Juan 10:16 - Marahay na Bareta Biblia

¹⁶ Igwa akong ibang mga karnero na mayo sa toril na ini. Kaipuhan na ilaog ko man sinda; madangog sinda sa tingog ko. Kaya magigin saro an ariponpon asin saro an pastor.

Juan 10:16 Iomraidhean Croise

Genesis 49:10

Dai mahahale an setro ki Juda, Asin sa mga kapagarakian niya, Sagkod na umabot an kagsadiri kaiyan Asin sa saiya makuyog an mga banwaan.

Salmo 86:9

Madatong an gabos na nasyon na saimong linalang; mataong galang sa saimong atubang; asin mapamuraway kan saimong ngaran.

Parahulit 12:11

An mga kasabihan nin mga madonong kabaing sa mga mapanas na sugkod na ginagamit kan mga pastor sa pag-alaw kan karnero, asin an mga tiniripon na talinhaga magdadanay arog sa mga pako na nakatadom nin marahay. Ini gabos itinao nin Dios, an iyo-iyong Pastor nyato gabos.

Isaias 11:10

Sa aldaw na iyan, an gamot ni Jesse matindog bilang sarong tanda para sa mga banwaan; hahanapon siya nin mga nasyon, asin magigin mamuraway an saiyang erokan.

Isaias 43:6

Tataraman ko an amihan na butasan sinda asin an habagat na dai sinda pagpugolon. Tugote nindong magbalik an sakong banwaan hale sa harayong mga daga, hale sa gabos na poro ka kinaban.

Isaias 49:6

Sinabihan ako nin Kagurangnan, “Igwa ako nin mas mahalagang trabaho para saimo, sakong sorogoon. Bako sanang ibabalik mo an kadakulaan kan natadang mga Israelita, kundi gigibohon takang sarong ilaw para sa mga nasyon— tanganing makaligtas an bilog na kinaban.”

Isaias 52:10

Gagamiton nin Kagurangnan an banal niyang kapangyarihan; ililigtas niya an saiyang banwaan, asin mahihiling iyan kan bilog na kinaban.

Isaias 56:8

An Kagurangnan Dios, na nagdara pabalik kan saiyang banwaan hale sa pagkatapokan, nangako na dadarahon pa niya an ibang tawo tanganing makaiba kan saiyang banwaan.

Ezekiel 34:12

siring na an sarong pastor nag-aataman kan saiyang mga karnerong nagkawararak, asin tinitipon niya giraray. Ibabalik ko sinda hale sa mga lugar na pinagkawararakan ninda kaidtong madiklom saka makuri na aldaw.

Ezekiel 34:23

Tatawan ko sinda nin sarong hade na arog kan sorogoon kong si David, tanganing iyo sana an magpastor asin mag-ataman sainda.

Ezekiel 34:6

Kaya an sakong mga karnero nagkaralagalag sa kabukidan saka sa kabubuldan. Nagkawararak sinda sa bilog na daga asin mayo man lamang nin naghanap saka naghingowang makua sinda.

Ezekiel 37:22

Sasaroon ko sinda bilang saro sanang nasyon sa daga, sa kabukidan nin Israel. Magkakaigwa sinda nin saro sanang hade na mamamayo sainda, asin dai na sinda mababanga sa duwang nasyon o sa duwang kahadean.

Ezekiel 37:24

Sarong hade na arog ki David na sakuyang sorogoon an magigin hade ninda. Magkakasararo sinda sa irarom kan pamamayo nin sarong hade asin maimbod na kukuyogon ninda an sakuyang mga togon.

Oseas 1:10

An mga taga Israel magigin siring kadakul sa baybay kan dagat, na dai pwedeng takadon o bilangon. Ngunyan sinasabihan sinda nin Dios, “Bako ko na kamong banwaan,” alagad maabot an aldaw na sasabihan niya sinda, “Kamo an mga aki kan Dios na buhay!”

Zacarias 2:11

Sa panahon na iyan dakul na nasyon an madolok sa Kagurangnan asin magigin saiyang banwaan. Maerok siya sa kaibahan nindo, dangan maaaraman nindo na sinugo niya ako sa saindo.

