Joel 3:3 - Marahay na Bareta Biblia

³ Nagripa sinda tanganing aramon kun kiisay mapapaduman an mga bihag. Ipinabakal ninda bilang mga oripon an hoben pang mga lalaki saka mga babae tanganing magkaigwa nin pambayad para sa maraot na mga babae saka arak.

Joel 3:3 Iomraidhean Croise

An Libro ni Job 6:27

Riniripahan pa nindo an mga oripon na ilo asin nagpapayaman kamo huli sa saindong mga katood!

Ezekiel 27:13

Nakipagnegosyo saimo an Grecia, Tubal, asin Mesek. An mga produkto mo rinibayan ninda nin mga oripon saka mga kagamitan na gibo sa bronse.

Joel 1:5

Pagmata kamo asin pagtangis, kamong mga paraburat; paghibi, kamong mga parainom nin arak; raot na an mga ubas na gigibohon na bagong arak.

Amos 2:6

Nagtataram an Kagurangnan, “Paulit-ulit na nagkasala an mga Israelita, asin huli kaiyan, papadusahan ko sinda. Ipinapabakal ninda sa kaoripnan an mga tawong matanos na dai nakakabayad kan saindang utang, mga dukhang dai nakakabayad maski kan halaga nin sarong pades nin sandalyas.

Obadias 1:11

Naghiling ka sana kan laogon nin mga dayuhan an saindang mga trangkahan. Maraot ka siring kan mga dayuhan na nagsamsam kan mga kayamanan nin Jerusalem, dangan nagparanga kaiyan.

Nahum 3:10

Alagad ipinatapok an mga taga Tebes. Sa lambang kanto kan mga tinampo hinampak an saindang mga aki sagkod na magadan. An saindang ginagalangan na mga lalaki nakakadenahan na dinara dangan pinagripahan kan mga nakabihag sainda.

Kapahayagan 18:13

kanela, rekado, kamangyan, mira saka insenso; arak, lana, arina saka trigo; mga baka, mga karnero, mga kabayo saka mga karwahe; mga oripon asin mga tawong ipinapabakal.