Jonas 3:9 - Marahay na Bareta Biblia

⁹ Tibaad pa magbago nin isip an Dios; tibaad dai na siya maanggot, asin dai kita magadan!”

Jonas 3:9 Iomraidhean Croise

2 Samuel 12:22

Nagsimbag si David, “Totoo. Nag-ayuno ako asin nagtangis mantang buhay pa an aki. Naghona akong maheherak sako an Kagurangnan asin dai niya tutugotan na magadan an aki.

Salmo 106:45

Huli sainda giniromdom niya an saiyang tipan; asin sa kadakulaan kan danay niyang pagkamoot, naglumoy an saiyang boot.

Salmo 85:3

Pinugol mo an saimong kaanggotan; pinakulpa mo an labi-labi mong kaanggotan.

Salmo 90:13

Sagkod nuarin, Kagurangnan, an saimong kaanggotan? Kaheraki an saimong mga sorogoon.

Jeremias 26:13

Dapat nindong bagohon an saindong mga gawe asin mga gibo, dangan kuyogon nindo an Kagurangnan na saindong Dios. Kun gibohon nindo iyan, babagohon niya an saiyang desisyon manongod sa paggaba na itinaram niyang dadarahon saindo.

Daniel 4:27

Kaya, Mahal na Hade, sunoda an sakong hatol. Ontoka an saimong pagkakasala, giboha an matanos, asin magin maherakon ka sa dukha. Dangan magpapadagos an saimong kauswagan.”

Amos 5:15

Kaongisan nindo an maraot, kamotan an tama, asin papagdanayon an hustisya sa mga hukoman; tibaad pa maherakan nin Kagurangnan an mga tawo sa nasyon na ini na nagkakaburuhay pa.

Jonas 1:15

Dangan binuhat ninda si Jonas asin itinapok sa dagat; tolos na nagkalma ini.

Jonas 1:6

Nahiling siya duman kan kapitan dangan sinabihan, “Tano ta nagkakatorog ka? Magbangon ka asin mag-apod sa saimong dios! Tibaad maherakan niya kita asin iligtas.”

Jonas 4:2

Kaya namibi siya, “Kagurangnan, bakong sinabi ko na kaidto bago ako nagdigdi na iyo ini an gigibohon mo? Kaya hiningowa kong magdulag pasiring sa Espanya. Aram ko na ika sarong Dios na mamomoton, maheherakon, matinios, maboot, asin danay na andam na magbago nin isip asin dai na magpadusa.

Sofonias 2:3

Magbalik kamo sa Kagurangnan, kamo gabos na mapakumbabang namamanwaan kan daga, na nag-ootob kan saiyang mga pagboot. Giboha nindo an matanos, asin magpakumbaba kamo sa atubang nin Kagurangnan, ta tibaad madulagan nindo an padusa sa aldaw na ipahiling nin Kagurangnan an saiyang kaanggotan.

1 Samuel 6:5

Kaya kaipuhan maggibo kamo nin mga porma kan mga tumor asin kan mga kino na nagraot kan saindong daga, dangan omawon nindo an Dios nin Israel; tibaad paontokon na niya an pagpadusa saindo, sa saindong mga dios asin sa saindong daga.