Joel 1:10 - Marahay na Bareta Biblia

¹⁰ Mayo nang kaomahan; an daga nagmomondo huli ta naraot an mga tanom na trigo, naalang an mga ubas, asin nagkaaralang an mga kahoy na oliba.

Joel 1:10 Iomraidhean Croise

Genesis 4:12

Kun magtanom ka, mayo kang aanihon; ika magigin sarong paradulag asin sarong lagalag sa kinaban.”

Isaias 15:6

Mamara na an Sapa nin Nimrim; alang na an doot sa harani kaiyan, asin mayo nang berdeng natada.

Isaias 24:11

Nagkukurahaw an mga tawo sa mga tinampo huli ta mayo na nin arak. Sagkod pa man mayo nang kaogmahan; nawara na iyan sa daga.

Isaias 24:7

Nagkakaaralang an mga balagon nin ubas, asin dikit-dikit na nawawara an arak. An mga maogma kaidto mamondo na ngunyan

Jeremias 12:11

An daga ginibo nindang sarong kalangtadan; nagmomondo iyan sa sakong atubang. An bilog na daga nagin sarong desyerto asin mayong nagmamakulog na tawo.

Jeremias 12:4

Sagkod nuarin magigin mamara an daga saka magigin alang an mga doot sa kabukidan? Naghihingagdan an mga hayop saka gamgam huli kan karatan kan samong banwaan, banwaan na nagsasabing, ‘Dai nahihiling nin Dios an satong mga ginigibo.’”

Jeremias 48:33

Pinara na an kagayagayahan asin kaogmahan sa matubang na daga nin Moab. Pinaontok ko na an pagbulos kan arak sa mga pugaan nin ubas; mayo na nin magibo nin arak saka makurahaw huli sa kaogmahan.

Oseas 4:3

Kaya maaalang an daga, asin magagadan an gabos na nabubuhay diyan. Magagadan man an gabos na hayop, gamgam saka sira.”

Oseas 9:2

Alagad dai mahahaloy, magkukulang an saindong trigo saka lana nin oliba, asin dai na kamo magkakaigwa nin arak.

Joel 1:12

Nagkaruluyos na an mga poon nin ubas saka an mga kahoy na higera; nagkaruluyos dangan nagkagaradan an gabos na kahoy na namumunga. An kaogmahan kan mga tawo nawara man.

Joel 1:5

Pagmata kamo asin pagtangis, kamong mga paraburat; paghibi, kamong mga parainom nin arak; raot na an mga ubas na gigibohon na bagong arak.

Joel 2:19

Sinimbag niya sinda: “Ngunyan tatawan ko kamo nin trigo, arak saka lana nin oliba, asin mababasog kamo. Dai na kamo pagtutuyatuyaon kan ibang nasyon.

Levitico 26:20

Masasayang an gabos nindong paghihingowa huli ta dai magkakaigwa nin ani an saindong daga; dai man mamumunga an mga kahoy.

Habakkuk 3:17

Maski dai namumurak an mga poon nin higera asin an mga ubas mayo nin bunga, maski dai makakua nin lana nin oliba asin an kaomahan dai mamunga, maski magkagaradan an gabos na karnero asin mawaraan nin laog an mga laoman nin hayop,

Hageo 1:11

Nagpadara ako nin labi-labing init sa daga—sa kabubuldan, sa mga oma nin trigo, sa mga ubasan saka olibahan—sa lambang tinanom, sa mga tawo saka mga hayop, asin sa gabos na pinagpapagalan nindo.”

Malakias 2:3

Papadusahan ko an saindong mga aki asin inonosnos ko an saindong lalawogon sa odo kan mga hayop na isinasakripisyo nindo—dangan itatapok kamo sa luwas sa tambakan kan mga odo.