Joel 1:2 - Marahay na Bareta Biblia

² Dangoga nindo ini, kamong mga gurang na; paghinanyog, kamong nag-eerok sa Juda! Nangyari na daw an siring kaini sa saindong panahon o sa panahon kan saindong mga magurang?

Joel 1:2 Iomraidhean Croise

An Libro ni Job 12:12

“An mga gurang igwa nin kadonongan, alagad an Dios igwa nin kadonongan asin kapangyarihan. An mga gurang igwa nin pakasabot kan katotoohan, alagad an Dios igwa nin pakasabot kan katotoohan saka kan kapangyarihan sa paggibo.

An Libro ni Job 15:10

Nanodan mi an samong kadonongan sa mga gurang— mga tawong namundag bago an saimong ama.

An Libro ni Job 21:7

“Tadaw ta itinutugot nin Dios na mabuhay an mga maraot, maggurang saka mag-uswag sa kapangyarihan?

An Libro ni Job 8:8

“Paghumapot, nakikimaherak ako saimo, dapit sa nakaaging panahon, asin siyasata an mga katotoohan na nanodan kan satong mga ginikanan.

Salmo 49:1

Dangoga nindo ini, kamo gabos na banwaan! Himatea nindo, gabos na tawo sa kinaban,

Isaias 34:1

Madya, mga namamanwaan sa gabos na nasyon! Magtiripon kamo asin magdangog. Magdangog an bilog na kinaban asin an gabos na nag-eerok diyan.

Isaias 7:17

“An Kagurangnan mapadara saimo, sa saimong banwaan, asin sa harong nin saimong ama, nin mga aldaw nin kasakitan na mas makuri ki sa nangyari poon kan magsuhay an kahadean nin Israel sa Juda—dadarahon niya an hade nin Asiria.

Jeremias 30:7

Makatatakot an aldaw na iyan. Mayo iyan nin kaarog; panahon iyan nin kahaditan para sa sakong banwaan, alagad makakaligtas sinda diyan.”

Jeremias 5:21

Pagdangog kamo, lolong saka mangmang na mga tawo na igwang mga mata, alagad dai nakakahiling; na igwang mga talinga, alagad dai nakakadangog.

Daniel 12:1

Nagtaram an anghel na nakagubing nin lino, “Sa panahon na iyan matunga an dakulang anghel, si Miguel, an anghel na nagsusurog kan saimong banwaan. Dangan magkakaigwa nin kasakitan, na dai pa lamang nangyari magpoon kan magkaigwa nin mga nasyon. Pag-abot kan panahon na iyan, an gabos na tawong an ngaran nasusurat sa libro nin Dios maliligtas.

Oseas 4:1

An Kagurangnan igwa nin reklamo laban sa mga tawo na nag-eerok sa dagang ini. Dangoga, Israel, an sinasabi niya: “Mayo nin kaimbodan o pagkaherak sa daga, asin dai ako inaako kan mga tawo bilang Dios.

Oseas 5:1

“Mga padi, dangoga nindo ini! Paghinanyog kamo, banwaan nin Israel! Paghimate kamo, kamo na kaayon sa pamilya kan hade! Dapat ipinahiling nindo an hustisya sa saindong paghukom—kaya kamo an huhukoman! Nagin sarong siod kamo sa Mizpa, sarong hikot na nabibiklad sa Bukid nin Tabor,

Joel 1:14

Magpaluwas kamo nin mga pagboot para sa pag-ayuno; patiripona an gabos na tawo! Tipona an mga lider asin an mga taga Juda sa laog kan Templo nin Kagurangnan na saindong Dios dangan mag-agrangay kamo saiya!

Joel 2:2

Sarong aldaw iyan nin kadikloman asin kamondoan, sarong mapongaw na aldaw saka mahibog na kadikloman! Nagdadangadang an dakulang hukbo nin mga doron arog sa kadikloman na naglalakop sa ibabaw nin kabukidan. Dai pa nin nangyaring arog kaiyan, asin ngapit, dai na mangyayari iyan.

Amos 3:1

Banwaan nin Israel, dangoga an mensaheng ini na itinaram nin Kagurangnan laban saindo, an nasyon na ilinuwas niya hale sa Egipto:

Amos 4:1

Dangoga nindo ini, kamong mga babaeng taga Samaria, na nagtataraba arog kan mga baka sa Basan, na nag-aapi kan mga maluluya, nagpapasakit kan mga dukha, saka nagboboot sa mga agom tanganing danay kamong tawan nin arak!

Amos 5:1

Banwaan nin Israel, dangoga ining panambitan na aawiton ko saindo:

Mikas 1:2

Dangoga nindo ini, kamo gabos na nasyon; hinanyoga nindo ini, kamo gabos na nag-eerok sa daga! Masaksi laban saindo an Kagurangnan Dios. Paghinanyog! Nagtataram siya hale sa langitnon niyang templo.

Mikas 3:1

Pagdangog kamo, mga pamayo nin Israel! Kamo kutana an mga tawong dapat nagmamakulog dapit sa hustisya,

Mikas 3:9

Dangoga nindo ako, kamong mga pamayo nin Israel, na naoongis sa hustisya asin nagbibiko sa katanosan.

Mateo 13:9

Nagsabi si Jesus, “An may talinga, magdangog!”

Mateo 24:21

Huli ta an kasakitan sa panahon na iyan orog pang makatatakot ki sa arin man na nangyari poon sa kapinonan kan kinaban sagkod ngunyan. Mayo nang makakaarog pa kaiyan nuarin pa man.

Kapahayagan 2:7

“An may talinga, magdangog sa sinasabi kan Espiritu sa mga simbahan! “Sa mga manggagana, itatao ko an deretsong magkakan kan bunga kan kahoy nin buhay na nasa Paraiso nin Dios.