Juan 10:1 - Marahay na Bareta Biblia

¹ “Sa katotoohan sinasabihan ko kamo, an tawong minalaog sa toril na dai minaagi sa pintoan kundi minasakat sa kudal, sarong parahabon asin tulisan.

Juan 10:1 Iomraidhean Croise

Jeremias 14:15

Ako, an Kagurangnan, masabi saimo kan gigibohon ko sa mga propetang iyan na dai ko man sinugo alagad nagtataram sa ngaran ko, dangan nagsasabi na dai magkakaigwa sa dagang ini nin gera asin gutom—gagadanon ko sinda sa gera asin sa gutom.

Jeremias 23:21

Nagtaram an Kagurangnan, “Dai ko sinugo an mga propetang ini, alagad nagralakaw sinda. Dai ko sinda tinawan nin mensahe, alagad nagtaram sinda sa sakong ngaran.

Jeremias 23:32

Hinanyoga nindo an sinasabi ko! Laban ako sa mga propeta na nagtataram kan saindang mga pangatorogan na pano nin mga kaputikan. Ipinapangosip ninda an mga pangatorogan na ini saka linalagalag ninda an sakong banwaan huli kan saindang mga kaputikan asin kahambogan. Dai ko sinda sinugo ni pinagbotan na maglakaw. Mayo lamang sinda nin ikakatabang sa banwaan. Ako, an Kagurangnan, an nagtaram.”

Joel 2:9

Minadaralagan sinda pasiring sa syudad; minarulukso sa mga kudal; minasarakat sa mga harong asin arog sa mga mahabon, minaralaog sinda sa mga bintana.

Mateo 7:15

“Mag-ingat kamo sa mga bakong tunay na propeta; garo sinda mga karnero kun minadolok saindo, alagad sa katunayan mga mabangis na lobo sinda.

Juan 10:7

Kaya nagsabi giraray sainda si Jesus, “Sa katotoohan sinasabihan ko kamo, ako an pintoan na inaagihan kan mga karnero.

Juan 3:3

Sinabihan siya ni Jesus, “Sa katotoohan sinasabihan taka, an dai mamundag liwat, dai makakahiling kan Kahadean nin Dios.”

Roma 10:15

Paanong ipaghulit nin mga tawo an mensahe nin Dios kun dai man sinda sinugo? Siring sa nasusurat, “Magayon an mga bitis kan nagdadara kan Marahay na Bareta!”

Roma 16:18

An mga siring na tawo bakong sa satong Kagurangnan naglilingkod, kundi nagpaparaisip sana kan saindang tulak. Dinadaya ninda an mga tawong inosente, sa paagi kan saindang magayon asin marahay pagdangogon na mga tataramon.

Tito 1:11

Kaipuhan sindang paontokon huli ta pinupurisaw ninda an gabos na kaayon nin mga pamilya, sa pagtukdo ninda kan dai dapat itukdo, magkakwarta sana sinda maski sa maraot na paagi.

Hebreyo 5:4

Mayo nin siisay man na minapili sa sadiri niya na magin halangkaw na padi, kundi an Dios an minaapod saiya siring kan pag-apod ki Aaron.

1 Pedro 1:10

Manongod kan kaligtasan na ini, an mga propeta kaidto maigot na nagsiyasat asin naghapot; ipinaghula ninda an biyayang ini na itatao nin Dios saindo.

2 Pedro 2:1

Kun kaidtong panahon may nagluwas na mga bakong tunay na propeta sa mga tawo, siring man may maluwas na mga bakong tunay na paratukdo diyan saindo. Hilom na itutukdo ninda an mga nakakaraot saka salang doktrina; nenegaran ninda an Kagurangnan na nagtubos sainda. Dahel kaiyan, biglang maabot sainda an kapahamakan.

2 Pedro 2:3

Huli sa saindang kapasloan, dadayaon ninda kamo sa paagi nin putik na katukdoan; alagad haloy nang andam an hatol sa sainda asin an magadan sainda dai nagtotorog!

1 Juan 4:1

Mga namomotan, dai kamo magtubod sa mga nagsasabing igwa sinda kan Espiritu, kundi baloon nindo sinda, tanganing maaraman nindo kun an espiritu na nasa sainda talagang hale sa Dios; huli ta dakul na bakong tunay na propeta an nagtunga sa gabos na lugar.