Joel 2:13 - Marahay na Bareta Biblia

¹³ Magbakle kamo nin tudok sa saindong puso, asin bakong huli sa paggisi kan saindong gubing.” Magbalik kamo sa Kagurangnan na saindong Dios. Mahuyo siya asin maheherakon; matinios siya saka nag-ootob kan saiyang mga panuga; danay siyang andam sa pagpatawad asin bakong sa pagpadusa.

Joel 2:13 Iomraidhean Croise

Genesis 37:29

Kan balikan ni Ruben an bubon asin nahiling na mayo na duman si Jose, ginisi niya an saiyang gubing sa kamondoan.

Genesis 37:34

Dangan ginisi ni Jacob an saiyang gubing sa kamondoan asin nagsulot siya nin sako; haloy niyang pinagmondoan an kagadanan kan saiyang aki.

2 Samuel 1:11

Sa kamondoan, ginisi ni David an saiyang gubing; siring man an ginibo kan saiyang mga tawohan.

1 Mga Hade 21:27

Kan madangog ni Ahab an mga sinabi ni Elias, ginisi niya an saiyang gubing saka nagsulot nin sako. Nag-ayuno siya, nagkatorog na sulot an sako asin naglakaw na mamondo nin makuri.

2 Mga Hade 22:11

Kan madangog kan hade an nasusurat sa libro, ginisi niya an saiyang gubing.

2 Mga Hade 22:19

asin nagsolsol ka saka nagpakumbaba sa atubangan ko. Pakadangog kan plano kong pagpadusa sa Jerusalem asin sa mga nag-eerok digdi, tanganing magin sinda mapungaw saka magin maldisyon. Ginisi mo an saimong gubing saka naghibi sa atubang ko. Nadangog ko an saimong pamibi,

2 Mga Hade 5:7

Kan mabasa kan hade nin Israel an surat, ginisi niya an saiyang gubing huli sa dakulang takot dangan nagsabi, “Tano ta pinaglalaoman ako kan hade nin Siria na bolongon an lalaking ini? Ano Dios ako na igwa nin kapangyarihan sa buhay asin sa kagadanan? Malinaw na naghahanap siya nin dahelan tanganing iwalon ako!”

2 Mga Hade 6:30

Kan madangog ini kan hade, ginisi niya an saiyang gubing. Naglalakaw siya kaidto sa gilid kan kudal, asin kan maghiling an mga tawo, nahiling ninda na nakasulot siya nin sako sa irarom kan saiyang gubing.

2 Mga Cronica 6:27

hinanyoga sinda hale sa langit, asin patawada an kasalan kan saimong mga sorogoon, an banwaan nin Israel; tukdoan mo sinda kan marahay na gibo na dapat nindang sunodon. Dangan, O Kagurangnan, tawe nin uran an saimong daga, an daga na itinao mo sa saimong banwaan bilang pamana.

Nehemias 9:17

Habo sindang magkuyog, asin liningawan ninda an mga ngangalasan na ginibo mo para sainda. Sa kapaabaw-abawan pinili ninda an sarong lider, na madara sainda pabalik sa kaoripnan sa Egipto. Alagad ika sarong Dios na nagpapatawad; maugayon ka saka mamomoton, haloy bago maanggot asin mayaman sa pagkamoot, asin dai mo sinda pinabayaan.

An Libro ni Job 1:20

Dangan nagtindog si Job asin ginisi an saiyang gubing sa kamondoan. Inaris niya an buhok sa saiyang payo dangan nagdapa siya sa daga.

Salmo 103:8

Maheherakon an Kagurangnan asin maugayon, maluway sa pag-anggot, mayaman sa pagkamoot.

Salmo 106:45

Huli sainda giniromdom niya an saiyang tipan; asin sa kadakulaan kan danay niyang pagkamoot, naglumoy an saiyang boot.

Salmo 34:18

Harani an Kagurangnan sa mga nagmomondo; iliniligtas niya an mga nawaraan nin paglaom.

Salmo 51:17

O Dios, espiritung nagsosolsol an sakong atang; mapakumbaba asin nagsosolsol na puso dai mo isisikwal.

