Jonas 4:11 - Marahay na Bareta Biblia

¹¹ Dai ko man daw dapat na maherakan an Nineve, idtong dakulang syudad, na igwa nin syento beynte mil na inosenteng mga aki, asin dakul na mga hayop?”

Jonas 4:11 Iomraidhean Croise

Genesis 9:10

asin sa gabos na may buhay—sa gabos na gamgam asin hayop—sa gabos na kaibahan nindo na nagruluwas sa arka.

Salmo 104:14

An doot pinapatalubo mo para sa mga baka, an tinanom para sa mga kaipuhan nin tawo, nganing magkaigwa siya nin kakanon hale sa daga,

Salmo 36:6

Arog sa kabukidan nin Dios an saimong katanosan; an saimong mga paghukom arog sa dakulang kairaroman. Tawo asin hayop saimong inaataman.

Isaias 1:18

“Madya, mag-olay kita,” an sabi nin Kagurangnan. “Maski arog kapula sa dugo an saimong mga kasalan magigin maputi iyan siring sa nyebe; maski iyan arog kapula sa purpura, iyan magigin siring sa puting telang lana.

Isaias 37:37

Dangan nagsibog si Senakerib na emperador nin Asiria asin nagbalik sa Nineve.

Isaias 7:16

Alagad bago dumatong an panahon na iyan, mayo nang mag-eerok sa daga kan duwang hade na kinatatakotan mo.

Jonas 1:2

Nagsabi siya, “Magduman ka sa Nineve, idtong dakulang syudad, asin magtaram ka laban sa syudad, huli ta aram ko kun gurano karaot an mga namamanwaan duman.”

Jonas 3:10

Nahiling nin Dios an ginibo ninda; kun paano sinda nagtalikod sa maraot nindang gawe. Kaya nagbago siya nin isip asin dai na niya sinda pinadusahan siring sa sinabi niyang gigibohon niya.

Jonas 4:10

Sinabihan siya nin Kagurangnan, “An tinanom na ini nagtalubo sa laog nin sarong banggi dangan nawara sunod na aldaw; mayo kang ginibo para sa tinanom asin dai mo iyan pinatalubo—alagad pinagmomondoan mo iyan!

Mateo 18:33

Naherak ka man kutana sa kapwa mo sorogoon, siring na ako naherak saimo.’

Deuteronomio 1:39

“Dangan nagtaram an Kagurangnan sa satuya gabos, ‘Makakaabot duman an saradit nindong mga aki, na dai pa nakakaaram kan maraot saka kan marahay, sinda na sinabi nindong mabibihag kan mga kaiwal. Itatao ko sainda an daga asin mag-eerok sinda duman.