Juan 10:8 - Marahay na Bareta Biblia

⁸ An gabos na naenot sako parahabon asin tulisan, kaya dai sinda dinadangog kan mga karnero.

Juan 10:8 Iomraidhean Croise

Jeremias 23:1

Makatatakot nanggad an padusa nin Kagurangnan sa mga pamayo na nagraraot saka nagwawarak kan saiyang banwaan!

Ezekiel 34:2

“Aki nin tawo, magpropesiya ka laban sa mga namamayo nin Israel. Sabihan mo sinda na ini an tataramon ko, an Kagurangnan Dios: Herak man saindo, mga pastor nin Israel! Binabasog nindo an saindong sadiri, alagad dai nindo inaataman an mga karnero.

Sofonias 3:3

An mga opisyal niya arog sa nag-uungal na mga leon; an saiyang mga hukom arog sa paslong mga lobo, na minaubos sagkod kan tolang bago mag-abot an aga.

Zacarias 11:16

Nagbugtak ako nin sarong pastor na mamamahala kan sakong mga karnero, alagad dai niya tinatabangan an karnero na nasa kapahamakan; dai man niya hinahanap an nawara, o binobolong an nalugadan, o pinapakakan an mga natada. Kundi kinakakan niya an karne kan pinakamatabang karnero asin hinahale niya an mga kuku kaini.

Juan 10:1

“Sa katotoohan sinasabihan ko kamo, an tawong minalaog sa toril na dai minaagi sa pintoan kundi minasakat sa kudal, sarong parahabon asin tulisan.

Juan 10:27

Nagdadangog sako an mga karnero ko; midbid ko sinda asin sinusunod ninda ako.

Juan 10:5

Dai sinda minasunod sa dayuhan, ata ngani dinudulagan ninda, huli ta dai ninda midbid an tingog kan dayuhan.”

Mga Gibo 5:36

Kaidto nag-abot si Teudas, na naghahambog na siya sarong bantog na tawo; nagsunod saiya an mga kwatro syentos na kalalakihan. Alagad nagadan siya asin an gabos niyang mga parasunod nagkawaragas saka nagkawarara.