Joel 2:3 - Marahay na Bareta Biblia

³ Arog sa kalayo, kinakakan ninda an mga tinanom. An daga sa atubang ninda nakakaagid sa Tatamnan nin Eden, alagad saindang binabayaan na garo mayong tanom na kalangtadan. Mayo nin nakakadulag sa sainda.

Joel 2:3 Iomraidhean Croise

Genesis 13:10

Nangalagkalag si Lot asin nahiling niya na mayaman sa tubig an bilog na Kapantayan nin Jordan sagkod sa Zoar, arog kan tatamnan kan Kagurangnan o arog kan daga nin Egipto. (Ini an kamugtakan kan daga bago tunawon nin Kagurangnan an Sodoma asin an Gomorra.)

Genesis 2:8

Dangan nagbugtak an Kagurangnan Dios nin sarong tatamnan sa Eden sa parteng sirangan, asin duman niya ibinugtak an tawo na saiyang ginibo.

Salmo 50:3

Nagdadangadang an samong Dios, dai nag-aalo; sa atubangan niya, nanghahalon na kalayo; sa palibot niya, sarong makosog na bagyo.

Salmo 97:3

Kalayo an nangengenot sa atubang niya asin sinusulo an saiyang mga kaiwal sa palibot niya.

Exodo 10:15

Nangitom an daga huli sa doron. Inubos kaini an gabos na tinanom asin an gabos na prutas kan mga kahoy na natada kan uran nin yelo. Mayong nawalat maski sarong dahon sa arin man na kahoy o tinanom sa bilog na daga nin Egipto.

Exodo 10:5

Huli sa kadakulan, matatahoban ninda an daga. Kakakanon ninda an gabos na dai naraot kan yelo, sagkod an nagkataradang mga kahoy.

Isaias 14:17

Bakong rinaot niya an mga syudad, asin ginibong kalangtadan an kinaban? Bakong iyo ini an dai nanggad nagpatalingkas nin mga bilanggo o nagpapuli sa sainda?”

Isaias 15:6

Mamara na an Sapa nin Nimrim; alang na an doot sa harani kaiyan, asin mayo nang berdeng natada.

Isaias 33:4

asin an saindang mga pagsadiri tinitipon dangan sinasamsam.

Isaias 51:3

“Maheherakan ko an Jerusalem, an gabos na nag-eerok sa mga raot na lugar kaiyan. Maski saro nang desyerto an saiyang daga, gigibohon ko iyan na sarong tatamnan, siring sa tatamnan na ibinugtak ko sa Eden. Makukua diyan an kaogmahan saka an kagayagayahan, an mga pasasalamat sako saka an mga awit nin pag-omaw.

Isaias 9:18

An karatan kan mga tawo naglalaad siring sa kalayo na nakakatutong sa mga binit saka mga tonok. Naglalaad iyan siring sa sarong kalayo sa kadlagan na nagpapaturon nin mahibog na aso.

Isaias 9:19

Huli ta anggot an Kagurangnan nin mga hukbo, an padusa niya maglalaad siring sa kalayo na matutong kan daga asin magadan sa mga tawo; kaya an lambang saro dai maheherak maski sa saiyang tugang.

Jeremias 5:17

Uuboson ninda an mga inani asin pagkakan nindo. Gagadanon ninda an saindong mga aki. Uuboson ninda an saindong mga karnero saka mga baka, dangan raraoton an saindong mga ubasan saka mga kahoy na higera. An mga pinapusog na syudad na sinasarigan nindo rurumpagon kan saindang mga soldados.

Ezekiel 36:35

Dangan mataram sinda, ‘An dagang ini na alang kaidto arog na ngunyan sa tatamnan nin Eden; an mga syudad na ginaraba, sinamsaman, mamondo, pinag-eerokan na ngunyan asin pinapapusog.’

Amos 7:4

Nagkaigwa pa ako nin sarong bisyon hale sa Kagurangnan Dios. Sa bisyon na iyan nahiling kong nag-aandam siya sa pagpadusa kan saiyang banwaan sa paagi nin kalayo. An dakulang dagat sa irarom kan daga nagmara huli sa init kan kalayo asin nasulo na an daga.

Habakkuk 1:6

Gigibohon kong magin mapangyari an mga taga Babilonia, an maringis saka dai napapamugtak na banwaan. Naglalakaw sinda sa kahiwasan kan daga tanganing sakopon an ibang nasyon.

Zacarias 7:14

Arog sa sarong bagyo, ipinalid ko sinda sa harayo tanganing mag-erok sinda sa mga dayuhan na daga. Nagin sarong mamondong lugar an marahay na dagang ini, na mayo nin nag-eerok.”