Joel 2:21 - Marahay na Bareta Biblia

²¹ “Kaomahan, dai kamo matakot, kundi magin magayagaya saka maogma huli kan gabos na ginibo nin Kagurangnan para saindo.

Joel 2:21 Iomraidhean Croise

Genesis 15:1

Pakatapos kan mga pangyayaring ini, nagtaram an Kagurangnan ki Abram sa sarong bisyon, “Dai ka matakot, Abram. Ako an saimong kalasag; dakula nin marahay an saimong magigin premyo.”

Salmo 71:19

An saimong katanosan, O Dios, nakakaabot sa kalangitan. Mga dakulang ngangalasan an saimong ginibo; mayo nin arog saimo.

Salmo 98:8

Pumarakpak an mga katubigan; sabay na mag-arawit sa kaogmahan an kabubuldan sa atubang nin Kagurangnan,

Isaias 35:1

Mag-oogma an desyerto, asin mamumurak an kalangtadan.

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Isaias 44:23

Pagkurahaw sa kaogmahan, o kalangitan! Pagkurahaw, o hararom na mga lugar kan daga! Pagkurahaw sa kaogmahan, o kabukidan, asin lambang kahoy kan kadlagan! Ipinahiling nin Kagurangnan an saiyang kadakulaan sa pagligtas kan saiyang banwaan na Israel.

Isaias 54:4

Dai ka matakot—dai ka na masosopgan giraray; dai ka na mawawaraan nin onra. Malilingawan mo nang dai ka nagin maimbod sa agom kan ika hoben pa. Malilingawan mo an makuring kapongawan bilang sarong balo.

Isaias 55:12

“May kaogmahan kamong mahale sa Babilon; matoninong kamong papangenotan paluwas sa syudad. Mag-aarawit an kabukidan saka an kabubuldan, asin magkukurahaw an mga kahoy sa kaogmahan.

Jeremias 33:3

“Apoda ako, asin sisimbagon taka; ipapahayag ko saimo an dakula saka hilom na mga bagay na dai mo pa naaaraman.

Oseas 2:21

Sa panahon na iyan sisimbagon ko an mga pamibi kan sakong banwaan na Israel. Pahuhugpaon ko an uran sa daga dangan mamumunga iyan nin trigo, ubas asin oliba.

Joel 2:20

Hahaleon ko an hukbo nin mga doron na nag-abot hale sa amihan dangan aalawon ko an iba sa sainda pasiring sa desyerto. An mga nangengenot sainda mapapaduman sa Gadan na Dagat, an mga nasa hurihan mapapaduman sa Mediteraneo. Duman sinda magagadan saka mabata. Gagadanon ko sinda huli kan gabos nindang ginibo sa saindo.

Joel 2:26

Ngunyan magkakaigwa na kamo nin dakul na pagkakan, asin mababasog kamo. Oomawon nindo an Kagurangnan na saindong Dios, na naggibo para saindo kan mga makangangalas na mga bagay. Dai na nanggad pagtutuyatuyaon an sakong banwaan.

Zacarias 8:15

Alagad ngunyan pinaplano kong bendisyonan an banwaan nin Jerusalem asin Juda. Kaya dai kamo matakot.

Deuteronomio 4:32

“Siyasaton nindo an nakaaging panahon, bago kamo namundag, poon kan lalangon nin Dios an tawo sa ibabaw nin daga; siyasaton nindo an bilog na kinaban. Nangyari na daw o nadangog na daw an dakulang ngangalasan na arog kaini?

1 Samuel 12:16

Kaya tindog kamo nin husay, asin mahihiling nindo an dakulang bagay na gigibohon nin Kagurangnan.

1 Samuel 12:24

Matakot kamo sa Kagurangnan asin maimbod na paglingkodan nindo siya sa bilog nindong puso. Giromdoma nindo an darakulang mga bagay na ginibo niya para saindo.