Jeremias 9:3 - Marahay na Bareta Biblia

³ Danay sindang andam sa pagtaram nin kaputikan; embes na katotoohan, pandadaya an nagpapalakaw kan daga. Nagtataram an Kagurangnan, “Sunod-sunod na karatan an ginigibo kan sakong banwaan asin dai ninda ako minimidbid bilang saindang Dios.”

Jeremias 9:3 Iomraidhean Croise

Genesis 39:16

Sinaray niya an alikboy sagkod na magpuli an kagurangnan ni Jose

Mga Talinhaga 12:5

Marahay an mga kaisipan kan matanos; an mga plano kan maraot pano nin pandadaya.

Isaias 1:3

Midbid kan baka an kagurangnan niya, asin aram kan asno an lugar na pinagbabahogan saiya, alagad an Israel dai nakakaaram; dai nakakasabot an sakong banwaan.”

Isaias 3:5

Dangan aapihon kan lambang saro an saiyang kapwa, an lambang tawo mang-aapi kan saiyang kataed. An mga hoben magigin matumang sa saindang mga kamagurangan, asin an mga mayong halagang tawo sa mga ginagalangan.

Isaias 6:5

Nagsabi ako, “Herak man sako! Magagadan ako huli ta an lambang tataramon na nag-aagi sa sakong mga ngabil makasalan, asin nag-eerok ako sa tahaw nin mga banwaan na an lambang tataramon makasalan; huli ta nahiling ko an Hade, an Kagurangnan nin mga hukbo!”

Isaias 9:18

An karatan kan mga tawo naglalaad siring sa kalayo na nakakatutong sa mga binit saka mga tonok. Naglalaad iyan siring sa sarong kalayo sa kadlagan na nagpapaturon nin mahibog na aso.

Jeremias 12:6

Pinasaluib ka maski kan mga tugang mong lalaki, na mga kaayon kan sadiri mong pamilya; kaiba sinda kan mga nagtataram tumang saimo. Dai ka magtubod sainda, maski magagayon an mga tinataram ninda.”

Jeremias 22:16

Itinao niya sa mga dukha an hustisya, kaya marahay gabos an nagin bunga kaiyan. Iyan an kahulogan kan pakamidbid sa Kagurangnan.

Jeremias 31:34

Dai na ninda kaipuhan na tukdoan an lambang saro tanganing mamidbidan an Kagurangnan, huli ta gabos sinda, magpoon sa kasaradayan sagkod sa haralangkaw na tawo, makakamidbid sako. Papatawadon ko an saindang mga kasalan asin dai ko na gigiromdomon an mga gibo nindang maraot. Ako, an Kagurangnan, an nagtaram.”

Jeremias 4:22

An Kagurangnan nagtataram, “Mangmang an sakong banwaan; dai ninda ako midbid. Garo sinda mga aking lolong; mayo sinda nin pakasabot. Eksperto sinda sa paggibo nin maraot alagad dai sinda tataong maggibo nin matanos.”

Jeremias 5:4

Dangan nagsaboot ako, “Mga dukha sana sinda asin mayo nin pakasabot. Naggigibo sinda nin kamangmangan huli ta dai ninda naaaraman an kahagadan nin Kagurangnan, an boot saindang ipagibo nin Kagurangnan.

Jeremias 5:5

Maduman ako sa darakulang tawo, saka makikipag-olay sainda. Huli ta naaaraman ninda an kahagadan nin Kagurangnan, an boot saindang ipagibo nin Kagurangnan.” Alagad gabos man sinda nagsikwal kan kapangyarihan nin Kagurangnan asin habo nindang magkuyog saiya.

Jeremias 6:28

Sinda gabos rebeldeng matatagas an payo, matagas arog kan bronse saka lansang. Sinda gabos maraot, asin naglilibot sinda tanganing manlibak.

Jeremias 7:26

Alagad mayo nin nagdangog ni nagpahalaga kan sakong tataramon. Orog na nagin matagas an saindang payo asin mas rebelde pa kamo ki sa saindong mga ginikanan.

