iba man na mga nagtitios maranga mi kan iyo man sanang karangahan na itinao niya samo.

1 Tesalonica 4:18

Kaya magparinanga-rangahan kamo kan mga tataramon na ini.

1 Tesalonica 5:11

Kaya pakosoga an saindong boot saka magpatarabang-tabang kamo siring kan ginigibo na nindo ngunyan.

1 Samuel 31:13

Dangan kinua ninda an mga tolang asin ilinubong sa irarom kan kahoy na sampalok duman sa Jabes. Pakatapos, nag-ayuno sinda sa laog nin pitong aldaw.