Josue 7:4 - Marahay na Bareta Biblia

⁴ Kaya mga tolong ribong Israelita sana an nagsalakay sa Ai, alagad napiritan sindang magsibog.

Josue 7:4 Iomraidhean Croise

Salmo 89:43

Pinangurol mo an tarom nin saiyang espada, asin ipinadaog mo siya sa gera.

Isaias 30:17

Madurulag an sangribo saindo pakahiling sa sarong kaiwal, asin lima sanang soldados an kaipuhan tanganing magdurulag kamo gabos. Mayo nin matatada sa saindong hukbo pwera kan solo-solong kahoy na nakakabitan kan bandera sa ibabaw kan bulod.

Isaias 59:2

Dai niya kamo dinadangog huli kan saindong mga kasalan. An saindong mga kasalan an nagsisiblag saindo sa Dios.

Levitico 26:17

Lalabanan ko kamo, kaya madadaog kamo, asin an mga anggot saindo iyo an mahade saindo; madulag kamo maski mayo nin naglalamag saindo.

Deuteronomio 28:25

“Ipapadaog kamo nin Kagurangnan sa saindong mga kaiwal. Masalakay kamo sainda hale sa sarong direksyon, alagad madulag kamo pasiring sa gabos na direksyon; mangalas an gabos na tawo sa daga kun mahiling ninda an nangyari saindo.

Deuteronomio 32:30

Kun tano ta an sangribo nadaog nin saro; an sampolong ribo, nadaog nin duwa. Pinabayaan sinda nin Kagurangnan na saindang Dios; isinikwal kan saindang mapangyaring Dios.

Josue 7:3

nagbalik sinda ki Josue asin nag-osip, “Dai kaipuhan an gabos na tawo sa pagsalakay kan Ai. Magpadara ka sana nin mga duwa o tolong ribong lalaki. Dai mo ipagpadara an bilog na hukbo tanganing makilaban huli ta bako man dakula an syudad.”