Joel 3:1 - Marahay na Bareta Biblia

¹ An Kagurangnan nagtataram, “Sa panahon na iyan ibabalik ko an kauswagan nin Juda saka Jerusalem.

Joel 3:1 Iomraidhean Croise

Salmo 14:7

Dumatong logod hale sa Sion an kaligtasan nin Israel! Kun ibalik na nin Kagurangnan an yaman kan saiyang banwaan, mag-oogma si Jacob, mag-oogma an Israel.

Salmo 85:1

Kagurangnan, naherakan mo an saimong daga; ibinalik mo an mga kayamanan ni Jacob.

Mga Talinhaga 1:23

Kun hinanyogon nindo an sakong pagsagwe, itatao ko saindo an marahay na hatol asin ihihiras ko saindo an sakong naaaraman.

Isaias 44:3

“Tatawan ko nin tubig an napapahang daga asin papabuloson ko an mga salog sa mamarang daga. Iwawaras ko an sakong espiritu sa saimong kaakian asin an sakong biyaya sa saimong kapagarakian.

Jeremias 16:15

Embes kaiyan, manunumpa sinda huli sako bilang buhay na Dios na nagluwas sa banwaan nin Israel hale sa sarong daga sa amihan, asin hale sa gabos na nasyon na winarakan ko sainda. Ibabalik ko sinda giraray sa sadiri nindang daga, na itinao ko sa saindang mga ginikanan. Ako, an Kagurangnan, an nagtaram.”

Jeremias 29:14

Makukua nanggad nindo ako, asin ibabalik ko saindo an saindong mga kayamanan. Titiponon ko kamo hale sa gabos na nasyon saka mga lugar na inalawan ko saindo, dangan ibabalik sa lugar na pinaghalean nindo bago kamo itinapok. Ako, an Kagurangnan, an nagtaram.’

Jeremias 30:18

Nagtataram an Kagurangnan, “Ibabalik ko an sakong banwaan sa saindang daga saka maheherakan ko an lambang pamilya; papatindogon giraray an Jerusalem asin an palasyo ibabalik sa dating lugar.

Jeremias 30:3

huli ta nagdadangadang na an aldaw na ibabalik ko an banwaan ko, an Israel asin an Juda, saka an saindang kayamanan. Ibabalik ko sinda sa daga na itinao ko sa mga ginikanan ninda, asin masasadirihan ninda giraray iyan. Ako, an Kagurangnan, an nagtaram.”

Ezekiel 16:53

Tinaraman nin Kagurangnan an Jerusalem, “Papauswagon ko giraray sinda—an Sodoma saka an saiyang mga baryo, asin an Samaria saka an saiyang mga baryo. Ika man, papauswagon ko giraray.

Ezekiel 39:25

Nagtaram an Kagurangnan Dios, “Alagad ngunyan maheherak ako sa kapagarakian ni Jacob, sa banwaan nin Israel, asin papauswagon ko giraray sinda. Iingatan ko an banal kong ngaran.

Daniel 12:1

Nagtaram an anghel na nakagubing nin lino, “Sa panahon na iyan matunga an dakulang anghel, si Miguel, an anghel na nagsusurog kan saimong banwaan. Dangan magkakaigwa nin kasakitan, na dai pa lamang nangyari magpoon kan magkaigwa nin mga nasyon. Pag-abot kan panahon na iyan, an gabos na tawong an ngaran nasusurat sa libro nin Dios maliligtas.

Joel 2:29

Sa panahon na iyan, papahiligon ko an sakong espiritu maski sa mga oripon, lalaki man o babae.

Amos 9:14

Ibabalik ko an sakong banwaan sa saindang daga. Hihirahayon ninda an nagkararaot nindang syudad asin mag-eerok sinda duman; matanom sinda nin mga ubas asin iinomon ninda an arak; matanom sinda sa mga tatamnan patin makakan kan bunga kaiyan.

Mga Bilang 11:29

Nagsimbag si Moises, “Nagmamakulog ka daw sako? Tawan logod nin Kagurangnan kan saiyang espiritu an gabos na tawo asin gibohon na propeta sinda gabos!”

Mga Bilang 12:6

dangan nagtaram an Kagurangnan, “Dangoga nindo an sakong itataram! Kun may mga propeta saindo, minapahiling ako sainda sa mga bisyon, asin kinakaolay ko sinda sa mga pangatorogan.

Deuteronomio 30:3

ibabalik saindo nin Kagurangnan an marahay na palad saka maheherak siya saindo. Titiponon niya giraray kamo hale sa mga nasyon na pinagwarakan niya saindo.