Joel 1:4 - Marahay na Bareta Biblia

⁴ Grupo-grupong mga doron an nagtugdon sa mga tinanom; an nalihisan kan sarong grupo, kinakakan kan masunod.

Joel 1:4 Iomraidhean Croise

1 Mga Hade 8:37

“Kun magkaigwa sa daga nin gutom o peste, o maraot an mga tanom huli sa doros, sa sobrang uran, sa mga doron, o kun salakayon kan mga kaiwal an saimong banwaan, o kun may mga helang na mag-abot sainda,

2 Mga Cronica 6:28

“Kun magkaigwa sa daga nin gutom o peste, o kun maraot an mga tinanom huli sa mainit na doros, sa mga doron, o kun salakayon kan mga kaiwal an saimong banwaan, asin kun may mga helang na mag-abot sainda,

2 Mga Cronica 7:13

Kun serahan ko an kalangitan tanganing dai mag-uran, o kun pagbotan ko an mga doron na kakanon an mga tinanom, o padarahan ko nin peste an sakong banwaan,

Salmo 105:34

Nagboot siya, asin an mga doron duminatong, mga doron na dai mabilang sa kadakulan.

Salmo 78:46

Nagpadara siya nin mga ulod tanganing kakanon an saindang mga tinanom; mga doron tanganing raoton an bunga kan saindang kapagalan.

Exodo 10:4

Kun padagos kang magsayuma, an saimong banwaan dadarahan ko nin mga doron sa aga.

Exodo 10:5

Huli sa kadakulan, matatahoban ninda an daga. Kakakanon ninda an gabos na dai naraot kan yelo, sagkod an nagkataradang mga kahoy.

Isaias 33:4

asin an saindang mga pagsadiri tinitipon dangan sinasamsam.

Jeremias 51:14

An Kagurangnan nin mga hukbo nagsumpa sa saimong sadiri na mapadara nin mga lalaki na arog kadakul sa mga doron, tanganing salakayon an Babilonia, asin makurahaw sinda nin kapangganahan.

Jeremias 51:27

“Iitaas nindo an bandera sa pagsalakay! Patanogon nindo an trompeta tanganing madangog kan mga nasyon. Paandama an mga nasyon sa pakigera laban sa Babilonia! Taraman nindo an mga kahadean nin Ararat, Minni asin Askenaz na magsalakay laban saiya. Pumili kamo nin opisyal na mangengenot sa pagsalakay. Magpadara kamo nin mga kabayo na arog kadakul sa mga lokton.

Joel 2:25

Ibabalik ko saindo an nawara nindo sa mga taon kan kakanon kan mga doron an saindong mga tinanom. Ako an nagpadara kan mga doron laban sa saindo.

Amos 4:9

“Nagpadara ako nin makuring init tanganing maalang an saindong mga tinanom. Kinakan kan mga doron an saindong mga tinanom saka ubasan, an saindong mga kahoy na higera saka oliba, alagad dai man giraray kamo nagbalik sa sako.

Amos 7:1

Nagkaigwa ako nin sarong bisyon na hale sa Kagurangnan Dios. Sa bisyon na iyan nahiling ko siyang naglalalang nin kadakul na doron kan naputol na an mga dagaming kahirasan kan hade, asin kan nagpopoon nang magtalubo an doot.

Malakias 3:11

Dai ko itutugot na raoton kan mga insekto an saindong mga oma; mamumunga nin dakul an saindong mga balagon nin ubas.

Deuteronomio 28:38

“Dakul na banhi an itatanom nindo alagad kadikit sana an saindong aanihon, huli ta kakakanon kan mga doron an saindong mga tinanom.

Deuteronomio 28:42

Kakakanon kan mga doron an gabos nindong kahoy sagkod tinanom.