Jeremias 4:3 - Marahay na Bareta Biblia

³ An Kagurangnan nagtataram sa mga taga Juda asin sa mga taga Jerusalem, “Aradohon nindo an saindong daga na dai naaarado; dai nindo ipagtanom an saindong banhi sa tahaw kan mga tonok.

Jeremias 4:3 Iomraidhean Croise

Genesis 3:18

Matalubo sa daga an mga doot saka mga tonok, asin mapipiritan kang magkakan nin mga tinanom sa kadlagan.

Exodo 23:11

Alagad sa ikapitong taon pabayaan nindo an daga asin dai nindo pag-anihon an ano man na magtalubo diyan tanganing may makakan an mga dukha, asin an matada makakan kan mga lalaw na hayop. Arog man kaiyan an saindong gibohon sa saindong ubasan saka olibahan.

Oseas 10:12

Nagsabi ako, ‘Aradohon nindo asin tanoman nin katanosan an dai pa natatanoman na daga, dangan anihon an mga biyaya na magigin bunga kan saindong pagigin maimbod sako. Panahon na tanganing magbalik kamo sako, an saindong Kagurangnan, asin madatong ako dangan mawaras nin mga biyaya sa saindo.’

Mateo 13:22

An mga banhing nakasabwag sa lugar na matonok garo idtong mga tawo na nagdadangog kan tataramon, alagad an tataramon pinopoot kan mga kahaditan sa buhay na ini asin kan pagkamoot sa kayamanan, kaya dai nagbubunga.

Mateo 13:7

An iba man na banhi nahulog sa katonokan; pagtambo kan mga tonok, pinoot an mga banhi.

Markos 4:7

An iba man na mga banhi nahulog sa katonokan. Pagtambo kan tonok pinoot an banhi kaya dai nagbunga.

Lukas 8:14

An mga banhing nakasabwag sa lugar na matonok garo an mga tawo na minadangog, alagad pinopoot sinda kan mga kahaditan, kayamanan asin kaogmahan sa buhay na ini kaya dai nahihinog an saindang bunga.

Lukas 8:7

An iba naman nahulog sa katonokan na sabay na nagtalubo kan mga banhi kaya napoot an mga banhi.