Joel 3:12 - Marahay na Bareta Biblia

¹² “Kaipuhan mag-andam an mga nasyon asin magduman sa Kapantayan nin Paghukom. Duman ako, an Kagurangnan, matukaw sa paghukom kan gabos na nasyon sa palibot.

Joel 3:12 Iomraidhean Croise

2 Mga Cronica 20:26

Kan ikaapat na aldaw, nagtiripon sinda sa Kapantayan nin Beraca dangan nag-omaw sa Kagurangnan; kaya sagkod ngunyan an lugar na idto inaapod “Beraca”.

Salmo 7:6

Sa kaanggotan, bumangon ka, Kagurangnan! Atubangon mo an kaanggotan kan sakong mga kalaban; pagmata, Dios ko, mawot mo an katanosan.

Salmo 96:13

sa atubang nin Kagurangnan, huli ta siya minadatong, huli ta siya minadatong tanganing hukoman an daga. Huhukoman niya an kinaban sa katanosan, asin an mga banwaan, sa saiyang katotoohan.

Salmo 98:9

huli ta madatong siya tanganing maghukom sa daga. Maghuhukom sa mga banwaan nin kinaban sa katanosan asin sa katotoohan.

Isaias 2:4

Huhukoman niya an darakulang nasyon. Pupulpogon ninda an saindang mga espada na magin mga arado, asin an saindang mga garod na magin mga pantakras na kutsilyo; mayo nang nasyon na magamit nin espada laban sa kapwa ninda nasyon. Dai na sinda mag-aandam sa pakilaban sagkod pa man.

Isaias 22:1

Iyo ini an mensahe dapit sa Kapantayan nin Bisyon. Ano an nangyayari? Tadaw ta nagseselebrar an gabos na tawo sa atop kan saindang mga harong?

Isaias 3:13

Andam an Kagurangnan sa pagpahayag kan saiyang kaso; nagtitindog siya sa paghukom sa saiyang banwaan.

Ezekiel 30:3

Harani na an aldaw, an aldaw na may gigibohon an Kagurangnan. Sarong aldaw nin mga panganoron saka mga kapahamakan para sa mga nasyon.

Ezekiel 39:11

Nagtaram an Kagurangnan, “Kun mangyari na an gabos na ini, tatawan ko si Gog nin lulubngan sa Israel, sa Kapantayan nin mga Parabyahe, na nasa sirangan kan Gadan na Dagat. Duman ilulubong si Gog asin an saiyang hukbo, dangan an kapantayan aapodon ‘Kapantayan nin Hamon-gog.’

Joel 3:14

Ribo-ribo an yaon sa Kapantayan nin Paghukom. Madali nang mag-abot duman an aldaw nin Kagurangnan.

Joel 3:2

Titiponon ko an gabos na nasyon asin dadarahon ko sinda sa Kapantayan nin Paghukom. Huhukoman ko sinda duman huli kan gabos na ginibo ninda sa sakong banwaan. Iwinarak ninda an mga Israelita sa dayuhan na mga nasyon asin binanga ninda an Israel, an sakong daga.

Mikas 4:3

Siya an mahukom sa mga tawo, sa mapangyaring mga nasyon harani man o harayo. Pupulpogon ninda an saindang mga espada tanganing magin mga arado asin an saindang mga garod tanganing magin mga pantakras na kutsilyo. Dai na nanggad sinda mag-aandam para sa pakikilaban.

Zacarias 14:4

Sa panahon na iyan, matindog siya sa Bukid nin mga Oliba, sa parteng sirangan kan Jerusalem. Dangan mababanga sa duwang kabtang an Bukid nin Oliba, magpoon sa sirangan sagkod sa solnopan huli sa sarong dakulang kapantayan. Mapapaduman sa amihan an kabanga kan bukid, asin sa habagat an kabanga.

Kapahayagan 19:11

Dangan nahiling kong nagbukas an langit, asin nahiling ko duman an sarong puting kabayo. An nangangabayo kaiyan inaapod na Maimbod saka Totoo, huli ta matanos an saiyang paghukom saka pakipaglaban.