Juan 1:17 - Marahay na Bareta Biblia

¹⁷ An Katogonan itinao nin Dios sa paagi ni Moises, alagad an biyaya asin katotoohan nag-abot sa paagi ni Jesu-Cristo.

Juan 1:17 Iomraidhean Croise

Genesis 22:18

asin sa paagi kan saimong mga kapagarakian, bebendisyonan ko man an gabos na nasyon, huli ta sinunod mo an pagboot ko.”

Genesis 3:15

Papag-iwalon ko kamo asin an babae; an saimong banhi asin an saiyang banhi: roronoton kaini an saimong payo, asin hahampakon mo an saiyang bool.”

Salmo 85:10

An pagkamoot asin an pagkamaimbod magtutuparan; an katanosan asin an katoninongan maghahadokan.

Salmo 98:3

Naromdoman niya an danay niyang pagkamoot asin pagkamaimbod sa harong ni Israel. Nahiling kan gabos na poro kan daga an kapangganahan kan satuyang Dios.

Mikas 7:20

Ipapahiling mo sa saimong banwaan, an mga kapagarakian ni Abraham asin ni Jacob, an saimong kaimbodan saka danay na pagkamoot, siring sa ipinanuga mo sa samong mga ginikanan kaidtong panahon.

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

Juan 14:6

Sinimbag siya ni Jesus, “Ako an dalan, an katotoohan asin an buhay; dai nin makakaduman sa Ama, kun bakong huli sako.

Juan 18:37

“Kun siring, hade ka palan?” an hapot ni Pilato. Nagsimbag si Jesus, “Ika an nagsasabi na saro akong hade. Namundag ako asin nagdigdi sa kinaban sa pagtaram dapit sa katotoohan. An siisay man na nasa katotoohan naghihinanyog sako.”

Juan 5:45

Dai kamo maghona na ako an masumbong saindo sa sakong Ama; si Moises na pinaglalaoman nindo an masumbong saindo.

Juan 7:19

Bakong itinao saindo ni Moises an Katogonan? Alagad mayo saindo nin minakuyog kaiyan. Tadaw ta boot nindo akong gadanon?”

Juan 8:32

maaaraman nindo an katotoohan, asin an katotoohan an mapatalingkas saindo.”

Juan 9:29

Aram mi na nagtaram an Dios ki Moises; alagad dai mi aram kun saen hale an tawong iyan!”

Mga Gibo 28:23

Kaya nagtalaan sinda nin sarong aldaw. Pag-abot kan aldaw na iyan, dakul na tawo an nagduman sa pinag-eerokan ni Pablo. Poon aga sagkod banggi, ipinaliwanag niya sainda an Kahadean nin Dios saka hiningowa niyang magtubod sinda ki Jesus sa paagi kan Katogonan ni Moises saka kan sinurat kan mga propeta.

Mga Gibo 7:38

Yaon siya sa katiriponan kan mga Israelita duman sa kalangtadan; siya an kaiba kan anghel kan magtaram ini saiya sa Bukid nin Sinai; siya an kaiba kan satong mga ginikanan. Siya an nag-ako kan tataramon nin buhay hale sa Dios tanganing itao sato.

Roma 6:14

Dai kamo dapat na magpasakop sa kasalan, huli ta bako na kamong nabubuhay sa irarom kan katogonan kundi sa irarom kan biyaya nin Dios.

2 Corinto 1:20

Si Cristo an “Iyo” kan gabos na panuga nin Dios. Kaya, sa paagi niya minasabi kitang “Amen” bilang pag-omaw sa Dios.

Galacia 3:17

An boot kong sabihon iyo ini: Nakipagtipan an Dios ki Abraham saka nanuga na ootobon niya iyan. Dai malalapas an tipan asin an panuga nin Dios; dai mapapawaraan nin halaga kan Katogonan na nag-abot pakalihis nin kwatro syentos treyntang taon.

Deuteronomio 33:4

Nagkukuyog kita kan Togon na itinao sato ni Moises; an pinakamahalagang pagsadiri kan satong banwaan.

Deuteronomio 4:44

Iyo ini an mga togon na itinao ni Moises sa mga Israelita,

Deuteronomio 5:1

Tinipon ni Moises an bilog na Israel asin sinabihan, “Banwaan nin Israel, dangoga nindo an mga togon asin mga pagboot na itatao ko saindo ngunyan na aldaw. Saboton asin kuyogon nanggad nindo an mga iyan.

Hebreyo 9:22

Sosog sa Katogonan, haros gabos na bagay nalilinigan kan dugo; kun mayong dugong pinapabulos, mayo man nin kapatawadan nin mga kasalan.