Salmo 86:15

Alagad ika, Kagurangnan, sarong Dios na maheherakon asin mamomoton, maluway sa pag-anggot saka mayaman sa danay na pagkamoot asin pagkamaimbod.

Salmo 86:5

Kagurangnan, ika marahay saka mapagpatawad, mayaman sa danay na pagkamoot sa gabos na nag-aapod saimo.

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Isaias 58:5

Kun nag-aayuno kamo, pinapasakitan nindo an saindong mga hawak; idinuduko nindo an saindong payo siring sa sarong dahon nin doot, asin binibiklad nindo an sako dangan minahigda kamo sa abo. Aapodon daw nindong pag-aayuno an siring? Sa paghona nindo, mawiwili ako sa siring na gibo?

Isaias 66:2

Ako mismo an naglalang kan bilog na kinaban! Alagad nawiwilihan ko an mga mapakumbaba asin nagsosolsol, an mga may pagkatakot saka nagkukuyog sa sako.

Jeremias 36:7

Tibaad mamibi sinda sa Kagurangnan asin talikodan ninda an maraot nindang pamumuhay huli ta pinatakot nin Kagurangnan an saiyang banwaan kan saiyang nakakatakot na kaanggotan asin kabangisan.”

Jeremias 41:5

otsentang lalaki an nag-abot hale sa Shekem, Shilo, asin Samaria. Inaris ninda an saindang barabas, ginisi an saindang mga gubing saka linugad an saindang mga hawak. May dara sindang trigo saka insenso na idodolot sa Templo.

Jeremias 42:10

‘Kun magdanay kamo sa dagang ini, papatindogon ko kamo asin dai rurumpagon; itatanom ko kamo asin dai gagaboton. An karatan na dinara ko saindo nagin dahelan kan dakulang kamondoan ko.

Ezekiel 9:4

dangan sinabihan, “Maglibot ka sa bilog na syudad nin Jerusalem asin markahan mo an angog kan lambang saro na nag-aagrangay asin nasasakitan huli kan gabos na makauuyam na mga bagay na ginigibo sa syudad.”

Oseas 14:1

Magbalik kamo sa Kagurangnan na saindong Dios, O banwaan nin Israel. An saindong kasalan iyo an nakapatumba saindo.

Jonas 3:9

Tibaad pa magbago nin isip an Dios; tibaad dai na siya maanggot, asin dai kita magadan!”

Jonas 4:2

Kaya namibi siya, “Kagurangnan, bakong sinabi ko na kaidto bago ako nagdigdi na iyo ini an gigibohon mo? Kaya hiningowa kong magdulag pasiring sa Espanya. Aram ko na ika sarong Dios na mamomoton, maheherakon, matinios, maboot, asin danay na andam na magbago nin isip asin dai na magpadusa.

Mikas 7:18

Mayo nin ibang dios na arog saimo, Kagurangnan; pinapatawad mo an kasalan kan mga natada sa saimong banwaan. Dai ka naanggot sagkod pa man, kundi nawiwili ka sa pagpahiling sa samo kan saimong danay na pagkamoot.

Nahum 1:3

An Kagurangnan bakong madaling maanggot, alagad mapangyari siya asin pinapadusahan nanggad niya an may kasalan. Sa linalakawan nin Kagurangnan, minatunga an mga bagyo; an mga panganoron iyo an alpog na nasusudsod kan saiyang mga bitis!

Mga Bilang 14:18

‘Ako, an Kagurangnan, dai tolos naaanggot saka dakula sa pagkamoot, nagpapatawad kan kasalan patin kasombikalan. Alagad papadusahan ko an mga aki asin makoapo sagkod sa ikatolo patin ikaapat na henerasyon huli kan mga kasalan kan saindang mga magurang.’

Roma 2:4

O tibaad hinahaboan mo an saiyang dakulang pagkamaboot, pagkamatinios asin pagkapasensyoso? Dai mo aram na maboot siya saimo huli ta boot ka niyang magbakle?

Efeso 2:4

Alagad nagsusupay an pagkaherak nin Dios, asin dakula an saiyang pagkamoot sato,

1 Timoteo 4:8

Huli ta kun igwa nin halaga an pagpakosog sa hawak, may halaga an pagpakosog sa kabanalan, huli ta ini may panuga para sa buhay ngunyan asin para sa buhay na madatong.