Juan 1:3 - Marahay na Bareta Biblia

³ Sa paagi niya ginibo nin Dios an gabos; dai nin anoman na linalang na bakong sa paagi niya.

Juan 1:3 Iomraidhean Croise

Genesis 1:1

Sa kapinonan, kan lalangon nin Dios an kalangitan asin an daga,

Genesis 1:26

Dangan nagtaram an Dios, “Ngunyan gibohon ta an katawohan sa satong ladawan; gibohon ta sindang arog sato. Magkakaigwa sinda nin kapangyarihan sa mga sira, sa mga gamgam, asin sa gabos na hayop, manso man o lalaw, dakula man o sadit.”

Salmo 102:25

Kaidto saimong linalang an daga; asin an kalangitan hinaman kan saimong kamot.

Salmo 33:6

Sa pagboot nin Kagurangnan, nalalang an kalangitan, an aldaw, an bulan asin an mga bitoon huli kan saiyang tataramon.

Mga Talinhaga 8:30

Nasa kataed niya ako, arog sa sarong arkitekto. Ako an kaogmahan niya aroaldaw, asin sa atubang niya, ako danay na nag-oogma—

Isaias 45:12

Ako an naggibo kan kinaban asin naglalang kan katawohan nganing mag-erok diyan. Inunat ko an kalangitan huli sa sakong kapangyarihan; pinagbobotan ko an aldaw, an bulan, asin an kabitoonan.

Isaias 45:18

Linalang nin Kagurangnan an kalangitan— siya sana an Dios! Pinorma niya asin ginibo an kinaban— pinapusog niya iyan asin iyan magdadanay. Dai niya iyan ginibong sarong lugar na mamondo, kundi ginibo niyang sarong lugar na eerokan nin tawo. Siya iyo an nagsasabing, “Ako an Kagurangnan, asin pwera sako mayo na nin ibang dios.

Juan 1:10

An Tataramon yaon sa kinaban asin ginibo nin Dios an kinaban sa paagi niya, alagad dai siya namidbid kan kinaban.

Juan 1:2

Poon pa sa kapinonan, an Tataramon kaibahan na nin Dios.

1 Corinto 8:6

alagad para sato saro sana an Dios, na iyo an Ama na Kaglalang kan gabos na bagay asin para saiya kita gabos nabubuhay. Siring man may saro sanang Kagurangnan, si Jesu-Cristo, na sa paagi niya linalang an gabos na bagay asin sa paagi niya nabubuhay kita.

Efeso 3:9

asin paliwanagan an gabos na tawo kun paano ootobon an misteryo na haloy nang panahon natatago sa Dios na Kaglalang kan gabos na bagay;

Hebreyo 11:3

Huli sa pagtubod nasasabotan ta na an kinaban linalang kan tataramon nin Dios, kaya an anoman na nahihiling gikan sa dai nahihiling.

1 Juan 5:1

An siisay man na nagtutubod na si Jesus iyo an Cristo, aki nin Dios; an siisay man na namomoot sa ama, namomoot man sa aki.

Kapahayagan 3:14

“Suratan mo an anghel kan simbahan sa Laodicea: “Iyo ini an mensahe kan Amen, an maimbod saka totoong saksi, an ginikanan kan gabos na linalang nin Dios.

Kapahayagan 4:11

“Samong Kagurangnan asin Dios! Maninigo kang mag-ako nin kamurawayan, kaomawan saka kapangyarihan. Huli ta linalang mo an gabos na bagay, nabubuhay sinda asin nagdadanay huli kan saimong kabotan.”