Joel 3:4 - Marahay na Bareta Biblia

⁴ “Ano an ginigibo mo sako, Tiro, Sidon, asin gabos na rehiyon nin Filistia? Boot nindo akong baloson? Kun nagbabalos kamo, babaloson ko tolos kamo!

Joel 3:4 Iomraidhean Croise

2 Mga Cronica 21:16

Pinasabongan nin Kagurangnan na maanggot ki Jehoram an mga Filisteo saka mga Arab na nag-eerok sa lugar na harani sa mga taga Etiopia.

Isaias 14:29

Mga Filisteo, dai kamo mag-ogma huli ta nabari an sugkod na panhampak saindo. Huli ta kun nagagadan an sarong halas, may sarong rimoranon na minasalihid kaiyan. An sugok nin sarong halas nahihimsa na sarong dragon.

Isaias 34:8

Iyo ini an panahon na ililigtas nin Kagurangnan an Sion asin mabalos siya sa saiyang mga kaiwal.

Isaias 59:18

Papadusahan niya an saiyang mga kaiwal sosog sa saindang ginibo, maski idtong mga nag-eerok sa harayong mga daga.

Jeremias 47:1

Bago sinalakay kan hade nin Egipto an Gaza, nagtaram sako an Kagurangnan manongod sa mga Filisteo.

Jeremias 47:4

Nag-abot na an panahon kan paggadan sa mga Filisteo, tanganing mahale an natatadang mga katabang kan Tiro saka Sidon. Ako, an Kagurangnan, an magadan sa mga Filisteo, na gabos hale sa mga baybayon nin Creta.

Jeremias 51:6

Maghale kamo sa Babilonia! Iligtas nindo an sadiri nindong buhay! Dai nindo ipahamak an saindong sadiri nin huli kan kasalan kan Babilonia. Binabalos ko siya ngunyan asin pinapadusahan kan maninigo saiya.

Joel 2:10

Tinatakigan an daga mantang nagdadangadang sinda; minakobog-kobog an kalangitan. Minadiklom an aldaw saka an bulan, asin dai minaliwanag an mga bitoon.

Joel 2:2

Sarong aldaw iyan nin kadikloman asin kamondoan, sarong mapongaw na aldaw saka mahibog na kadikloman! Nagdadangadang an dakulang hukbo nin mga doron arog sa kadikloman na naglalakop sa ibabaw nin kabukidan. Dai pa nin nangyaring arog kaiyan, asin ngapit, dai na mangyayari iyan.

Mateo 11:21

Nagsabi siya, “Herak man saimo, Corazin! Herak man saimo, Betsaida! Huli ta kun an mga milagrong ginibo diyan saindo ginibo sa Tiro saka sa Sidon, haloy na kutanang nagsulot nin sako asin nagtukaw sa abo an mga tawo duman sa pagpahiling na sinda nagbakle.

Mateo 11:22

Kaya sinasabihan ko kamo, sa Aldaw nin Paghukom mas magian an padusang itatao sa mga taga Tiro asin Sidon ki sa saindo!

Lukas 10:13

“Herak man saimo, Corazin! Herak man saimo, Betsaida! Huli ta kun an mga milagrong ginibo diyan saindo ginibo sa Tiro saka sa Sidon, haloy na kutanang nagsulot nin sako asin nagtukaw sa abo an mga tawo duman sa pagpahiling na sinda nagbakle!

Lukas 10:14

Kaya sa Aldaw nin Paghukom mas magian an padusang itatao sa mga taga Tiro asin Sidon ki sa saindo.

Lukas 18:7

Dai daw itatao nin Dios an katanosan sa saiyang mga pinili na nag-aagrangay saiya aldaw-banggi? Mag-aabala daw siya sa pagtabang sainda?

Mga Gibo 9:4

Nahulog siya sa kabayo asin nadangog niya an sarong tingog na nagsasabi saiya, “Saulo, Saulo! Tadaw ta pinapasakitan mo ako?”

Deuteronomio 32:35

An Kagurangnan an mabalos asin mapadusa sainda; maabot an panahon nin saindang pagkapadungkal; harani na an panahon nin saindang pagkagadan.

2 Tesalonica 1:6

Gigibohon nin Dios an tama; papasakitan niya an mga nagpapasakit saindo.

Hukom 11:12

Dangan nagpadara si Jefta nin mga sugo sa hade kan mga Ammonita tanganing magsabi, “Tano ta kinakalaban nindo kami? Tano ta luminaog kamo sa sakong daga?”