Joel 3:5 - Marahay na Bareta Biblia

⁵ Kinua nindo an sakong plata saka bulawan dangan an sakong kayamanan dinara nindo sa saindong mga templo.

Joel 3:5 Iomraidhean Croise

2 Mga Hade 12:18

kinua ni Hadeng Joas nin Juda an gabos na dolot na itinalaga sa Kagurangnan ni Jehosafat, Jehoram, asin Ahazias, an mga hadeng naenot saiya. Kinua man niya an sadiri niyang mga dolot asin an gabos na bulawan sa kaban nin yaman duman sa Templo saka sa palasyo, dangan ipinadara gabos ki Hadeng Hazael. Kaya dai na sinalakay ni Hadeng Hazael an Jerusalem.

2 Mga Hade 16:8

Kinua ni Ahaz an plata saka bulawan sa Templo asin sa kaban nin yaman sa palasyo dangan irinegalo sa emperador nin Asiria.

2 Mga Hade 24:13

asin dinara sa Babilonia an gabos na kayamanan sa Templo saka sa palasyo. Siring kan ipinahayag kaidto nin Kagurangnan, pinarasa ni Nebukadnezzar an bulawan na mga kagamitan sa Templo na ipinagibo ni Hadeng Solomon.

Isaias 11:11

Sa aldaw na iyan, gagamiton giraray nin Kagurangnan an saiyang kapangyarihan asin ipupuli an mga natada kan saiyang banwaan hale sa Asiria, Egipto, Patros, Etiopia, Elam, Babilonia, Hamath, asin sa mga baybayon kan dagat.

Jeremias 23:7

“Maabot an panahon”, an sabi nin Kagurangnan, “na an mga tawo dai na manunumpa huli sako bilang an buhay na Dios na nagluwas kan banwaan nin Israel hale sa daga nin Egipto.

Jeremias 50:28

May mga tawong nagdurulag hale sa Babilonia saka nakaabot sa Jerusalem, asin inosip ninda an pagbalos na ginibo nin Kagurangnan na satong Dios sa Babilonia huli kan ginibo kaini sa saiyang Templo.)

Jeremias 51:11

Sinutsutan nin Kagurangnan an mga hade nin Media huli ta boot niyang raoton an Babilonia. Iyan an gigibohon niyang pagbalos huli sa pagkarumpag kan saiyang Templo. Nagboboot an nagsasalakay na mga opisyal, “Pataromon nindo an saindong mga bosog! Andama an saindong mga kalasag!

Ezekiel 37:12

Kaya magpropesiya ka sa sakuyang banwaan nin Israel asin sabihan mo sinda na ini an tataramon ko, an Kagurangnan Dios: Bubukasan ko an saindang mga lulubngan. Iluluwas ko sinda asin ibabalik sa daga nin Israel.

Daniel 11:38

Mayo siya nin oomawon kundi an dios na nag-aataman kan mga bantayan. Madolot siya digdi nin mga bulawan, plata, alahas, asin mamahalon na regalo; dodolotan niya an sarong dios na dai nanggad sinamba kan saiyang mga ginikanan.

Obadias 1:17

“Alagad may nagkapirang makakadulag pasiring sa Bukid nin Sion, asin iyan magigin sarong banal na lugar. Masasadirihan giraray kan banwaan ni Jacob an daga na talagang pagsadiri ninda.