Juan 10:6 - Marahay na Bareta Biblia

⁶ Inosipon sainda ni Jesus an parabolang ini, alagad dai ninda nasabotan an boot niyang sabihon.

Juan 10:6 Iomraidhean Croise

Salmo 106:7

Kan an samong ginikanan yaon duman sa Egipto, dai ninda nasabotan an mga makangangalas mong gibo. Nalingawan ninda an yaman kan danay na pagkamoot mo; asin nagsombikal sa Makakamhan duman sa Dagat na Pula.

Salmo 82:5

“Mayo sinda nin kadonongan o pakasabot! Naglalakaw sinda sa kadikloman; mayo na nin hustisya sa kinaban.

Mga Talinhaga 28:5

Dai nasasabotan kan mga maraot an kahulogan kan hustisya, alagad nasasabotan ini nin marahay kan mga tawong nagsasamba sa Kagurangnan.

Isaias 56:11

Arog sinda sa sablok na mga ayam na dai nagkakabarasog. Mayo nin pakasabot an mga lider na ini. Ginigibo kan lambang saro sainda an saiyang nawiwilihan asin hinahanap sana an saiyang karahayan.

Daniel 12:10

Dakul na tawo an malilinigan, alagad dai makakasabot an mga maraot kundi magpapadagos sa pagigin maraot; an mga madonong sana an makakasabot.

Mateo 13:34

Ini gabos itinukdo ni Jesus sa mga tawo sa paagi nin mga parabola. Mayo siyang itinaram sainda na dai naggamit nin parabola.

Mateo 13:51

Hinapot ni Jesus an saiyang mga disipulo, “Nasasabotan nindo an mga bagay na ini?” “Opo,” an simbag ninda.

Markos 4:34

Dai siya nagtukdo sainda kun bakong sa paagi nin mga parabola, alagad kun an mga disipulo sana an yaon, ipinaliwanag niya sainda an gabos.

Juan 16:25

“Sinabi ko saindo an mga bagay na ini sa paagi nin mga parabola. Alagad maabot an panahon na dai na ako magamit nin mga parabola, kundi hayag na mataram ako saindo dapit sa Ama.

Juan 16:29

Nagsabi an mga disipulo, “Ngunyan hayag ka nang magtaram ta dai ka na naggagamit nin mga parabola.

Juan 6:52

Huli kan mga sinabi niyang ini, nagkariribok an mga tawo. “Paanong ikatao kan tawong ini an saiyang hawak tanganing kakanon ta?” an hapot ninda.

Juan 6:60

Kan nadangog ini kan kadaklan kan saiyang mga disipulo, nagsarabi sinda, “Masakit an mga tataramon na ini; siisay an makakaako kaiyan?”

Juan 7:36

Ano an boot sabihon kan sinabi niyang, ‘Hahanapon nindo ako, alagad dai nindo ako makukua, huli ta dai kamo makakaduman sa dudumanan ko’?”

Juan 8:27

Dai ninda nasabotan na nagtaram siya sainda dapit sa Ama.

Juan 8:43

Tadaw ta dai nindo nasasabotan an sinasabi ko? Huli ta habo kamong magdangog kan sakong tataramon.

1 Corinto 2:14

An tawong mayo kan Espiritu nin Dios dai makakaako kan mga balaog kan Espiritu nin Dios, huli ta para saiya, kalolongan iyan. Dai siya makakasabot kan mga balaog na iyan, huli ta masasabotan sana iyan sa paagi kan Espiritu.

2 Pedro 2:22

An nangyari saiya nagpapatotoo sa kasabihan, “An ayam minabalik giraray sa isinuka niya,” asin “An orig na lininigan na, minaligid sa lamaw.”

1 Juan 5:20

Aram man nyato na an Aki nin Dios nagdigdi saka nagtao sato nin pakasabot, nganing mamidbidan ta an totoong Dios. Yaon kita sa totoong Dios, sa saiyang Aki na si Jesu-Cristo. Iyo ini an totoong Dios, asin an buhay na daing kataposan.