Mateo 17:5

Nagtataram pa siya kan lindongan sinda nin maliwanag na panganoron. Dangan sarong tingog hale sa panganoron an nagsabi, “Ini an Aki kong namomotan na ikinakaogma kong gayo—dangoga nindo siya!”

Lukas 15:8

“Halimbawa igwa nin sarong babae na may sampolong kwartang plata, alagad mawaran siya nin saro, ano an gigibohon niya? Bakong susuloan niya an ilawan, sisighidan an harong asin hahanapon nin maigot an nawawarang kwartang plata sagkod na makua niya iyan?

Juan 10:11

“Ako an marahay na pastor. An marahay na pastor minadusay kan saiyang buhay para sa mga karnero.

Juan 10:2

Alagad an tawong minaagi sa pintoan iyo an pastor kan mga karnero.

Juan 10:27

Nagdadangog sako an mga karnero ko; midbid ko sinda asin sinusunod ninda ako.

Juan 10:3

Binubuksan kan bantay an pintoan para sa pastor na an tingog midbid kan mga karnero. Inaapod niya an ngaran kan mga karnero dangan ginigiyahan niya pagluwas sa toril.

Juan 10:4

Pakapaluwasa niya, minaenot siya sainda, dangan minasunod saiya an mga karnero, huli ta midbid ninda an tingog niya.

Juan 10:5

Dai sinda minasunod sa dayuhan, ata ngani dinudulagan ninda, huli ta dai ninda midbid an tingog kan dayuhan.”

Juan 11:52

asin bako sanang para sa nasyon, kundi tanganing tiponon man an gabos na nagkawaragas na mga aki nin Dios.

Juan 17:20

“Bako sana sinda an ipinapamibi ko; ipinapamibi ko man an mga minatubod sako huli kan ipinahayag ninda.

Juan 6:37

Madolok sako an gabos na itinatao sako nin Ama. An siisay man na magdolok sako dai ko isisikwal,

Mga Gibo 15:14

Ipinaliwanag ni Simon kun paanong enot na ipinahiling nin Dios an saiyang pagmakulog sa mga pagano tanganing sinda man magin sarong nasyon na sadiri niya.

Mga Gibo 18:10

huli ta kaiba mo ako. Dai ka maaano huli ta dakul an mga parasunod ko sa syudad na ini.”

Mga Gibo 22:14

Nagsabi siya, ‘Pinili ka kan Dios nin satong mga ginikanan tanganing maaraman mo an saiyang kabotan, mahiling an saiyang banal na Sorogoon, asin madangog an saiyang tingog.

Roma 11:25

Mga tugang, sasabihon ko saindo an sarong misteryo tanganing dai kamo mag-isip na anong dodonong nindo: an katagasan kan payo kan banwaan nin Israel dai magdadanay. Sagkod sana iyan sa oras na magdolok sa Dios an tamang bilang kan mga pagano.

2 Tesalonica 2:13

Danay kaming magpasalamat sa Dios para saindo, mga tugang na namomotan kan Kagurangnan. Nagpapasalamat kami huli ta pinili kamo nin Dios bilang enot na ililigtas sa paagi kan kapangyarihan kan Espiritu, na nagpapabanal saindo huli kan saindong pagtubod sa katotoohan.

Hebreyo 13:20

An Dios iyo an nagbuhay liwat ki Jesus na satong Kagurangnan, an Dakulang Pastor kan mga karnero, na an dugo iyo an tanda kan daing kataposan na tipan.

1 Pedro 2:10

Kaidto bako kamong banwaan nin Dios, alagad ngunyan banwaan na niya kamo. Kaidto dai nindo nakamtan an pagkaherak nin Dios, alagad ngunyan nakamtan na nindo an saiyang pagkaherak.

1 Pedro 2:25

Kaidto garo kamo mga karnerong nagkaralagalag, alagad ngunyan nagbalik na kamo sa Pastor asin Paraataman kan saindong mga kalag.

1 Pedro 5:4

Pag-abot kan Poon na Pastor, maako kamo kan magayon na korona na dai naglulubad.

Kapahayagan 3:20

Uya, nagtitindog ako asin nagtotoktok sa may pintoan. Kun may magdangog sako saka magbukas kan pintoan, malaog ako asin makakan kasabay niya, asin siya makakan na kasabay ko.