Joel 2:11 - Marahay na Bareta Biblia

¹¹ Pakurahaw na pinagbotan nin Kagurangnan an saiyang hukbo. Dakul asin makosog an mga soldados na nagkukuyog sa saiya. Mangirhat nanggad an aldaw nin Kagurangnan! Siisay an makakatagal kaiyan?

Joel 2:11 Iomraidhean Croise

Salmo 18:14

Nagpana siya asin nagkawararak an saiyang mga kaiwal; pinakikilat niya asin nagdurulag sinda.

Salmo 46:6

Nagkakatarakot an mga nasyon, nagtatarakig an mga kahadean; nagdadaguldol an Dios asin natutunaw an daga.

Salmo 68:18

Tinutukad niya an halangkaw na bukid, dara an dakul na bihag; minaako siya nin mga regalo maski an mga gikan sa masombikal na tawo. Duman maerok an Kagurangnan Dios.

Isaias 13:4

Dangoga an ribok sa kabukidan—an ribok nin kadakul na tawo, nin mga nasyon asin mga kahadean na nagtitiripon. Inaandam kan Kagurangnan nin mga hukbo an saiyang hukbo sa pakilaban.

Isaias 42:13

An Kagurangnan minaluwas siring sa sarong paralaban; andam asin boot makigera. Minakurahaw siya bilang tanda nin pagsalakay; ipinapahiling niya an saiyang kapangyarihan laban sa saiyang mga kaiwal.

Isaias 7:18

“Pag-abot kan panahon na iyan, masiwit an Kagurangnan bilang sarong tanda para sa mga Egipcio tanganing magdirigdi sinda siring sa mga langaw hale sa pinakaharayong mga sanga kan Salog nin Nilo, asin para sa mga Asiro tanganing magdirigdi sinda hale sa saindang daga siring sa mga putakti.

Jeremias 25:30

“Jeremias, dapat na ipahayag mo an lambang sinabi ko. Taraman mo nanggad an mga tawong ini, ‘An Kagurangnan maghahagubohob hale sa langit asin magdadaguldol hale sa kaitaasan nin langit. Maghahagubohob siya laban sa saiyang banwaan; magkukurahaw siya arog kan sarong tawo na nagtitimaktimak kan mga ubas. An lambang saro sa daga makakadangog saiya,

Jeremias 30:7

Makatatakot an aldaw na iyan. Mayo iyan nin kaarog; panahon iyan nin kahaditan para sa sakong banwaan, alagad makakaligtas sinda diyan.”

Jeremias 50:34

Alagad makosog an saindang Paratubos; an ngaran niya iyo an Kagurangnan nin mga hukbo. Siya an nakikilaban para sainda, asin mapadara siya nin katoninongan sa daga, alagad kahorasaan sa mga taga Babilonia.”

Ezekiel 22:14

Naghohona daw kamo na igwa pa kamo nin matatadang isog asin kosog kun gibohon ko na iyan saindo? Ako, an Kagurangnan, an nagtaram asin gigibohon ko iyan.

Joel 1:15

Harani na an aldaw nin Kagurangnan, an aldaw na manraraot an Makakamhan. Mangirhat na gayo an aldaw na iyan!

Joel 1:6

Sarong hukbo nin mga doron an nagsalakay sa satong daga; mapangyari sinda asin dai mabibilang; matarom an saindang mga ngipon arog kan sa leon.

Joel 2:1

Huyopa an trompeta; patanoga an alarma sa Sion, an banal na bulod nin Dios. Pagtakig, banwaan nin Juda! Nagdadangadang na an aldaw nin Kagurangnan.

Joel 2:2

Sarong aldaw iyan nin kadikloman asin kamondoan, sarong mapongaw na aldaw saka mahibog na kadikloman! Nagdadangadang an dakulang hukbo nin mga doron arog sa kadikloman na naglalakop sa ibabaw nin kabukidan. Dai pa nin nangyaring arog kaiyan, asin ngapit, dai na mangyayari iyan.

Joel 2:25

Ibabalik ko saindo an nawara nindo sa mga taon kan kakanon kan mga doron an saindong mga tinanom. Ako an nagpadara kan mga doron laban sa saindo.

Joel 2:31

An aldaw magdiklom an bulan mapula na garo dugo bago umabot an dakula saka mangirhat na aldaw nin Kagurangnan.

Joel 3:14

Ribo-ribo an yaon sa Kapantayan nin Paghukom. Madali nang mag-abot duman an aldaw nin Kagurangnan.

Joel 3:16

Hale sa Bukid nin Sion nagdadaguldol an Kagurangnan; an saiyang tingog nagdadaguldol hale sa Jerusalem; an kinaban saka an langit tinatakigan. Alagad susurogon niya an saiyang banwaan.

Amos 1:2

Nagsabi si Amos, “Nagtataram sa makosog na tingog an Kagurangnan hale sa Bukid nin Sion; nagdadaguldol an saiyang tingog hale sa Jerusalem. Naaalang an mga pasabsaban, asin naluluyos an mga doot sa Bukid nin Carmelo.”

Amos 5:18

Herak man saindo na mga nagmamawot na mag-abot na an aldaw nin Kagurangnan! Anong karahayan an itatao saindo kan aldaw na iyan? An aldaw na iyan magigin aldaw nin kadikloman asin bakong aldaw nin kaliwanagan.

Amos 5:20

An aldaw nin Kagurangnan madara nin kadikloman asin bakong kaliwanagan; iyan magigin sarong aldaw nin kamondoan, na mayo nin anoman na kaogmahan.

Obadias 1:15

“Harani na an aldaw na ako, an Kagurangnan, mahukom sa mga nasyon. Edom, an ginibo mo iyo man an gigibohon saimo. Ibabalik saimo an itinao mo.

Nahum 1:6

Siisay an mabubuhay kun siya naaanggot? Siisay an makakatagal sa labi-labi niyang kaanggotan? Saiyang inuula an nagkakalayo niyang kaanggotan; naroronot an mga gapo sa saiyang atubang.

Malakias 3:2

Alagad siisay an makakatagal kun mag-abot na an aldaw na iyan? Siisay an mabubuhay kun magpahiling na siya? Huli ta makakaagid siya sa makosog na sabon, arog sa kalayo na naglilinig sa metal.

Mga Bilang 24:23

Nagpropesiya pa si Balaam: “Siisay an mabubuhay kun ini gibohon nin Dios?

1 Tesalonica 4:16

Ikukurahaw an pagboot, madadangog an tingog kan arkanghel, matanog an trompeta nin Dios asin kadungan kaiyan, mahilig hale sa langit an Kagurangnan. An mga nagkagaradan ki Cristo an enot na bubuhayon liwat.

Kapahayagan 18:8

Huli kaini, sarabay na maabot saiya, sa laog nin sarong aldaw, an mga peste: helang, kamondoan saka gutom. Tututongon siya kan kalayo, huli ta makakamhan an Kagurangnan na Dios na mahukom saiya.”

Kapahayagan 6:17

Huli ta an mangirhat na aldaw kan saindang kaanggotan nag-abot na asin siisay an makakatagal kaiyan?”