Jonas 1:9 - Marahay na Bareta Biblia

⁹ Nagsimbag si Jonas, “Hebreyo ako. Nagsasamba ako sa Kagurangnan, an Dios nin langit, an naglalang kan daga asin kan dagat.”

Jonas 1:9 Iomraidhean Croise

Genesis 1:10

An mamarang kadagaan inapod niyang “Daga,” asin an nagkatiripon na katubigan inapod niyang “Dagat.” Nahiling nin Dios na ini marahay.

Genesis 14:13

Alagad igwa nin sarong lalaki na nakadulag, asin an gabos na nangyari inosip niya ki Abram, an Hebreyo na nag-eerok harani sa sagradong mga kahoy ni Mamre na Amorita. Si Mamre asin an saiyang mga tugang na si Escol asin Aner, mga kaapil ni Abram.

Genesis 24:7

An Kagurangnan, an Dios nin langit, na nagdara sako digdi hale sa harong nin sakong ama asin sa dagang namundagan ko, nanuga sako na itatao niya an dagang ini sa sakong mga kapagarakian. Papaenoton niya saimo an saiyang anghel tanganing ikakua mo duman nin agom an aki ko.

Genesis 39:14

inapod niya an mga oripon niya sa harong asin nagsabi, “Hilinga nindo ini! Nagdara digdi sato an agom ko nin sarong Hebreyo na iyo man sana an masopog sato. Linaog niya ako sa sakong kwarto tanganing lupigan, alagad nagkurahaw ako.

2 Mga Hade 17:25

Kan mga naenot na taon nin pag-erok ninda duman, dai sinda nagsamba sa Kagurangnan, kaya an Kagurangnan nagpadara nin mga leon, na guminadan sainda.

2 Mga Hade 17:28

Kaya sarong padi na nabihag ninda hale sa Samaria an nagbalik saka nag-erok sa Betel, saen nagtukdo sa mga tawo kun paano an pagsamba sa Kagurangnan.

Esdras 1:2

“Ini an pagboot ni Ciro, an Emperador nin Persia. An Kagurangnan, an Dios nin langit, iyo an nagtao sako kan gabos na kahadean sa daga, asin pinagbotan niya ako na magtugdok nin sarong templo para saiya duman sa Jerusalem sa Juda.

Esdras 5:11

“Ini an simbag ninda samo, ‘Kami an mga sorogoon kan Dios nin langit asin daga, asin itinutugdok giraray nyamo an Templo na dating itinugdok saka sinamnohan kaidto kan sarong dakulang hade nin Israel.

Nehemias 1:4

Pakadangog ko kaini, nagtukaw ako asin naghibi. Nagkapirang aldaw akong nagmondo saka nag-ayuno. Nagpamibi ako sa Dios,

Nehemias 2:4

Hinapot ako kan hade, “Ano an boot mo?” Namibi ako sa Dios nin langit,

Nehemias 9:6

Dangan an banwaan nin Israel namibi nin siring: “Kagurangnan, ika sana an Kagurangnan; linalang mo an kalangitan asin an mga bitoon sa kaitaasan. Linalang mo an daga saka an dagat, asin an gabos na yaon diyan; ika an nagtao nin buhay sa gabos. An langitnon na hukbo nagsasamba saimo.

An Libro ni Job 1:9

Nagsimbag si Satanas, “Magsasamba daw si Job saimo kun mayo siyang nakukuang pakinabang diyan?

Salmo 136:26

Magpasalamat kamo sa Dios nin langit; an saiyang pagkamoot mayo nin kataposan.

Exodo 1:15

Dangan sinabihan kan hade si Sifra asin si Pua, mga parterang nagpapaaki sa mga babaeng Hebreyo.

Exodo 2:13

Sunod na aldaw, nagbalik siya asin nahiling niyang nag-iiwal an duwang Hebreyo. Hinapot niya an may sala, “Tadaw ta kinukulog mo an kapwa mo Hebreyo?”

Daniel 2:44

Sa panahon kan mga pamayong idto, matugdok an Dios nin langit nin sarong kahadean na daing kataposan. Dai nanggad iyan masasakop, alagad pupuhoon kaiyan an gabos na imperyo, asin magdadanay iyan sagkod lamang.

Oseas 3:5

Alagad madatong an panahon na an banwaan nin Israel mabalik sa Kagurangnan na saindang Dios asin sa sarong kapagarakian ni David na saindang hade. Dangan magkakaigwa sinda nin takot sa Kagurangnan asin maako sinda kan saiyang marahay na mga regalo.

Mga Gibo 14:15

“Mga tugang, tadaw ta ginigibo nindo ini? Mga tawo man kami arog nindo! An katuyohan mi digdi iyo an pagtukdo saindo kan Marahay na Bareta, tanganing bayaan nindo an mga bagay na ini na mayo nin halaga, dangan magsunod kamo sa Dios na buhay na naglalang kan langit, daga, dagat, asin kan gabos na yaon diyan.

Mga Gibo 27:23

Huli ta kasubanggi may nagpahiling sakong sarong anghel na sinugo nin Dios na sinasamba ko asin pinaglilingkodan.

Filipos 3:5

Sinerkomsisyon ako kan an edad ko saro pa sanang semana. Namundag akong Israelita, gikan sa tribu ni Benjamin, sarong tunay na Hebreyo. Kun dapit sa pag-otob kan Katogonan kan mga Judio, saro akong Fariseo.

Kapahayagan 11:13

Kan oras man sanang iyan naglinog nin makosog asin narumpag an ikasampolong kabtang kan syudad; pitong ribo katawo an nagadan. Sa makuring takot kan mga natadang buhay, inomaw ninda an Dios nin langit.

Kapahayagan 15:4

Siisay an dai matatakot saimo, Kagurangnan? Siisay an dai maomaw kan saimong ngaran? Huli ta ika sana an banal. Gabos na nasyon madolok saka masamba saimo, huli ta an mga matanos mong gibo nahihiling kan gabos.”

Kapahayagan 16:11

Minuda ninda an Dios sa kalangitan huli kan saindang tinios na kulog saka mga gatok; alagad dai sinda nagbaya sa maraot nindang mga gibo.