Joel 3:9 - Marahay na Bareta Biblia

⁹ “Ipahayag nindo ini sa mga nasyon: ‘Pag-andam para sa gera; apoda an saindong mga paralaban; tipona an gabos nindong soldados dangan lakaw na!

Joel 3:9 Iomraidhean Croise

Salmo 96:10

Sabihan nindo an gabos na nasyon, “Hade an Kagurangnan! An kinaban, masarig na pinamugtak asin dai nanggad mahihiro; matanos niyang huhukoman an mga banwaan.”

Isaias 34:1

Madya, mga namamanwaan sa gabos na nasyon! Magtiripon kamo asin magdangog. Magdangog an bilog na kinaban asin an gabos na nag-eerok diyan.

Jeremias 31:10

Nagtataram an Kagurangnan, “Mga nasyon, maghinanyog kamo sako saka ipahayag nindo an sakong mga tataramon sa hararayong baybayon. Iwinarak ko an sakong banwaan, alagad titiponon ko sinda saka babantayan arog kan pagbantay kan pastor sa saiyang mga karnero.

Jeremias 50:2

“Ipahayag mo an bareta sa mga nasyon! Ipaisi mo! Pumatindog ka nin bandera asin ibalangibog mo an bareta! Dai mo iyan pagtagoon! Nagbagsak na an Babilon! Ronot na an saiyang dios-dios na si Marduk! Pinasopog an mga dios-dios nin Babilon; nagkaparasa an makauuyam niyang mga ladawan!

Jeremias 51:11

Sinutsutan nin Kagurangnan an mga hade nin Media huli ta boot niyang raoton an Babilonia. Iyan an gigibohon niyang pagbalos huli sa pagkarumpag kan saiyang Templo. Nagboboot an nagsasalakay na mga opisyal, “Pataromon nindo an saindong mga bosog! Andama an saindong mga kalasag!

Jeremias 51:27

“Iitaas nindo an bandera sa pagsalakay! Patanogon nindo an trompeta tanganing madangog kan mga nasyon. Paandama an mga nasyon sa pakigera laban sa Babilonia! Taraman nindo an mga kahadean nin Ararat, Minni asin Askenaz na magsalakay laban saiya. Pumili kamo nin opisyal na mangengenot sa pagsalakay. Magpadara kamo nin mga kabayo na arog kadakul sa mga lokton.

Jeremias 6:4

Masabi sinda, “Mag-andam kita sa pagsalakay sa Jerusalem! Pag-andam, asin pagkaodto salakayon ta sinda!” Alagad masabi sindang bigla, “Mayo na kita nin panahon. Nagsosolnop na an aldaw asin nagdidiklom na.

Ezekiel 38:17

Ika an sinasabi ko kaidto, kan ipahayag ko sa paagi kan mga propeta nin Israel na sakuyang mga sorogoon, na sa maabot na aldaw dadarahon ko an sarong masalakay sa Israel.” An Kagurangnan Dios an nagtaram.

Ezekiel 38:7

Sabihan mo si Gog na mag-andam asin na andamon man niya an gabos na hukbong sakop niya.

Mikas 3:5

Dinaya an sakong banwaan kan mga propetang nanunuga nin katoninongan sa mga nakakabayad sainda, alagad nagpapahayag sainda nin gera sa mga dai nakakabayad. An Kagurangnan nagsasabi sa mga propetang ini,

Hageo 2:7

Tatanyogon ko an gabos na nasyon, tanganing madara digdi an saindang mga kayamanan asin mapano kaiyan an Templo.

Zacarias 14:2

Titiponon nin Kagurangnan an gabos na nasyon tanganing labanan an Jerusalem. Masasakop an syudad, sasamsaman an mga harong, asin lulupigan an kababaehan. Itatapok an kabanga kan mga tawo, alagad dai bibihagon an kabanga sainda.

Zacarias 14:3

Dangan maluwas an Kagurangnan asin makikilaban sa mga nasyon, arog kan pakilaban niya kaidtong panahon.