Josue 4:10 - Marahay na Bareta Biblia

¹⁰ An mga padi nagtirindog sa tahaw kan Jordan sagkod na natapos an mga ipinagboot nin Kagurangnan ki Josue na gibohon kan mga tawo. Ini an ipinagboot ni Moises. Naghidali an mga tawo sa pagbalyo sa salog.

Josue 4:10 Iomraidhean Croise

Salmo 119:60

Naghihidali ako asin dai nag-aabala sa pag-otob kan saimong mga kabotan.

Exodo 12:39

Nagluto sinda nin tinapay na mayo nin lebadura hale sa dara nindang minasa, huli ta kan isubol sinda paluwas sa Egipto, dai na sinda nagkaigwa nin oras na mag-andam nin pagkakan o magmasa nin arina na igwa nin lebadura.

Mga Talinhaga 27:1

Dai mo ipaghambog an noodma, huli ta dai mo aram kun ano an mangyayari sa aldaw na iyan.

Parahulit 9:10

Sa bilog mong makakaya, gibohon mo an anoman na trabaho, huli ta mayo nin anoman na trabaho, kaisipan, pakaaram o kadonongan sa kinaban kan mga gadan, an lugar na saimong padudumanan.

Isaias 28:16

Iyo ini ngunyan an sinasabi nin Kagurangnan Dios: “Mabugtak ako sa Sion nin sarong pundasyon na pusog saka makosog. Diyan ko ibubugtak an gapong patugmadan na nasusuratan kan mga tataramon, ‘An pagtubod na pusog matinios man.’

2 Corinto 6:2

An Dios nagsasabi: “Dinangog taka sa tamang panahon, tinabangan taka sa aldaw nin kaligtasan.” Maghinanyog kamo! Ngunyan an tamang panahon; ngunyan an aldaw nin kaligtasan!

Deuteronomio 31:9

Kaya isinurat ni Moises an katogonan na ini nin Dios asin itinao sa mga pading Levita, na namamahala kan Kaban nin Tipan nin Kagurangnan, asin sa mga lider kan Israel.

Josue 24:11

Nagbalyo kamo sa Jordan dangan nakaabot sa Jerico. Linabanan kamo kan mga taga Jerico, siring man kan mga Amoreo, Perezeo, Cananeo, Heteo, Gergeseo, Heveo, asin kan mga Jebuseo. Alagad pinapanggana ko kamo laban sa sainda gabos.

Josue 3:13

Sa oras na magtungtong na sa tubig an mga padi na nagdadara kan Kaban nin Tipan nin Kagurangnan kan bilog na daga, maontok sa pagbulos an Salog nin Jordan, asin matambak sa sarong lugar an tubig na nagbubulos paibaba.”

Josue 4:11

Kan nasa ibong na sinda gabos, nangenotan sa mga tawo an mga pading nagdadara kan Kaban nin Tipan nin Kagurangnan.

Josue 4:9

Nagpatindog man si Josue nin doseng gapo sa tahaw kan Jordan, sa tinindogan kan mga padi na nagdadara kan Kaban nin Tipan. (Sagkod ngunyan yaon pa duman an mga gapong idto.)