Jonas 4:2 - Marahay na Bareta Biblia

² Kaya namibi siya, “Kagurangnan, bakong sinabi ko na kaidto bago ako nagdigdi na iyo ini an gigibohon mo? Kaya hiningowa kong magdulag pasiring sa Espanya. Aram ko na ika sarong Dios na mamomoton, maheherakon, matinios, maboot, asin danay na andam na magbago nin isip asin dai na magpadusa.

Jonas 4:2 Iomraidhean Croise

1 Mga Hade 19:4

dangan bilog na aldaw siyang naglakaw pasiring sa kalangtadan. Nag-ontok siya sa sarong kahoy, nagtukaw sa sirong kaini saka nagmawot na magadan. “Tama na Kagurangnan,” an pamibi niya. “Kuahon mo na ako; mas marahay pa sako an magadan!”

Salmo 103:8

Maheherakon an Kagurangnan asin maugayon, maluway sa pag-anggot, mayaman sa pagkamoot.

Salmo 145:8

An Kagurangnan maugayon asin maheherakon, maluya sa pag-anggot asin mayaman sa pagkamoot.

Salmo 78:38

Alagad maheherakon an Dios sa saiyang banwaan. Pinatawad niya an saindang kasalan asin dai niya sinda ginadan. Dakul na beses niyang pinugolan an saiyang kaanggotan, asin dai niya pinukaw an saiyang labi-labing kaanggotan.

Salmo 86:15

Alagad ika, Kagurangnan, sarong Dios na maheherakon asin mamomoton, maluway sa pag-anggot saka mayaman sa danay na pagkamoot asin pagkamaimbod.

Salmo 86:5

Kagurangnan, ika marahay saka mapagpatawad, mayaman sa danay na pagkamoot sa gabos na nag-aapod saimo.

Salmo 90:13

Sagkod nuarin, Kagurangnan, an saimong kaanggotan? Kaheraki an saimong mga sorogoon.

Exodo 32:14

Kaya dai idinagos nin Kagurangnan an saiyang kaisipan na pagtunaw sa saiyang banwaan.

Jeremias 18:8

alagad an nasyon na iyan magtalikod sa saiyang kasalan, dai ko idadagos an sinabi kong gigibohon ko.

Jeremias 20:7

Kagurangnan, dinaya mo ako, asin ako nadaya mo. Mas makosog ka ki sa sako, asin dinaog mo ako. Nagin ngingisihan ako sa bilog na aldaw; pinag-oolog-olog ako kan lambang saro.

Jeremias 26:13

Dapat nindong bagohon an saindong mga gawe asin mga gibo, dangan kuyogon nindo an Kagurangnan na saindong Dios. Kun gibohon nindo iyan, babagohon niya an saiyang desisyon manongod sa paggaba na itinaram niyang dadarahon saindo.

Jeremias 42:10

‘Kun magdanay kamo sa dagang ini, papatindogon ko kamo asin dai rurumpagon; itatanom ko kamo asin dai gagaboton. An karatan na dinara ko saindo nagin dahelan kan dakulang kamondoan ko.

Amos 7:3

Nagbago nin isip an Kagurangnan asin nagsabi, “Dai mangyayari an saimong nahiling.”

Amos 7:6

Nagbago nin isip an Kagurangnan asin nagsabi, “Dai man iyan mangyayari.”

Jonas 1:3

Alagad embes na magduman si Jonas sa Nineve, nagduman siya sa ibong na direksyon tanganing makadulag sa Kagurangnan. Nagduman siya sa Jope, saen nakahiling siya nin sarong barko na mapasiring sa Espanya. Nagbayad siya kan pasahe, dangan nagsakay kaiba an mga tripulante sa pagpasiring sa Espanya, tanganing makadulag sa Kagurangnan.

Jonas 3:10

Nahiling nin Dios an ginibo ninda; kun paano sinda nagtalikod sa maraot nindang gawe. Kaya nagbago siya nin isip asin dai na niya sinda pinadusahan siring sa sinabi niyang gigibohon niya.

Jonas 3:9

Tibaad pa magbago nin isip an Dios; tibaad dai na siya maanggot, asin dai kita magadan!”

Mikas 7:18

Mayo nin ibang dios na arog saimo, Kagurangnan; pinapatawad mo an kasalan kan mga natada sa saimong banwaan. Dai ka naanggot sagkod pa man, kundi nawiwili ka sa pagpahiling sa samo kan saimong danay na pagkamoot.

Lukas 10:29

Alagad, huli ta boot magpakamatanos an lalaki, hinapot niya giraray si Jesus, “Siisay an sakong kapwa?”

Deuteronomio 4:31

An Kagurangnan sarong Dios na maheherakon. Dai niya kamo papabayaan o gagadanon; dai niya lilingawan an tipan na sinumpaan niya sa saindong mga ginikanan.