Joel 2:30 - Marahay na Bareta Biblia

³⁰ “Matao ako nin mga patanid dapit sa aldaw na iyan sa kalangitan asin sa daga: dugo, kalayo saka mahibog na aso.

Joel 2:30 Iomraidhean Croise

Genesis 19:28

Nagdungaw siya sa Sodoma saka sa Gomorra patin sa bilog na kapantayan asin nahiling niya an aso na nag-iitaas hale sa daga, siring sa aso na gikan sa sarong dakulang horno.

Awit nin mga Awit 3:6

Ano ining nagdadangadang hale sa kalangtadan na arog sa sarong hariging aso, na namamarong nin insenso asin mira, an insensong ipinapabakal kan mga negosyante?

Jeremias 4:28

Magmomondo an daga; magdidiklom an kalangitan. Nagtaram an Kagurangnan asin dai magbabago an saiyang isip. Nakapagdesisyon na siya asin dai siya masibog.

Zacarias 14:6

Pag-abot kan panahon na iyan, dai na magkakaigwa nin lipot o yelo,

Mateo 24:29

“Pakatapos tolos kan kasakitan sa panahon na iyan, madiklom an aldaw, dai na maliwanag an bulan, mahuhulog an mga bitoon, asin magkakayorogyog an mga planeta sa kaawagan nin langit.

Lukas 21:11

malinog nin makosog, asin magkakaigwa nin gutom saka peste sa manlaen-laen na lugar; magkakaigwa nin makangingirhat saka darakulang tanda hale sa kalangitan.

Josue 8:20

Kan magsalingoy an mga taga Ai, nahiling ninda an aso na nag-iitaas. Dai na sindang madudulagan, huli ta an mga Israelita na nagdurulag pasiring sa desyerto nagbaralik gabos tanganing labanan sinda.

Kapahayagan 18:18

kan mahiling ninda an aso kan saiyang pagkasulo, nagkurahaw sinda, “Mayo pa nin syudad na arog kadakula kan syudad na iyan!”

Kapahayagan 18:9

Pagtatangisan asin paghahayaan siya kan mga hade sa kinaban na nakipagdorogan saiya asin nagpalabi sa kaibahan niya, kun mahiling ninda an aso nin saiyang pagkasulo.

Kapahayagan 8:7

Pinatanog kan enot na anghel an saiyang trompeta. Nag-uran sa daga nin yelo saka kalayong may kasalak na dugo. Nasulo an ikatolong kabtang kan daga, an ikatolong kabtang kan mga kahoy saka an gabos na berdeng doot.

Hukom 20:38

Nagkasinabotan an kadaklan kan hukbo nin Israel asin an mga nagtaragong soldados. Sa oras na nahiling kan mga Israelita na yaon duman sa kahiwasan an mahibog na aso na nag-iitaas sa syudad,

Hukom 20:40

Dangan nagtunga an tanda; nagpoon mag-itaas an aso hale sa syudad. Nagsalingoy an mga Benjaminita asin nagngalas sinda pakahiling na nagkakalayo an bilog na syudad.