Joel 1:13 - Marahay na Bareta Biblia

¹³ Pagsulot nin sako asin pagtangis, kamong mga padi na naglilingkod duman sa altar! Paglaog kamo sa Templo asin pagmondo sa bilog na banggi! Mayo nang trigo o arak na ikakadolot sa saindong Dios.

Joel 1:13 Iomraidhean Croise

2 Samuel 12:16

Kaya namibi si David sa Dios para sa saiyang aki. Nag-ayuno si David, asin pagkabanggi naglaog siya sa saiyang kwarto dangan pinalihis an bangging nakahigda sa salog.

1 Mga Hade 21:27

Kan madangog ni Ahab an mga sinabi ni Elias, ginisi niya an saiyang gubing saka nagsulot nin sako. Nag-ayuno siya, nagkatorog na sulot an sako asin naglakaw na mamondo nin makuri.

Isaias 22:12

Inapod kamo kaidto kan Kagurangnan Dios nin mga hukbo tanganing maghibi saka magmondo, mag-aris kan saindong payo saka magsulot nin sako.

Isaias 61:6

Mimidbidon kamo bilang mga padi kan Kagurangnan, an mga sorogoon kan satong Dios. Magkikinabang kamo sa kayamanan kan mga nasyon asin mag-oorgulyo na iyan sadiri nindo.

Jeremias 4:8

Kaya magsulot kamo nin sako, magtangis kamo saka maghaya huli ta an mabangis na kaanggotan nin Kagurangnan sa Juda dai nahahale.

Jeremias 9:10

Nagsabi ako, “Magmomondo ako para sa kabukidan asin magtatangis para sa mga pasabsaban, huli ta aralang na sinda, asin mayo na nin nag-aagi sainda. An inungal kan mga hayop dai na nadadangog; an mga gamgam saka mga lalaw na hayop nagdurulag saka nagharale na.”

Ezekiel 21:12

Aki nin tawo, maghibi ka asin maghaya; huli ta an espadang iyan para sa sakong banwaan, asin para sa gabos na prinsipe nin Israel. Gagadanon sinda sa espada kaiba an sakong banwaan. Tumboka an saimong daghan sa kawaraan nin paglaom!

Ezekiel 27:31

Inaaris ninda an saindang buhok asin naggugubing nin sako, mamondo sinda, mantang nagtatangis para saimo.

Ezekiel 7:18

Magubing sinda nin sako, asin matatakot nin labi-labi. Aarisan ninda an saindang payo asin masosopog sinda gabos.

Oseas 9:5

Pag-abot kan mga itinalaan na pyesta sa pag-omaw sa Kagurangnan, ano an saindang gigibohon?

Joel 2:12

“Alagad maski ngunyan,” an sabi nin Kagurangnan, “magbalik kamo sako sa bilog nindong puso na may pag-ayuno asin pagtangis patin pagmondo.

Joel 2:14

Tibaad magliwat nin isip an Kagurangnan na saindong Dios asin bendisyonan kamo nin dakulang ani. Dangan madodolotan nindo siya nin trigo saka arak.

Joel 2:17

An mga padi, na naglilingkod sa Kagurangnan sa pagultanan kan altar asin kan pintoan kan Templo, kaipuhan na magtangis saka magpamibi: “Maherak ka sa saimong banwaan, Kagurangnan. Hare pagtugote an ibang nasyon na pagngisihan kami dangan pag-olog-ologon sa pagsabing, ‘Haen an saindong Dios?’”

Mga Bilang 28:14

Kaiba kaiyan iyo an mga dolot na arak; duwang litrong arak para sa lambang torong baka, saro may kabangang litro para sa lalaking karnero, asin sarong litro para sa lambang kordero. Iyo ini an pagsusundon para sa tinutong na atang kun enot na aldaw kan lambang bulan kan taon.

Mga Bilang 28:4

Idolot nindo an saro pagkaaga dangan an saro pagkabanggi;

Mga Bilang 28:7

Bilang dolot na arak na kaiba kan enot na kordero, iula nindo sa altar an sarong litrong arak.

Mga Bilang 29:6

Idolot nindo an mga iyan, laen pa kan tinutong na atang para sa enot na aldaw kan lambang bulan asin kan dolot na pagkakan, laen pa man kan aroaldaw na tinutong na atang saka dolot na pagkakan sagkod arak. An mga dolot na pagkakan na iyan, sarong parong na nakakawili sa Kagurangnan.

1 Corinto 4:1

Isipon nindo na kami mga sorogoon ni Cristo asin mga pinaniwalaan kan mga misteryo nin Dios.

1 Corinto 9:13

Aram man sana nindo na an mga Judio na naglilingkod sa Templo nagkukua kan saindang kakanon sa Templo, dangan an mga nagdodolot nin mga atang sa altar igwa nin kahirasan sa mga atang.

2 Corinto 11:23

Mga sorogoon sinda ni Cristo? Garo ako bua-bua sa pagsabi kaini, alagad mas marahay akong sorogoon ni Cristo ki sa sainda. Nagtrabaho ako nin mas maigot ki sa sainda; dakul na beses akong nabilanggo ki sa sainda, pinaghampak ako labi pa sainda, saka dakul na beses nang dikit pa akong magadan.

2 Corinto 3:6

Siya an nagpakanigo samo na magin paralingkod kan bagong tipan, na bakong sa nakasurat na katogonan kundi sa Espiritu. An nakasurat na katogonan nagdadara nin kagadanan, alagad an Espiritu nagtatao nin buhay.

2 Corinto 6:4

Kundi ipinapahiling mi sa gabos ming ginigibo na mga sorogoon kami nin Dios sa paagi kan samong pakatagal sa panahon nin kasakitan, mga kapawotan, asin mga kahorasaan;

Kapahayagan 11:3

An duwa kong saksi na nakagubing nin sako tatawan ko nin kapangyarihan na magpropesiya sa laog nin mil dos syentos sesentang aldaw.”