Jeremias 9:5

An gabos nandadaya sa katood niya, mayong nagtataram nin katotoohan; tinukdoan ninda an saindang dila na magtaram nin kaputikan asin dai sinda maontok sa paggibo nin kasalan.

Jeremias 9:8

An saindang dila garo bosog nin pana na nakakagadan; danay sindang nagsasabi nin kaputikan. An lambang saro nagtataram nin magayon sa saiyang kanatad, alagad an totoo, nagbubugtak siya nin siod para saiya.

Ezekiel 8:13

Dangan nagsabi sako an Kagurangnan, “Mahihiling mo sindang maggigibo nin orog pang makauuyam na mga bagay.”

Daniel 11:27

An duwang hade matukaw sa sarong lamesa tanganing magkakan, alagad parehong maraot an nasa isip ninda asin magpuputik sinda sa lambang saro. Dai ninda makakamtan an saindang minamawot huli ta dai pa minaabot an panahon para sa bagay na iyan.

Levitico 19:11

“Dai kamo maghabon o magdaya o magputik.

Markos 8:38

An siisay man na ikasopog ako asin an mga katukdoan ko sa atubang kan mga tawong masombikal asin parakasala, ikakasopog man kan Aki nin Tawo sa aldaw nin saiyang pagdatong sa kamurawayan nin saiyang Ama kaiba an mga banal na anghel.”

Juan 17:3

An buhay na daing kataposan iyo ini: na mamidbidan ka ninda, an iyo sanang tunay na Dios, saka si Jesu-Cristo na sinugo mo.

Mga Gibo 24:9

An mga Judio na yaon duman nagsabi man na an gabos na sumbong totoo.

Roma 1:16

Dai ko ikinakasopog an Marahay na Bareta manongod ki Cristo, huli ta iyan an kapangyarihan nin Dios na nagliligtas sa gabos na igwa nin pagtubod, enot sa mga Judio, dangan sa mga pagano.

Roma 1:28

Huli ta habo sindang magmidbid sa Dios, pinabayaan na niya sinda sa mga maaati nindang kaisipan, saka sa mga sala nindang gibo.

Roma 3:13

An saindang halonan sarong bukas na lulubngan, ginagamit ninda an saindang dila sa pagdaya. Mga mararang tataramon, na garo rara nin halas, an nagluluwas sa saindang ngoso;

1 Corinto 15:34

Magtoltol kamo saka dai na magkasala. An iba saindo dai nakakamidbid sa Dios. Sinasabi ko ini nganing masopog kamo.

Filipos 1:28

Dai kamo matakot sa mga kaiwal nindo; magmaisog kamo, asin magpapatunay iyan sainda na madadaog sinda asin kamo an manggagana huli ta an Dios an nagtatao saindo nin kapangganahan.

2 Timoteo 3:13

mantang an mga tawong maraot asin parasagin-sagin, padagos na magigin maraot, mga nandadaya saka nadadaya.

Judas 1:3

Mga namomotan, kanigoan an pagmawot kong magsurat saindo dapit sa kaligtasan nyato gabos. Alagad ngunyan nahihiling ko na dapat kamong suratan sa pagsadol saindo na ipadagos nindo an pakipaglaban para sa pagtubod na itinao nin Dios sa saiyang banwaan makasarong beses asin sagkod lamang.

Kapahayagan 12:11

Dinaog siya kan satong mga tugang huli kan dugo kan Kordero asin huli kan katotoohan kan saindang pagsaksi; dai sinda natakot na mawaraan nin buhay—andam sindang magadan.

Hukom 14:17

Kaya sa laog kan pitong aldaw nin pyesta, naghihibi sa atubang ni Samson an saiyang agom. Alagad sa ikapitong aldaw, isinabi ni Samson sa babae an simbag kan paokod huli ta dai siya inontokan kaini. Dangan inosip kan babae an simbag sa kapwa niya Filisteo.

Hukom 2:10

Nagkagaradan an gabos na kabilang sa henerasyon na idto, asin an bagong henerasyon dai nakamidbid sa Kagurangnan asin kan mga ginibo niya para sa Israel.

1 Samuel 2:12

An mga aking lalaki ni Eli mga mayong ugale; dai ninda iginagalang an Kagurangnan