Jeremias 7:12 - Marahay na Bareta Biblia

¹² Dumuman kamo sa Shilo, an lugar na enot kong pinili tanganing duman ako nindo sambahon, asin hilingon nindo an ginibo ko sa lugar na idto huli kan mga kasalan kan sakong banwaan na Israel.

Jeremias 7:12 Iomraidhean Croise

1 Mga Hade 9:7

hahaleon ko an banwaan nin Israel sa dagang itinao ko sainda. Pababayaan ko man an Templong ini na kinonsagra ko para sa sakong ngaran. An Israel magigin ngingisihan asin pagtutuyatuyaon kan gabos na banwaan.

Jeremias 26:6

Kun padagos kamong dai magkuyog, gigibohon ko sa Templong ini an ginibo ko sa Shilo, dangan gagamiton kan gabos na nasyon sa kinaban an ngaran kan syudad na ini bilang sarong maldisyon.”

Jeremias 7:14

Kaya an ginibo ko sa Shilo gigibohon ko man sa Templo kong ini, na sinasarigan nindo. Digdi sa lugar na ini na itinao ko saindo asin sa mga ginikanan nindo, gigibohon ko an parehong ginibo ko sa Shilo.

Deuteronomio 12:11

Mapili an Kagurangnan nin saro sanang lugar na pagsasambahan saiya asin duman nindo dadarahon an gabos na ipinagboot ko saindo: an saindong mga tinutong na atang asin iba pang mga sakripisyo, an saindong mga himoloan saka mga dolot, asin an saindong mga panugang regalo sa Kagurangnan.

Deuteronomio 12:5

Hale sa gabos na daga kan saindong tribu, mapili an Kagurangnan na saindong Dios nin sarong lugar na pagtitiriponan kan mga tawo sa pagsamba saiya.

Josue 18:1

Kan masakop na ninda an daga, an bilog na Israel nagtiripon sa Shilo asin pinatindog duman an Tabernakulo nin Kagurangnan.

Josue 18:10

Nagripa si Josue tanganing hapoton an Kagurangnan para sainda. Dangan an lambang saro kan natatadang mga tribu tinawan niya kan kahirasan na daga.

Hukom 18:31

Dai man hinale an mga dios-dios ni Micas mantang nasa Shilo an Tabernakulo nin Dios.

1 Samuel 1:3

Taon-taon, nagduduman si Elkana sa Shilo hale sa Rama, tanganing magsamba asin magdolot nin mga atang sa Kagurangnan nin mga hukbo. Si Hofni asin si Finehas na mga aking lalaki ni Eli, iyo an naglilingkod duman bilang mga padi nin Kagurangnan.

1 Samuel 4:22

“Naghale na an kamurawayan nin Dios sa Israel,” olay niya, “huli ta nabihag an Kaban nin Dios.”